بتحب تابع مين العاشرة مساءا ام القاهرة اليوم ام 90 دقيقة ام البيت بيتك ؟

**sendrella** · 28-01-2009 05:43 PM

المشاركة الأصلية كتبت بواسطة elassar2010

فعلا كلامك مظبوط برنامج 90 دقيقة بيعمل كدة يعنى مرة كان فية مداخلة تلفونية من اخ لميت فى حادثة ومعتز بيسالة شعورك اية او اوصفلىالحالة عندك عاملة ازاى!!!! منتهى البرود والهبل

لا حول ولا قوة الا بالله
شعوره ايه يعني ايه
ايه الاستهانة دي
دي منتهى اللا مشاعر والله
هيكون شعوره ايه يعني .. طاير من الفرحة مثلا

ناس تجيب الضغطططططططط

**Islam Amer** · 28-01-2009 05:45 PM

1- القاهره اليوم (طابعا ده لازم يوميا)
2- وارجوك افهمني
3- 90 دقيقيه (بشاهده او نصف ساعه فقط)
4- البيت بيتك (بتابع في بعض الفقرات مثل حلقه الشيخ خالد الجندي )
5- اما برنامج العاشره مساءا (برنامج جيد بس مذيعه مش متمكنه في التحدث يعني (مش بتعرف تكلم خالص يعني بتلغبط في الكلام )

وهذا رايي وشكرااا

**elassar2010** · 28-01-2009 06:19 PM

المشاركة الأصلية كتبت بواسطة sendrella

لا حول ولا قوة الا بالله
شعوره ايه يعني ايه
ايه الاستهانة دي
دي منتهى اللا مشاعر والله
هيكون شعوره ايه يعني .. طاير من الفرحة مثلا

ناس تجيب الضغطططططططط

هو فعلا دى مشكلة برنامج 90 دقيقة تحسى انهم معندهمش احساس حافظين كلام وخلاص وبيرددوة سواء فى فرح او حزن
والمذيعة اللذيذة الى معاة تحسى انها عايزة تتخانق مع اى حد فى التليفون تزعق وتقاطع كلامة ومتفهميش اى حاجة من مداخلة التليفون
بصراحة سيد على لما كان بيقدم البرنامج كان مستوى البرنامج رائع وممتاز

**ZAKI32** · 29-01-2009 01:55 AM

البرنس الكبير طبعا عمرو اديب وبرنامج القاهرة اليوم
الرزينة منى الشاذلى وبرنامج رالعاشرة مساءا
المتحدث اللبق احمد المسلمانى وبرنامج الطبعة الاولى

اللاسع معتز الدمرداش وبيعرفش يدير الحوار ولا يطلع معلومة من اللى مستضيفة . وكفاية انه مكنش فى صف المستهلك يوم حوار استضافته للتجار عشان حملة خلوها تصدى

**MoToRiZeR** · 29-01-2009 02:44 AM

مني الشاذلي

و أحمد المسلماني بيعجبني جراءته و أداؤه جداَ .. يعني ممكن يمسك واحد يغسله تهزيق و تريقة و هو بيتكلم عاااااادي جداَ .

بس انا معنديش اوربت فا مبشوفش عمرو أديب .

**moudy88** · 29-01-2009 04:16 AM

ترتيبي للبرامج هو
1-العاشره مساء للمتحدثه اللبقه والجريئه منى الشاذلي
2-الحياه اليوم وبصراحه ماعرفش اسماء اللي بيقدموه بس بيعجبني البرنامج
3-الطبعه الاولى لاحمد المسلماني ..مذيع جرئ ولسانه طويل

وطبعا 90 دقيقه مالوش ترتيب لاني بكره اللي اسمه معتز ده..وبحس انه مش محايد ودائما بيفتي في اللي مالوش فيه و اسلوبه عربجي شويه (سوري في اللفظ) ده غير انه مالوش في البطيخ (سوري تاني) مع اني بحب تمثيل الست والدته السيده كريمه مختار

**pro_samir** · 29-01-2009 05:11 AM

هوا الطبعة الأولى الوحيد اللى برتاحلة
لكن غير كدة بعصر على نفسى لمونة و مضطر اسمع علشان اعرف الدنيا فيها اية
الكلام دة اصلا لو كنت فى البيت لأنى بقالى كتييييييييييير مشوفتش حاجة من البرامج دى كلها

وبعدين مالة 90 دقيقة ياخوانا بس !!! برنامج زى الفل وناس كول كوول كوووول الحقيقة

وبعدين لما الناس كلها بتحبة كدة امال البرنامج مستمر لمين بالظبط ولا هوا نظام اللى مش عاجبة يغير القناة
شــــــلــــــــــــل

**Ahmed_Elkhateb** · 29-01-2009 12:26 PM

المشاركة الأصلية كتبت بواسطة mramzy

انا الساعه 9 بشوف الحياه اليوم برضه برنامج جامد جدا
لغايه ماي جى 9 ونص اشوف 90 دقيقة استحمل رخامه معتز شويه بس علاشن اعرف الدنيا لغايه
العاشرة مساء استمتع بمنى الشاذلى واداها الراقى واسلوبها الاللى فوق الوصف فى الرزانه والهدوء والذكاء والمحاورة البناءة
ساعات كتير مش بكمل لللاخر بس على الاقل لازم اشوف اول الحلاقة واللى بيتقال فيها ايه
ولو حصل عملت كده وكان فى نفس الموضوع زى مثلا مووضع امبارح اضاراب عمال السكه الحديد كلهم جابوا الدكتور ورده المتحدث الرسمى للسكه الحديد شوف الفرق بين ال3 وهتعرف مين اللى بيحترم عقلك وهو بيكلم المسئول طبعا منى الشاذلى

طبعا العاشرة مساء والسبب الرأيسى منى الشاذلى