هو في ايه ؟!! ايه اللي بيحصل للمنتدى

هو في ايه يا جماعة ؟ ايه اللي بيحصل لمنتدانا الجميل
وجهات نظر متطاحنة ودفاع مستميت عن وجهات النظر دي على طريقة اللي مش معايا يبقى ضدي كده خبط لزق وامصات وزعل من الاعضاء وندرة مشاركة ويمكن انعدام من الاعضاء القدامى المحبوبين . على سبيل المثال لا الحصر
فبن كريم منير فين احمد ابراهيم aif فين سبعاوي فين علا فين كريبتون و غيرهم كتيير
احنا لما كان عددنا قليل كنا احسن من كده بكتيييير يبقى لما العدد يكتر نبقى كده ؟؟؟
لازم في حل للي بيحصل ده

فعلا يا أستاذ أيهاب معك حق

لذا أنا طلبت منذ يومين أننا نلتقي كما تعودنا في أول جمعة من الشهر لأن في أعتقادي مثل هذه المقابلات ممكن أن تصفي النفوس و أن يشرح كل طرف وجهة نظره للطرف الاخر مباشرة لأنه قد يحدث سوء فهم بسبب أستخدام الكلمات عبر النت في بعض الاحيان

أما بالنسبة لقلة مشاركات بعض السادة الاعضاء فأعتقد أنهم قد يكونوا منشغلين قليلا فأعذرهم

لكني من هنا أكرر ندائي الي الادارة و جميع الاخوة أعضاء منتندانا بالاتفاق علي لقاء المنتدي كما تعودنا كل شهر حتي لا نتباعد أكثر من ذلك

و شكرا

اقتباس:

---

المشاركة الأصلية كتبت بواسطة SE_coralsea

فعلا يا أستاذ أيهاب معك حق

لذا أنا طلبت منذ يومين أننا نلتقي كما تعودنا في أول جمعة من الشهر لأن في أعتقادي مثل هذه المقابلات ممكن أن تصفي النفوس و أن يشرح كل طرف وجهة نظره للطرف الاخر مباشرة لأنه قد يحدث سوء فهم بسبب أستخدام الكلمات عبر النت في بعض الاحيان

أما بالنسبة لقلة مشاركات بعض السادة الاعضاء فأعتقد أنهم قد يكونوا منشغلين قليلا فأعذرهم

لكني من هنا أكرر ندائي الي الادارة و جميع الاخوة أعضاء منتندانا بالاتفاق علي لقاء المنتدي كما تعودنا كل شهر حتي لا نتباعد أكثر من ذلك

و شكرا

---

يا باشا مقابلة الهوندا والبيجو الجمعة الجاية باذن الله 30-1 وطبعا اي حد يشرف ...
متنساش ان انا وانت اتقابلنا في يوم الرينو :ma:

ربنا يسهل و أقدر أجي لأن كل ماتتحدد مقابلة للمنتدي يجيلي سفرية برة مصر فبطلت أقول أنا جاي

و ربنا يستر :ask:

يمكن لما نبدأ بنفسنا و نحاول نحسن من أدائنا النتيجة تتغير؟

طبعا الواحد بتصيبه حالة من الزهق من اللي بيحصل بس ده مش معناه ان الواحد يسيب المكان أو ينسحب تماما.. خلينا احنا نقول كلام مفيد و خلينا محافظين على هدوئنا يمكن.. يمكن الأحوال تتغير للأحسن.

ماشي الحال ولو اني مش عارف كلامك يا علا ده مدح ولا ذم بس ما علينا

اقتباس:

---

المشاركة الأصلية كتبت بواسطة ehabradwan

ماشي الحال ولو اني مش عارف كلامك يا علا ده مدح ولا ذم بس ما علينا

---

لا هو انا كنت باقول الكلام ده لنفسي.. حاجة كده زي تفكير بصوت عالي مش أكتر :original:

والله يا استاذ ايهاب قولت اللي كنت عايز اقولة
كل مادخل الاقي خناقة
في كل مكان خناقة
زهئت والله من كتر الخناقات
ليه بقينا خلقنا ضيق كدة
ده هو ده المكان المتنفس لينا جميعا
هانتخانق مع بعض فيه كمان
يبقي لا جوة ولا برة
الرحمه والله وكل واحد يتقبل الراي الاخر وهاتبقي كويسة جدا

اقتباس:

---

المشاركة الأصلية كتبت بواسطة karim_monir

والله يا استاذ ايهاب قولت اللي كنت عايز اقولة
كل مادخل الاقي خناقة
في كل مكان خناقة
زهئت والله من كتر الخناقات
ليه بقينا خلقنا ضيق كدة
ده هو ده المكان المتنفس لينا جميعا
هانتخانق مع بعض فيه كمان
يبقي لا جوة ولا برة
الرحمه والله وكل واحد يتقبل الراي الاخر وهاتبقي كويسة جدا

