الموضوع: بتحب تابع مين العاشرة مساءا ام القاهرة اليوم ام 90 دقيقة ام البيت بيتك ؟

واضح ان محدش جاب سيره البيت بيتك خالص

والله برافو عليكم .... اصل خلاص الناس معدش بيضحك عليها زي زمان

والله فرجه قريب .... والحدق يفهم

المشاركة الأصلية كتبت بواسطة دينا أبوالعلا

ولما بيجيبو حالات انسانيه بحس انهم مش بيراعو مشاعر اللي قدامهم ابدا

امال تقولي ايه يا دينا في الاخت مقدمة برنامج صبايا
و حياة ربنا بحس انها بتتعمد تنهر الحالة الانسانية اللى معاها
عشان الحلقة تبقى سخنة طبعا و مش مهم ان ده بيحصل على حساب الحالة
يعني مثلا الاسبوع اللى فات كانت جايبة طفل عنده 3 سنوات عنده الكبد
و المفروض يعمل عملية خلال ايام و يسافر بره و محتاجين 300 الف جنيه
ام الولد بتقوللها لازم العملية تتعمل خلال ايام قليله جدا و الا هيضيع مني
تقوللها يضيع منك ازاى ؟؟؟ هيموت يعني ؟؟؟
الست سكتت مردتش و فضلت تعيط
راحت مكررة السؤال تانى لحد ما الست جاوبتها انه ايوة هيموت
بالذمة ده اسمه كلام يا جماعه

انا شخصيا بحب جدااااااااااااا برنامج الطبعه الاولى
أحمد المسلمانى ده جرررررررررريء جداااااااااااااا
بحس كدة انه ملوش كبير و بيدوس في الكل و مش خايف
فعلا بيعبر عن اللي جوانا و بيعبر عن رأي الشارع المصري كما يجب

90 دقيقة كمان كويس اوى
10 مساءا من بعده

فكرتيني والله يا سندريلا يومها كنت هكلم فالموضوع لانها فعلا جرحتني جدا حتي لو كنتي عايزه تكسبي تعاطف الناس مينفعش تفضلي تقولي لامه يعني لو معملهاش الدكتور قالك هيموت رغم ان فيه مليون طريقه ممكن توصل بيها ان الولد هيموت لو معملهاش بس تقولي ايه !!!!!!!!نفس اسلوب اللي معرفش اسمها ايه بتاعت 90 دقيقه منتهي عدم الاحساس
فكرتيني لما كانت بتقول وفلوسكو اللي دفعتوها لسه مخلصتش طيب ما ممكن تقولي فلوسكو اللي اتبرعتو بيها ليه تحسسي الناس انهم بيمنَو علي المرضي
هما اكيد مبيشوفوش الحلقات بعد لما بيعملوها

المشاركة الأصلية كتبت بواسطة دينا أبوالعلا

فكرتيني والله يا سندريلا يومها كنت هكلم فالموضوع لانها فعلا جرحتني جدا حتي لو كنتي عايزه تكسبي تعاطف الناس مينفعش تفضلي تقولي لامه يعني لو معملهاش الدكتور قالك هيموت رغم ان فيه مليون طريقه ممكن توصل بيها ان الولد هيموت لو معملهاش بس تقولي ايه !!!!!!!!نفس اسلوب اللي معرفش اسمها ايه بتاعت 90 دقيقه منتهي عدم الاحساس
فكرتيني لما كانت بتقول وفلوسكو اللي دفعتوها لسه مخلصتش طيب ما ممكن تقولي فلوسكو اللي اتبرعتو بيها ليه تحسسي الناس انهم بيمنَو علي المرضي
هما اكيد مبيشوفوش الحلقات بعد لما بيعملوها

صدقيني العطف و الانسانية مش بلم الفلوس يا دينا
الناس دي مش هم ذوي القلوب الرحيمة اللي يا حرام بيتعبوا اوى و هم بيعملوا التسريحة التمام و الميك اب الفظيع و هم طالعين على الشاشة عشان يجمعوا التبرعات
هم عايزين ايه غير فرقعه اعلامية و خلاص والناس تقول عليهم يا سلام على المذيعه الفلانية دي قلبت الموازين
و الناس تقول يا سلااااااااام دول جابوا الديب من ديله
طبعا محدش ينكر انهم بيكون في اخر المطاف ليهم دور في جمع التبرعات
بس مش عشان هم اللي قلبهم على الحاله اوى يعني
ده بيكون عشان هم بيطلعوا في التليفزيون وبيوجهوا النداءات
اما غير كدة فأكيد في ناس كتيرة اوي انسب بالدور ده منهم

اكيد لو خدوا بالهم من اسلوبهم وراعوا شعور الحالات دي الموضوع هيكون فيه مصداقية اكتر

و ربنا يهدي ..

مفيش اى برنامج زى القاهره اليوم فعلا يعنى ولو انى ممكن اختلف مع عمر اديب ساعات بس فعلا القاهره اليوم افضل برنامج حوارى و يليه العاشره مساء و منى الشازلى طبعا غنيه عن التعريف معتز بقا مش بحبه ابدا بس ساعات بضطر اسمعه لحد ما ييجى العاشره مساء
العيب الوحيد فى القاهره اليوم هو فقره اسألوا رجاء بجد اول ما يقول ان النهارده اسألوا رجاء اقوم قالب المحطه على طول