مين اللى عمل كده فى عربيتي حبيبتي

**RED_OCTOBER_IV** · 29-01-2009 02:26 PM

يا مان الحمد لله إنك مكنتش فيها .. ويمكن الى خبطها كان معاه حد تعبان فى العربيه وكان عاوز يوديه المستشفى او حاجه كده .. أنتا ليه حاسس إن ليــك أعداء يعنى ؟:d

**zeyad1810** · 29-01-2009 02:54 PM

المشاركة الأصلية كتبت بواسطة fadi2010

اقولك حاجة لو عايز تعرف بجد روح قول لكرومبو وهو هيظبطك على التلفزيزنات

ههههههههههههههة

بس بجد انت عاملها فزورة لية ؟ كويس انها جت على كدة بسيطة بس انت حاول تركن فى اماكن مافيهاش حركة كتير

**pro_samir** · 29-01-2009 06:01 PM

احمد ربنا ان جت على كدة
بتحصل كتير جدا اصلا

حصلت مع اخويا قريب كان واقف بالعربية فى حتة على جنب الطريق مشغل انتظار عادى جدا وسمع صوت كلاكس طوييييل وبعدين صوت دبببب

موتسيكل سايب الطريق كلة بالحارتين وراح دخل فية وهوا واقف هههههه
الفانوس اتكسر والراجل وقع اتعور وطبعا صعب على اخويا سابة يمشى

ولسة امبارح وانا واقف فى الشارع عربية نقل كبيرة لطش فى عربية فيات واقفة وصاحبها مش فيها وقعلة الأكصدام فى الأرض وشوية حاجات كدة طارت من العربية

وطبعا هوا ولا وقف ولا بص اصلا اية اللى حصل

عالم معندهاش ولا دم ولا ذوق وحاجة بقت تقرفففف

**Strong** · 31-01-2009 12:21 AM

احمد ربنا انها جت بسيطة وتترد على البارد

وأكيد اللي عمل كده واحد حقودي وقلبه اسود ومش بيهمه حاجة الناس وعربيته موديل قديم بيمشي يخبط بيها

أنا مرة نزلت لقيت منظر أسوء بكتير في عربيتي لقيت واحد (لعنة الله عليه) عملي فيها عاهة مستديمة وعلى الرغم اني شوفته واشتكيته وعملت محضر لكن ماخدتش حقي ومش باين ان حقي ممكن يرجع ، وجبت أكتر من محامي كلهم قالولي متقلقش لازم هيدفعلك تمن اللي عمله وادفع للمحامي ال 200 جنيه ويختفي لغاية ما زهقت وقلت منه لله وبقالي 4 شهور على الحال ده

**waled369** · 02-02-2009 07:35 PM

يا عم مايكل المهم سلامتك
و اللي يجي في الحديد يهون
أكيد واحد معندوش دم طبعا هوه اللي عمل كده

**Michael_Lanos** · 06-02-2009 08:13 AM

المشاركة الأصلية كتبت بواسطة abou_ruqi

يا عم احمد ربنا دي كدة جات سليمة علي الاخر ، تعالي شوف عربيتي
معجونة من فوق الرفارف والكابوت و الشنطة ، علشان تحت البيت محل عصير مشهور
والزباين ما يتكيفوش قوي غير لما يضربوا الاتنين فخفخينا ويقعدوا علي عربيتي
الله يخرب بيت الايروداينامكس اللي يخلي العربيات مريحة بالشكل ده

مرة نازل ساعة مغربية كده لقيت ولدين حاطين بنتين جنب بعض علي الشنطة و الهوانم ساندين رجليهم علي الاكصدام وهاتك يا حب و غرام علي عربيتي !!

قلتلهم يعني تلبسوني قرون قلنا ماشي
تخلعولي الاكصدام قلنا ماشي
تطبقولي شنطة العربية قلنا ماشي
انما الادان يدن ومحدش فيكوا يروح يصلي ؟ داه اللي مقدرش اشوفوه ابدا

عالم "وحشة" !

معاك حق، هو انت ساكن عند مكه بتاع العصير ولا ايه ؟؟؟؟

**Michael_Lanos** · 06-02-2009 08:16 AM

المشاركة الأصلية كتبت بواسطة RED_OCTOBER_IV

يا مان الحمد لله إنك مكنتش فيها .. ويمكن الى خبطها كان معاه حد تعبان فى العربيه وكان عاوز يوديه المستشفى او حاجه كده .. أنتا ليه حاسس إن ليــك أعداء يعنى ؟:d

اولا الكلب ده شكله عسول جدا جدا
ثانيا انا لو شوفتها وهى بتتخبط مش عارف كنت ممكن اعمل ايه .... بس اكيد كنت هامسك فى اللى عمل كده راجل او ست اهزقه واسيبه

**Michael_Lanos** · 06-02-2009 08:18 AM

المشاركة الأصلية كتبت بواسطة AM011

احمد ربنا انها جت بسيطة وتترد على البارد

وأكيد اللي عمل كده واحد حقودي وقلبه اسود ومش بيهمه حاجة الناس وعربيته موديل قديم بيمشي يخبط بيها

أنا مرة نزلت لقيت منظر أسوء بكتير في عربيتي لقيت واحد (لعنة الله عليه) عملي فيها عاهة مستديمة وعلى الرغم اني شوفته واشتكيته وعملت محضر لكن ماخدتش حقي ومش باين ان حقي ممكن يرجع ، وجبت أكتر من محامي كلهم قالولي متقلقش لازم هيدفعلك تمن اللي عمله وادفع للمحامي ال 200 جنيه ويختفي لغاية ما زهقت وقلت منه لله وبقالي 4 شهور على الحال ده

منهم لله

**abou_ruqi** · 06-02-2009 11:56 AM

المشاركة الأصلية كتبت بواسطة Michael_Lanos

معاك حق، هو انت ساكن عند مكه بتاع العصير ولا ايه ؟؟؟؟

للأسف أيوة

-

مشاهدة نتائج الإستطلاع: مين اللى عمل كده فى عربيتي

الموضوع: مين اللى عمل كده فى عربيتي حبيبتي

LinkBack

أدوات الموضوع

عرض

-

-

-

-

-

المواضيع المتشابهه

عربيتي حبيبتي e30 318 bmw للبيع او للبدل بحاجة اكبر

عربيتي حبيبتي e30 318 bmw للبيع او للبدل بحاجة اكبر

يا حبيبتي يا ميجان

يا حبيبتي يا مصر

يا حبيبتي يا سيريون!

الكلمات الدلالية لهذا الموضوع

المفضلات

المفضلات

ضوابط المشاركة