---

نورت يا باشا :S_thum1[1]:

ان شاء الله هتروق و تحلى و نرجع زي الفل زي زمان

المهم برافو علي الاستاذ أيهاب اللي قدر أخيرا يخلي أ/ كريم و أ/ علا يطلعوا من صمتهم

اقتباس:

---

المشاركة الأصلية كتبت بواسطة karim_monir

والله يا استاذ ايهاب قولت اللي كنت عايز اقولة
كل مادخل الاقي خناقة
في كل مكان خناقة
زهئت والله من كتر الخناقات
ليه بقينا خلقنا ضيق كدة
ده هو ده المكان المتنفس لينا جميعا
هانتخانق مع بعض فيه كمان
يبقي لا جوة ولا برة
الرحمه والله وكل واحد يتقبل الراي الاخر وهاتبقي كويسة جدا

---

المشكله يا كريم انك تلاقى ناس لسه بتبعت اول او تانى مشاركه ليها وبتغلط فى ناس او تتريق على ناس من اعمده المنتدى
مش عارف بيجوا منين بالظبط بس واضح ان ليهم غرض معين

وطبعا ده بيخلى الناس التقيله اللى فى المنتدى تبدأ تنسحب او يكون مشاركتها اقل بكتيير عن السابق

و الله الحال ميبسطش خالص
و اتمني عوده الامور لهدوئها
حتي الواحد نفسه تتفتح للاجتماعي تاني

أخشي أن تكون مشاكل الحياة اليومية و الازمات التي نعيشها في هذه الايام من غلاء و طقس سئ ملئ بالامراض قد أثرت كلها علي أداء الاعضاء بالمنتدي و أصابتهم بحالة صيام عن الكتابة و المشاركة

اقتباس:

---

المشاركة الأصلية كتبت بواسطة ehabradwan

هو في ايه يا جماعة ؟ ايه اللي بيحصل لمنتدانا الجميل
وجهات نظر متطاحنة ودفاع مستميت عن وجهات النظر دي على طريقة اللي مش معايا يبقى ضدي كده خبط لزق وامصات وزعل من الاعضاء وندرة مشاركة ويمكن انعدام من الاعضاء القدامى المحبوبين . على سبيل المثال لا الحصر
فبن كريم منير فين احمد ابراهيم aif فين سبعاوي فين علا فين كريبتون و غيرهم كتيير
احنا لما كان عددنا قليل كنا احسن من كده بكتيييير يبقى لما العدد يكتر نبقى كده ؟؟؟
لازم في حل للي بيحصل ده

---

ودكتور هشام chicco بقاله كتير مش بيشارك خالص :120146b
بجد الناس دي كانت مؤثرة اوي في المنتدي وروحهم حلوة جدا
معرفش سابونا ليه وبعدوا اوي كده والمنتدي مبقالوش طعم من غيرهم :k30:

تخيل ان سيادتك ساكن في عمارة 4 ادوار فيها 12 شقة ... اكيد ح تبقى عارف كل جيرانك واولادهم واقاربهم ويمكن اصدقاءهم كمان .... وبتحس بكل احساسهم وبتزعل لزعلهم وبتفرح معاهم ... وعايش في مشاكلهم وافراحهم واتراحهم
وبعدين راح صاحب العمارة معليها ومكبرها و بقت 20 دور وفيها 250 شقة .... و طبعا مع كترت الناس اصبحت المشاكل كتير والترابط الاجتماعي اقل بكتير و الناس ما حدش عارف حد و الأذواق اختلفت والتصادم بقى شبه يومي و راح الزمن الجميل اللي كااااان
دي ضريبة التوسع
ده طبعا احد اسباب اللي حضرتك بتسأل عنها
بالاضافة الى عوامل اخرى كتير ....
اختفاء العديد من الزملاء اللي كانو بيضفو على المكان طابع خاص .... وانا شخصيا كنت اكثر تأثرا بغياب توأمي شيكو .... وزهرة المنتدي ... نهى ... ده طبعا غير باقي الزملاء الاعزاء اللي مش عاوز اقول اسمائهم عشان ما أنساش حد
وكمان العصبية الشديدة و عدم تقبل اي اختلاف في وجهات النظر و سوء التعبير والاسلوب من بعض الزملاء
وعندك كمان المواضيع اللي بتخلي الناس تتخانق .... الجدل الديني والمذهبي الذي له اماكن اخرى غير هنا .... والمشكلة الرئيسية السرمدية .... اللي يمكن تكون من ايام الفراعين في منف وطيبة وتل العمارنه ... الأهلي والزمالك
وعندك كمان الضغوط الحياتية المتنامية و ما يتبعها من ضغوط عصبية وحالات اكتئاب مزمنة عند 150% من الشعب المصري المطحون ثم متغربل ثم مطحون ثم مصفى ثم مطحوم ثم مطحون تاني

