رحتوا معرض الكتاب؟ طيب اشتريتوا كتب ايه؟

**OlaOsman** · 28-01-2009 09:32 AM

انا رحت أول امبارح و كان رااااااااااااااااايق

اشتريت 6 كتب، كلهم من دار الشروق.. خرجت من جناح الدار مش عارفة ألف في باقي المعرض عشان خلصت فلوس

ان شاء الله لما أقبض لية جولة تانية.. أحس إني رحت المعرض، مش رحت دار الشروق و روحت بيتنا

حد راح تاني؟ اشتريتوا ايه؟

**crazylambada** · 28-01-2009 09:37 AM

انا روحت معرضالكتاب امبارح
مع الدكتور بتاعتي كنت بساعده في ايجاد مراجع معينة هو عاوزها في التخصص بتاعه
فمعرفتشاجيب حاجة لنفسي
الا 5 كتب سودوكو عرفت القطهم كده و اديت الراجل 10 جنيه بس

**emadkamel** · 28-01-2009 10:58 AM

انا عايز اروح ... بس عندى مشكلة بتقرفنى .. انى مش باقدر امشى من قدام الكتب .. لازم ابص على عنوان عنوان وفى اوقات كتير اتصفح الكتاب .... انا بجد ممكن اقعد 14 ساعة بالطريقة دى وبحتاج بعدها اسبوع راحة وحد يتولى مصاريفى لآخر الشهر:K_crying[1]:

انا بقيت اعرف ايه المميز واشتريه من بره اسهلى ....ده موضوع هايل يا علا علشان الواحد يعرف هايجيب ايه على طول

وقوليلنا انت اشتريتى ايه

**itsonlyme** · 28-01-2009 11:17 AM

رحت معرض الكتاب ثلاث مرات في أربعة ايام

الكتب اللي اشترتها:
1) رواية "رجال في الشمس" لغسان كنفاني
2) رواية "قرية ظالمة" لمحمد كامل حسين
3) رواية "الفاعل" لحمدي أبو جليل
4) رواية "الكرنك" لنجيب محفوظ
5) رواية "حمار الحكيم" لتوفيق الحكيم
6) رواية "يوتوبيا" لأحمد خالد توفيق
7) كتاب "Hegemony or Survival" ل نعوم تشومسكي
8) كتاب "الآلهة تفشل دائماً" لادورد سعيد مع اعتراضي على الاسم
9) كتاب "Audacity of Hope" لباراك حسين أوباما

**Mido80** · 28-01-2009 11:34 AM

يا بختكم دا انا هاتجنن واروح بس هاعمل اية انا عايش برة مصر.

**Samir Elshahawy** · 28-01-2009 11:36 AM

و الله كويس أوي أنك فكرتينا بالمعرض ده يا علا وسط الزحمة اللي أحنا فيها اليومين دول فعلا أنا بقالي أكتر من 15 سنه ماروحتش المعرض أيامها كنت أروح من الصبح بدري و أخرج منه الساعة 9 مساء يعني بقضي فيه أكتر من 10 ساعات ألف الاجنحة بتاعته كلها و أطلع منه بشنط كتب و موسوعات أفضل أقرأ فيها طوال العام الي الذي يليه و هكذا لكن بعد ماأشتغلت و لم يعد عندي وقت لا للمعرض و لا لاي شئ سوي العمل و القراءة الخاصة بمجال العمل لزوم الدراسة و امتحانات الترقي

ربنا يسهل و أقدر أروح يوم الاجازة و أهي تبقي فرصة لتغيير الجو و الخروج من زحمة المشاكل اليومية

**kh_talaat** · 28-01-2009 11:39 AM

كل سنة يجي ميعاد المعرض ابقى عايز اروحه وبعدين الاقي نفسي مفلس واقول هروح احصر نفسي .... خليها السنة الجاية وهكذا وهكذا ....

انا بفكر في حل جديد وهو الاشتراك في مكتبة من المكتبات العامه واستعاره الكتب أوفر

**OlaOsman** · 28-01-2009 02:05 PM

انا اشتريت الآتي:

رواية لا أحد ينام في الأسكندرية لإبراهيم عبد المجيد
رواية أفراح القبة لنجيب محفوظ
كتاب مما جرى في بر مصر ليوسف الشريف
تاكسي.. حواديت المشاوير لخالد الخميسي
الطريق من هنا للشيخ محمد الغزالي
مجموعة تدوينات أما هذه فرقصتي أنا لغادة محمد محمود

**mazagngi2010** · 28-01-2009 02:05 PM

ارزاق كملت ولا لسه ياجماعه؟؟

**youssefmustang** · 31-01-2009 04:35 AM

انا اشتريت 5 كتب
1- حيوانات ما قبل التاريخ (الديناصورات)
2-عالم البحار
3-انتشتين والقنبلة الذرية (صاحبى اللى معايا قالى شكلنا هنتمسك ارهابيين)
4-كتاب الهكرز والكراكرز
5-كتاب اوضاع الرياضة الصحيحة (لكمال الاجسام)
اخوكم يوسف

الموضوع: رحتوا معرض الكتاب؟ طيب اشتريتوا كتب ايه؟

LinkBack

أدوات الموضوع

عرض

-

-

-

-

-

-

المواضيع المتشابهه

بمناسبة معرض الكتاب 24\1 - 6\2 .. ايه الكتب اللي قرأتها و عجبتك او ناوي تجيبها ؟

مركز التدريب بجوار معرض الكتاب

ايه اخبار معرض الكتاب معاكم

في حد راح معرض الكتاب.

معرض الكتاب: اخبار واصدارات (متجدد)

الكلمات الدلالية لهذا الموضوع

المفضلات

المفضلات

ضوابط المشاركة