الموضوع: مش هتصدى ولا حاجه....منقول

اصحاب العربيات مش عايزين ينزلوا الأسعار مع انها نزلت في كل دول العالم معتمدين على ان الشعب المصري شعب طيب وهيقول ياعم وهو انا لسه هستنى لما الأسعار تنزل انا هشتري دلوقتي وخلاص

لكن احنا بنقول لهم الأسعار هتنزل يعني هتنزل

واذا كنتم مش عايزين تنزلوها يبقى خلو العربيات معاكم أقولكم خللوها ...أو ... احشوها

- - - - - - - - - - - - - - - - - - - - - - - - - - - - - - - - - - - - - - - - - - - - - - - -

دة يا جماعه جزء من برنامج محمود سعد اللي بيقدمه على نجوم أف أم سمعته وأنا جاي النهاردة الصبح في الراديو يعني الحمله مسمعه في كل حته يعني كلنا لازم نتكاتف والناس الانهزاميه تفوق بقى وتعرف ان دي مصلحتنا كلنا عايزين نبقى ايجابيين بقى وكفاية نهب في جيوب الشعب المصري

صدقوني لو الحمله دي نجحت كل التجار هيعملوا حساب للمستهلك المصري زي ما بيعملوا حسابه بره ومحدش هيفكر يقرطس الناس على اساس ان الناس سلبيه والشعب المصري طيب ومبيعترضش


خليها تصدي وموديلها يعدي

هو طبعا كاتب الكلام ده مش تاجر عربيات و لا حاجة لأني فعلا مفيش تاجر يقول كدة بالعكس كلهم طالعين يقولوا مكسبنا يدوبك و علي الأد و كدة و مفيش تاجر بيعلن عن مكسبه الحقيقي ابدااااااااا مهما كانت الظروف أو الأسباب و بعدين أكيد برضه مفيش تاجر هتبقي عقليته كدة مهما كان لكن عامة سواء كان تاجر او لا فخليها تصدي و تعفن.

لا فعلا يا جماعه حرام برضه يخسر يعنى 9900 بدل 10000 مكسب يعنى يخسر 100 جنيه بحالهم لا لا لا احنا ظلمنا وكلاء السيارات وعشان كدا انا بقولهم بالنيابه عن المنتدى
ياريت يشتروا سنفره عشان يلحقوا البرومه اللى جايه للعربيات ولما تصدى يبقوا يبيعوها خرده
وخليها تصدى واييييييييييييييييييييييي يييييييييييه على رأى المناضل شعبان عبد الرحيم