اقتباس:

---

المشاركة الأصلية كتبت بواسطة R A N A

ودكتور هشام chicco بقاله كتير مش بيشارك خالص :120146b
بجد الناس دي كانت مؤثرة اوي في المنتدي وروحهم حلوة جدا
معرفش سابونا ليه وبعدوا اوي كده والمنتدي مبقالوش طعم من غيرهم :k30:

---

ده إلا غياب شيكو بجد مأثر جددددددددا و مفتقدين مشاركاته جددددددددا :(

هو انتي غيرتي اسمك؟ طيب هو كده مش ناقصه حاجة؟؟

اقتباس:

---

المشاركة الأصلية كتبت بواسطة aif

تخيل ان سيادتك ساكن في عمارة 4 ادوار فيها 12 شقة ... اكيد ح تبقى عارف كل جيرانك واولادهم واقاربهم ويمكن اصدقاءهم كمان .... وبتحس بكل احساسهم وبتزعل لزعلهم وبتفرح معاهم ... وعايش في مشاكلهم وافراحهم واتراحهم
وبعدين راح صاحب العمارة معليها ومكبرها و بقت 20 دور وفيها 250 شقة .... و طبعا مع كترت الناس اصبحت المشاكل كتير والترابط الاجتماعي اقل بكتير و الناس ما حدش عارف حد و الأذواق اختلفت والتصادم بقى شبه يومي و راح الزمن الجميل اللي كااااان
دي ضريبة التوسع
ده طبعا احد اسباب اللي حضرتك بتسأل عنها
بالاضافة الى عوامل اخرى كتير ....
اختفاء العديد من الزملاء اللي كانو بيضفو على المكان طابع خاص .... وانا شخصيا كنت اكثر تأثرا بغياب توأمي شيكو .... وزهرة المنتدي ... نهى ... ده طبعا غير باقي الزملاء الاعزاء اللي مش عاوز اقول اسمائهم عشان ما أنساش حد
وكمان العصبية الشديدة و عدم تقبل اي اختلاف في وجهات النظر و سوء التعبير والاسلوب من بعض الزملاء
وعندك كمان المواضيع اللي بتخلي الناس تتخانق .... الجدل الديني والمذهبي الذي له اماكن اخرى غير هنا .... والمشكلة الرئيسية السرمدية .... اللي يمكن تكون من ايام الفراعين في منف وطيبة وتل العمارنه ... الأهلي والزمالك
وعندك كمان الضغوط الحياتية المتنامية و ما يتبعها من ضغوط عصبية وحالات اكتئاب مزمنة عند 150% من الشعب المصري المطحون ثم متغربل ثم مطحون ثم مصفى ثم مطحوم ثم مطحون تاني

---

مش عارفة أقول ايه. بس بجد بجد واحشنا يا أستاذ احمد.

اقتباس:

---

المشاركة الأصلية كتبت بواسطة aif

تخيل ان سيادتك ساكن في عمارة 4 ادوار فيها 12 شقة ... اكيد ح تبقى عارف كل جيرانك واولادهم واقاربهم ويمكن اصدقاءهم كمان .... وبتحس بكل احساسهم وبتزعل لزعلهم وبتفرح معاهم ... وعايش في مشاكلهم وافراحهم واتراحهم
وبعدين راح صاحب العمارة معليها ومكبرها و بقت 20 دور وفيها 250 شقة .... و طبعا مع كترت الناس اصبحت المشاكل كتير والترابط الاجتماعي اقل بكتير و الناس ما حدش عارف حد و الأذواق اختلفت والتصادم بقى شبه يومي و راح الزمن الجميل اللي كااااان
دي ضريبة التوسع
ده طبعا احد اسباب اللي حضرتك بتسأل عنها
بالاضافة الى عوامل اخرى كتير ....
اختفاء العديد من الزملاء اللي كانو بيضفو على المكان طابع خاص .... وانا شخصيا كنت اكثر تأثرا بغياب توأمي شيكو .... وزهرة المنتدي ... نهى ... ده طبعا غير باقي الزملاء الاعزاء اللي مش عاوز اقول اسمائهم عشان ما أنساش حد
وكمان العصبية الشديدة و عدم تقبل اي اختلاف في وجهات النظر و سوء التعبير والاسلوب من بعض الزملاء
وعندك كمان المواضيع اللي بتخلي الناس تتخانق .... الجدل الديني والمذهبي الذي له اماكن اخرى غير هنا .... والمشكلة الرئيسية السرمدية .... اللي يمكن تكون من ايام الفراعين في منف وطيبة وتل العمارنه ... الأهلي والزمالك
وعندك كمان الضغوط الحياتية المتنامية و ما يتبعها من ضغوط عصبية وحالات اكتئاب مزمنة عند 150% من الشعب المصري المطحون ثم متغربل ثم مطحون ثم مصفى ثم مطحوم ثم مطحون تاني

