استفسار بخصوص تيل الفرامل
السلام عليكم ورحمة الله وبركاته اخواني:
لو سمحتوا انا زيت الفرامل كان نفص عندي وبعد كده زودته وبقيت اسمع صوت صفير مع ضغط الفرامل وحاسس ان كفاءة الفرامل ضعفت ...تقريبا كده ان الموضوع محتاج تيل فرامل فدلوقتي طالب منكم الله يجزاكم خير
اول حاجة ورشة كويسة اكشف فيها على الفرامل واغير فيها تيل الفرامل ده لان يوم الخميس طالع اسكندرية ان شاء الله فعاوز اخلص العملية دي الخميس الصبح كده يعني لو دخلتها التوكيل مش هخلص
وبعد تاني حاجة انا عربيتي هونداي اكسنت 2004 مواصفات خليجي اللي هي هنا فرنا هل تيل الفرامل بتاع الفرنا هيفرق عنها
حاجة كمان: انا سمعت ان غبور مش بيستقبل المواصفات الخليجي يعني انا ليا اني ادخلها التوكيل ولا لأ؟
ولو هجيب تيل فرامل اجيبه نوعه ايه انا عاوز الاصلي ويكون كويس جدا وسعره هيبقى في حدود كام علما باني مغيرتش ولا مرة من ساعت ما جت العربية ودلوقتي ماشية فوق 70 يعني كتر خير تيل الفرامل واكون شاكر جدا ليكم والسلام عليكم ورحمة الله وبركاته