فعلا يا جماعة خلينا نتكلم بالعقل شوية هيا العربيات دي مش حتصدي و لا حاجة العربيات دي حتعفن على طول ل ل ل ل ل :44:
عرض للطباعة
فعلا يا جماعة خلينا نتكلم بالعقل شوية هيا العربيات دي مش حتصدي و لا حاجة العربيات دي حتعفن على طول ل ل ل ل ل :44:
20 الف لية ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟
دة 20 الف دة تمن 2 عربية مرسيدس زلموكة مودي 1995 في السعودية
او تويوتا ياريس جديدة فول اوبشنز
حرام بجد هو الواحد بيلاقي الفلوس دة في الشارع
عايز أقولك حاجه في موضوع مكسب الشركات اللي بتنتج العربيات .
الشركات المنتجة للسيارات مكسبها في السيارة ضعيف جدآ . يعني مثلا شركة بيجو أو تويوتا أو فورد أو دايو أو ........ أو....... أيآ كانت الشركة بيكون مكسبها في السيارة لا يتعدى المئات . نعم المئات وليس الألوفات . المكسب الحقيقي للشركات المنتجة للسيارات بيكون في قطع الغيار الخاصة بالسيارة وليس في السيارة نفسها .هذا للعلم فقط .
وشكرآ
وأخيرآ ( خلوها تصدي وموديلها يعدي )
ميزودواا براحتهم .. حد قال حاجة !!!
بس الى يشترى بقا .....
خليهم يغلوا ويبيعوا لنفسهم بقا :sifone:
السوق المصري ماشي في سكه لوحده..
العربيات مش هترخص..زيها زي العقارات
سوق العقارات ميت في الدنيا كلها والناس عماله تفلس والبنوك مطحونه,وشركات السيارات بتقفل,والدنيا في العالم كله بظرميت,لكن في مصر العربيات بتغلى.والعقارات بتغلى...والدنيا ماشيه حلاوه مع التجار المصريين
هو ليه الناس بتستوعب غلا السيارات بسرعه ولو هترخص يزعلو يا جماع هي العربيات مش هترخص هي هترجع لسعرها الي كانت عليه
ايه يا جماعة
مشفتووش اسعار BMW ولا ايه
هما اول ناس نزله الاسعار عشان عربياتهم فوق ال2000 سي سي ودي بيتباع قليل جدا منها في مصر
هقولكوا علي شوية اسعار عن BMW عشان انا متابع من زمان
320 موديل 2009 الشكل الجديد 320000 بدل 380000
523 ب450000 بدل 515000
X3 ب430000 بدل 470000
يعني فوق ال2000 سي سي نزل
شوية والي تحت هينزل ودي مسئلة وقت
نيجي للمستعمل
انا جبت عربيتي ال316 ب210000 في شهر نوفمبر بخصم 10000 من مدير المبيعات بالعافية وهي موديل 2007 عاملة 10000كم
افتحوا الاهرام هتلاقوا موديل 2008 عاملة 8000كم فبريقة ب190000 وكمان ممكن تفاصل
يعني الموضوع واضح بس هياخد وقت
عايز أضيف حاجة مهمة وغايبة عننا هنا في مصر ألا وهي إن أسعار السيارات خارج مصر أقل بكتير ودة راجع لجشع التجار عندنا فمثلا في الكويت (وأنا ولدت وعشت هناك) ممكن تجيب سيارة أمريكي 100 % أو ياباني مش كوري ولا صيني ولا تقفيل مصري بأقل من ثمن سيارة لادا أ 128 ووالله أنا مش ببالغ واللي سافر برة يعرف الكلام دة .. وحقيقة الأمر إن هامش ربح مبيعات شركات السيارات الأم بيكون بسيط جدا على السيارة لكن مكاسبهم الحقيقية بتتحقق من خلال عالمية وانتشار السيارة اللي بالتالي بتحقق مبيعات أكبر على مستوى العالم يعني يبيع أكثر فيكسب أكتر .. اللي عايز أقوله إن السيارات حترخص حترخص مش بس لأن في أزمة اقتصادية عالمية ولكن لأن بقى في وعي عند كتير من المصريين بحقيقة جشع تجار السيارات بعد ما انكشفت حقائق عن أسعار السيارات عالميا وهامش الربح الرهيب اللي بيحققوه من قديم الأزل والناس بتدفع وتشتري من زمان ومش داريين بالعالم حواليهم .. وحتى لو مش حاشتري عربية خالص أنا مقاطع للشراء ولن أقبل أن أستغل .. وخليها تصدي وموديلها يعدي :44:
اقدر اقولك اني كرهت العربيات من كتر ما روحت المعارض كل واحد بسعر وانتوا الي بيجي تحت اديكو وهوه ما بيعرف في العربيات بتعملوا معاه احلي واجب بجد يعني يشتري نوبيرا بتمن النترا ويطلع وهوه فرحان ويقول دول ادوني كاسيت وشنطه عده هديه والاخر بعد شهر يكتشف انه دافع تمانهم 10 مرات ولكن للاسف ترجع يقول هيه العربيه مش مشيت
لو لم اكن مصريا لارتحت نفسيا