---

يااااااااااااه يا استاذ احمد :Zb_sor1[1]:
ده حضرتك شكلك زعلان قوي وشايل قوي:k30::120146b

هو حضرتك عندك حق ان التوسع كان له مشاكل
بس برده انا اول ماجيت المنتدي كان في ناس كتير مشتركة في المنتدي بس حضرتك وشيكو وأ. حسام حسن واعضاء كتير مش عايزة انسي حد منهم كبار وعزاز عليا شخصياً وعلى ناس كتيرة هنا كنتوا بتدخلوا وليكوا مواضيعكوا وليكو ردود في كل الموضوعات
بس دلوقتي فين وفيييييييييييين على مالاقي مشاركة من حد منكم
بقيت احس ان المنتدي ناقصه حاجات كتيرة اوي من غيركوا بصراحة :120146b

وبجد انا عمري ماهتميت بمنتديات اصلا ولا عملت مواضيع ولا اشتركت في اي ردود الا في المنتدي ده من ساعة ماعرفتكوا وشوفت اد ايه كلكوا ناس محترمة وروحها حلوة بجد كإنكوا جيران في نفس العمارة أو اسرة واحدة فعلا :satelite:

عموماً انا نفسي ترجعوا تاني بنفس روحكم الحلوة ومشاركاتكم المثمرة دي واللي كلنا مفتقدينها :k30:

اقتباس:

---

المشاركة الأصلية كتبت بواسطة OlaOsman

مش عارفة أقول ايه. بس بجد بجد واحشنا يا أستاذ احمد.

---

جداااااااااااااااااا جداااااااااااااااااااااا
واحشنا و الله واحشنا
و لو عايز احط اللينك بتاع اغنية شادية
اضعها كرامة لك يا اخف روح قابلتها بالمنتدى

والله وانتم واحشيني جدا جدا جدا ...
انا بأدخل المنتدي كل كام يوم .... بس مش بالاقي حاجة تتقال .... أول ما بالاقي حاجة .... بأقول علطول
وكتير باحس ان المنتدي زي الجرايد اليومية ...باقرأ فيها صفحة الحوادث .....قصدي الشكاوي يعني :mahf(5):

نتمى الاختلاف لا يؤدى الى ماأسوء منه

اتمنى من كل عضو

بلاش ياجماعة المواضيع الى تنرفز بتاعت الكورة

انا شخصيا كزملكاوى مرداش اكتب موضوع يدايق اى مشجع اهلاوى

كل واحد يخليه فى فرقته.

لسة فيه موضوع مغلق كتبه العضو المحترم (.......) كاتب منقول

والموضوع مكتوب البقاء لله الزملكاوية

وراجع بعد ماكذا واحد من الاعضاء ردوا
كاتب انا اهلاوى

طيب معغ احترامى لزمته اية

وراجع يقول ما الزملكاوية بيكتبوا المواضيع ى فى مواقعم.

ياعم ماشى نكتبها مواقعنا الزملكاوية لاكن انت لية تكتبها وتدايق الزملكاوية فى منتدى بعيد عن الكورة.

بصراحة شغل عك
وملوش لزمة نخبط فى بعض

وحصلت مشادة مع صاحب الموضوع و ezaby

نرجوا عدم ادخال الكورة فى المنتدى

واتمنى من الادارة التدخل الفورى والسريع مع تلك المواضيع واغلاقها

نفسى اعرف صاحب الموضوع بينبسط لما يعد يخبط مع الاعضاء التانيين ويرجع يلاقى الموضوع مغلق . هو كدة استريح

اقتباس:

---

المشاركة الأصلية كتبت بواسطة aif

تخيل ان سيادتك ساكن في عمارة 4 ادوار فيها 12 شقة ... اكيد ح تبقى عارف كل جيرانك واولادهم واقاربهم ويمكن اصدقاءهم كمان .... وبتحس بكل احساسهم وبتزعل لزعلهم وبتفرح معاهم ... وعايش في مشاكلهم وافراحهم واتراحهم
وبعدين راح صاحب العمارة معليها ومكبرها و بقت 20 دور وفيها 250 شقة .... و طبعا مع كترت الناس اصبحت المشاكل كتير والترابط الاجتماعي اقل بكتير و الناس ما حدش عارف حد و الأذواق اختلفت والتصادم بقى شبه يومي و راح الزمن الجميل اللي كااااان
دي ضريبة التوسع
ده طبعا احد اسباب اللي حضرتك بتسأل عنها
بالاضافة الى عوامل اخرى كتير ....
اختفاء العديد من الزملاء اللي كانو بيضفو على المكان طابع خاص .... وانا شخصيا كنت اكثر تأثرا بغياب توأمي شيكو .... وزهرة المنتدي ... نهى ... ده طبعا غير باقي الزملاء الاعزاء اللي مش عاوز اقول اسمائهم عشان ما أنساش حد
وكمان العصبية الشديدة و عدم تقبل اي اختلاف في وجهات النظر و سوء التعبير والاسلوب من بعض الزملاء
وعندك كمان المواضيع اللي بتخلي الناس تتخانق .... الجدل الديني والمذهبي الذي له اماكن اخرى غير هنا .... والمشكلة الرئيسية السرمدية .... اللي يمكن تكون من ايام الفراعين في منف وطيبة وتل العمارنه ... الأهلي والزمالك
وعندك كمان الضغوط الحياتية المتنامية و ما يتبعها من ضغوط عصبية وحالات اكتئاب مزمنة عند 150% من الشعب المصري المطحون ثم متغربل ثم مطحون ثم مصفى ثم مطحوم ثم مطحون تاني

---

و هل لما العمارة تعلي و تكبر و عدد سكانها يزيد ده يخلي السكان القدام الاصليين الحلوين يسيبوا المكان للجدد يغيروا عاداته و تقاليده و لا يفضلوا قاعدين متمسكين بالقواعد اللي وضعوها و يعلموا السكان الجدد الاصول و المبادئ اللي لازم تسري علي الجميع ؟؟؟

اقتباس:

---

المشاركة الأصلية كتبت بواسطة SE_coralsea

و هل لما العمارة تعلي و تكبر و عدد سكانها يزيد ده يخلي السكان القدام الاصليين الحلوين يسيبوا المكان للجدد يغيروا عاداته و تقاليده و لا يفضلوا قاعدين متمسكين بالقواعد اللي وضعوها و يعلموا السكان الجدد الاصول و المبادئ اللي لازم تسري علي الجميع ؟؟؟

---

كلام حضرتك 10/10 :B4_388::B4_388::B4_388:

اقتباس:

---

المشاركة الأصلية كتبت بواسطة SE_coralsea

و هل لما العمارة تعلي و تكبر و عدد سكانها يزيد ده يخلي السكان القدام الاصليين الحلوين يسيبوا المكان للجدد يغيروا عاداته و تقاليده و لا يفضلوا قاعدين متمسكين بالقواعد اللي وضعوها و يعلموا السكان الجدد الاصول و المبادئ اللي لازم تسري علي الجميع ؟؟؟

---

كلام حضرتك 10/10 :B4_388::B4_388::B4_388:

اقتباس:

---

المشاركة الأصلية كتبت بواسطة SE_coralsea

و هل لما العمارة تعلي و تكبر و عدد سكانها يزيد ده يخلي السكان القدام الاصليين الحلوين يسيبوا المكان للجدد يغيروا عاداته و تقاليده و لا يفضلوا قاعدين متمسكين بالقواعد اللي وضعوها و يعلموا السكان الجدد الاصول و المبادئ اللي لازم تسري علي الجميع ؟؟؟

---

:B4_388: :B4_388: :B4_388:

والله أنا سعيد جدا بالموضوع ده لأنه خلاني أقرا بعض أسماء الأعضاء اللى انا كنت مفتقدها بين ثنيات المنتدى من فترة كبيرة ويارب عود أحمد للجميع

وأعتقد فعلا المشكلة إن بقى فيه مواضيع كتير الواحد مابيلاقيش حاجة تتقال فيها أصلا ودي سمة المواضيع الغالبة دلوقتي

ياااه...
ده انتوا شوقتونى انى كنت ابقى عضو ايام الزمن الجميل بتاع المنتدى...

الذكريات طعمها حلو...بس صنف مضر لو كترنا منه...زى الحلويات...

انا عضو جديد زى مانتو شايفين...و مستغرب نفسى انى بقيت عضو فى منتدى...و بسهر عليه...لا و كمان بشارك...لا و كمان بكتب عربى....مين كان يصدق...

لكن الحقيقة انا المنتدى ده جذااااب جدا جدا....

و بقدم دعوة لقدامى الأعضاء بالعودة للساحة...و بالمشاركة مع الأجيال الجديدة...

و نفسى الاقى وقت و مزاج...و اكتبلكوا عن افكارى فى تطوير المنتدى....:shyy:

و خلينا عندنا امل و نقول ان اجمل الأشعار لم يكتب بعد...و اجمل اللوحات لم ترسم بعد...و اجمل الأطفال لم يولد بعد...:36_3_10[1]:

السلام عليكم و رحمة الله و بركاته

و الله أنا سعيد من روح الحب اللى منتشرة بين غالبية الأعضاء الكبار و اللى ليهم بصمة كبيرة فى المنتدى ( بيتنا الثانى ) و بدون ذكر أسماء عشان محدش يزعل لو نسيت حد معين.
و ياجماعة ماتنسوش إن ليكو دور فعال و مهم فى إفشاء روح الحب و التعاون و الأخوه بين باقى أعضاء المنتدى.
و طالما الهدف الأول هو المساعدة و المشاركة و النصيحة و التعاون لوجه الله تعالى , يبقى لازم نشيل أى صورة خلاف أو سوء تفاهم .
و طبعاً هناك دور كبير للإدارة و هو إتخاذ خطوات رادعة تجاه الأعضاء اللى هدفها التريقة و الإستخفاف بآراء الغير و أفكارهم و مواضيعهم و خاصة لو كانت هادفة أو من أعضاء تميزو بالمواضيع الإيجابية البناءة و اللى ليهم بصمة فى هذا المنتدى العريق.
و انا و الله من الناس اللى إستفادت كتير من هؤلاء الأعضاء الكبار مقاماً و فكراً و إحتراماً و تعاوناً و مصداقية و غيره من الصفات الحميدة و كلنا نفتقدهم.
و يجب ألا تتركو الساحة لأنكم قدوه بالنسبة لأعضاء كثيرين

شكراً لصاحب الموضوع
و جزى الله خيراً كل من يسعى لخدمة إخوانه و الإصلاح بينهم
"" و تعاونوا على البر و التقوى ولا تعاونوا على الإثم و العدوان ""

اقتباس:

---

المشاركة الأصلية كتبت بواسطة SE_coralsea

و هل لما العمارة تعلي و تكبر و عدد سكانها يزيد ده يخلي السكان القدام الاصليين الحلوين يسيبوا المكان للجدد يغيروا عاداته و تقاليده و لا يفضلوا قاعدين متمسكين بالقواعد اللي وضعوها و يعلموا السكان الجدد الاصول و المبادئ اللي لازم تسري علي الجميع ؟؟؟

---

لما السكان القدامى يلاقو الجداد واحد او 2 او 10 ... ممكن يحاولو ...
لكن لما يبقو اقلية ضمن خضم العمارة .... اكيد ح ياخدو جنب و يتفرجو من بعيد ....
لكن اكيد برضه مع الوقت مش ح يقدرو يفضلو بعيد لازم ح تلاقيهم متواجدين في بعض الاوقات
.....
انا بأدخل النت من المكتب لأن ما عنديش في البيت
لما كنت بآجي المكتب تاني يوم اول حاجة كنت باعملها .... قبل حتى ما أقعد على مكتبي ... إني اشغل الكمبيوتر والراوتر ..... علي ما اقعد وافتح مكتبي ... يكون نايل موتورز اشتغل ( لأنه طبعا هو الهوم بيج )... وأجيب المشاركات الجديدة ... كانت بتبقى حوالي 9 صفحات او 8 او 10 ..... اروح قاريهم كلهم بسرعة ... وبعدين ابدأ اراجع التفاصيل بتروي ... واكتب وأرد وابعت رسائل وهكذا
دلوقت بقو لا يقلو عن 25 صفحة لو كما كانوش 30 او 32 صفحة
طيب اتابع كل الأحداث دي امتى ؟؟؟؟
ده انا لو قرأت العناوين بس مش ح الاقي وقت لشغلي ....
انا لسة فاكر لما كنا بنحتفل بالعضو رقم 10000 وكانت زميلة اسمها طماطماية ... وكنا مش مصدقين اننا اصبحنا 10 آلاف .... دلوقتي بقينا اكتر من 30 الف على ما أعتقد ....لازم الوضع يختلف

المثل اللي ضربته بالعمارة ده مش من خيالي
ده الواقع اللي انا عيشته
بيتنا في الزيتون ( بيت العائلة )كان فعلا 12 شقة ....
وبيتنا اللي انا فيه حاليا في العباسية حاليا 50 شقة
والمثال منطبق تماما علي الواقع
انا كنت اعرف جميع جيراني في العمارة في الزيتون والعمارات المجاورة كلها ... ومازالو اصدقائي حتى الآن ....
اما الآن 80% من سكان العمارة الحاليين في العباسية لو شفتهم في الشارع مش ح اعرف انهم جيراني أساسا ... والباقي سلام عليكم عليكم السلام بإستثناء القليل
انا اقصد اقول ان دي سنة الحياة .... مافيش حاجة بتفضل بنفس المنوال
في الآخر اي مكان هو نموزج مصغر للمجتمع ....
لو بصيت لأي مجتمع صغير ح تلاقية نموزج صغير للبلد و نموزج اصغر للدنيا

سيدي الفاضل .. أستاذ /أحمد أبراهيم ..

أسعد الله صباحك بكل خير ....

و الله مش عارف كم سعدت بردك علي و هذا شرف كبير لي , و كم سرحت بخيالي في وصفك لعمارة الزيتون و عدت الي الوراء أيام زمن الفن الجميل عندما كانت الناس متقاربة و كنت أعرف أسماء كل من في شارعنا حيث كنت أشعر بالالفة و المودة و الطمأنينة و أنا أسير بشارعنا حتي في ظلام الليل الدامس.

شكرا لك مرتين مرة علي ردك الجميل و مرة لأنك عدت بي لأيام عزيزة علي قلبي

اقتباس:

---

المشاركة الأصلية كتبت بواسطة aif

لما السكان القدامى يلاقو الجداد واحد او 2 او 10 ... ممكن يحاولو ...
لكن لما يبقو اقلية ضمن خضم العمارة .... اكيد ح ياخدو جنب و يتفرجو من بعيد ....
لكن اكيد برضه مع الوقت مش ح يقدرو يفضلو بعيد لازم ح تلاقيهم متواجدين في بعض الاوقات
.....
انا بأدخل النت من المكتب لأن ما عنديش في البيت
لما كنت بآجي المكتب تاني يوم اول حاجة كنت باعملها .... قبل حتى ما أقعد على مكتبي ... إني اشغل الكمبيوتر والراوتر ..... علي ما اقعد وافتح مكتبي ... يكون نايل موتورز اشتغل ( لأنه طبعا هو الهوم بيج )... وأجيب المشاركات الجديدة ... كانت بتبقى حوالي 9 صفحات او 8 او 10 ..... اروح قاريهم كلهم بسرعة ... وبعدين ابدأ اراجع التفاصيل بتروي ... واكتب وأرد وابعت رسائل وهكذا
دلوقت بقو لا يقلو عن 25 صفحة لو كما كانوش 30 او 32 صفحة
طيب اتابع كل الأحداث دي امتى ؟؟؟؟
ده انا لو قرأت العناوين بس مش ح الاقي وقت لشغلي ....
انا لسة فاكر لما كنا بنحتفل بالعضو رقم 10000 وكانت زميلة اسمها طماطماية ... وكنا مش مصدقين اننا اصبحنا 10 آلاف .... دلوقتي بقينا اكتر من 30 الف على ما أعتقد ....لازم الوضع يختلف

المثل اللي ضربته بالعمارة ده مش من خيالي
ده الواقع اللي انا عيشته
بيتنا في الزيتون ( بيت العائلة )كان فعلا 12 شقة ....
وبيتنا اللي انا فيه حاليا في العباسية حاليا 50 شقة
والمثال منطبق تماما علي الواقع
انا كنت اعرف جميع جيراني في العمارة في الزيتون والعمارات المجاورة كلها ... ومازالو اصدقائي حتى الآن ....
اما الآن 80% من سكان العمارة الحاليين في العباسية لو شفتهم في الشارع مش ح اعرف انهم جيراني أساسا ... والباقي سلام عليكم عليكم السلام بإستثناء القليل
انا اقصد اقول ان دي سنة الحياة .... مافيش حاجة بتفضل بنفس المنوال
في الآخر اي مكان هو نموزج مصغر للمجتمع ....
لو بصيت لأي مجتمع صغير ح تلاقية نموزج صغير للبلد و نموزج اصغر للدنيا

---

:unhappy::unhappy::unhappy:
بدأوا يتفاعلوا تاني

:U_thin1[1]::U_thin1[1]::U_thin1[1]::U_thin1[1]::U_thin1[1]:

السلام عليكم و رحمة الله و بركاته

و الله الموضوع ده فى منتهى الجمال لأنه خلانا نشوف ناس جميلة كانت غايبة عننا فترة طويلة.

نايل موتورز من يوم مادخلته و هو ليه طابع خاص و اللى خلاه كدة العقليات المُثقفة المُتفتحة لأعضائه و طبعاً ادارة قوية تضع كل ذى حد عند حده.

يا ريت ما ننساش ان احنا بنتجمع فى المنتدى عشان نفيد و نستفيد و بالتأكيد هنلاقى اختلاف فى الآراء و الطباع و الشخصيات بس ده مش معناه ان احنا نتخلى عن روح جميلة فى منتدى أكثر من رائع زى نايل موتورز.

أتمنى انى أرجع أشوف الأسماء الجميلة اللى بأدخل أى موضوع تشارك فيه لأنى بأقدرها و أحترمها من تانى.

و لكم منى جزيل الشكر

اقتباس:

---

المشاركة الأصلية كتبت بواسطة ehabradwan

هو في ايه يا جماعة ؟ ايه اللي بيحصل لمنتدانا الجميل
وجهات نظر متطاحنة ودفاع مستميت عن وجهات النظر دي على طريقة اللي مش معايا يبقى ضدي كده خبط لزق وامصات وزعل من الاعضاء وندرة مشاركة ويمكن انعدام من الاعضاء القدامى المحبوبين . على سبيل المثال لا الحصر
فبن كريم منير فين احمد ابراهيم aif فين سبعاوي فين علا فين كريبتون و غيرهم كتيير
احنا لما كان عددنا قليل كنا احسن من كده بكتيييير يبقى لما العدد يكتر نبقى كده ؟؟؟
لازم في حل للي بيحصل ده

---

ربما اكون قد كنت مختفيا فى الفترة الاخيرة لسببين، اهمهما هو الانشغال فى العمل، وثانيهما هو عدم قدرتى على المشاركة الفعالة فى المواضيع الساخنة على المنتدى بسبب حالة التعصب الرهيبة للرأى والعنف فى الردود التى اثارتها -او بالأصح كشفتها-احداث غزة لدى معظمنا ، مما دفعنى للاختباء تحت اقرب منضدة لحين انتهاء عاصفة القذائف، والتى ارجو ان تكون قد انتهت على خير

اقتباس:

---

المشاركة الأصلية كتبت بواسطة sab3aawy

ربما اكون قد كنت مختفيا فى الفترة الاخيرة لسببين، اهمهما هو الانشغال فى العمل، وثانيهما هو عدم قدرتى على المشاركة الفعالة فى المواضيع الساخنة على المنتدى بسبب حالة التعصب الرهيبة للرأى والعنف فى الردود التى اثارتها -او بالأصح كشفتها-احداث غزة لدى معظمنا ، مما دفعنى للاختباء تحت اقرب منضدة لحين انتهاء عاصفة القذائف، والتى ارجو ان تكون قد انتهت على خير

---

الدار أماااااان ..... إطلع يا ابو السباع ..... بس ممكن تلبس خوذة .... و تربط الحزام

كلامك مظبوط يا كلاتاتا باشا والله
واحب اقول لكل الاعضاء القدام والجداد
ان منتدانا ليه طابع خاص كدة من الاحترام والمنفعة
ومابنقبلش اللي بيحصل من كل الاعضاء اللي بيحاولو يشوهو صورة المنتدى
وعشان كدة ساعات الادارة بتتعامل بشوية حزم
بس فعلا مطلوبين للسيطرة على الموضوع

سؤال على جنب لكلاتاتا باشا
شيكو فين ومش بيشارك ليه
هل عندة مشغوليات معينة
لو الرد محرج ابعتلي على الخاص

أستاذ / كريم منير ..
باشمهندس / خالد ..

طيب طالما المواضيع هادية بقي و كويسة و الحرب علي غزة خلصت , مش ناويين بقي تعلنوا عن مقابلة المنتدي الشهرية و لا أيه ؟؟

اقتباس:

---

المشاركة الأصلية كتبت بواسطة ZAKI32

نتمى الاختلاف لا يؤدى الى ماأسوء منه

اتمنى من كل عضو

بلاش ياجماعة المواضيع الى تنرفز بتاعت الكورة

انا شخصيا كزملكاوى مرداش اكتب موضوع يدايق اى مشجع اهلاوى

كل واحد يخليه فى فرقته.

لسة فيه موضوع مغلق كتبه العضو المحترم (.......) كاتب منقول

والموضوع مكتوب البقاء لله الزملكاوية

وراجع بعد ماكذا واحد من الاعضاء ردوا
كاتب انا اهلاوى

طيب معغ احترامى لزمته اية

وراجع يقول ما الزملكاوية بيكتبوا المواضيع ى فى مواقعم.

ياعم ماشى نكتبها مواقعنا الزملكاوية لاكن انت لية تكتبها وتدايق الزملكاوية فى منتدى بعيد عن الكورة.

بصراحة شغل عك
وملوش لزمة نخبط فى بعض

وحصلت مشادة مع صاحب الموضوع و ezaby

نرجوا عدم ادخال الكورة فى المنتدى

واتمنى من الادارة التدخل الفورى والسريع مع تلك المواضيع واغلاقها

نفسى اعرف صاحب الموضوع بينبسط لما يعد يخبط مع الاعضاء التانيين ويرجع يلاقى الموضوع مغلق . هو كدة استريح

---

مع احترامي الكامل لكلام حضرتك انا كنت بتابع موضوع شبيه لكده في المنتدي ولقيت الاداره قفلته دخلت لاجتماعي تاني لقيت سيادتك عامل الموضوع ده
http://www.nilemotors.net/Nile/showthread.php?p=629458#post629458
فهل حضرتك حتنبسط لما الاعضاء التانيين يخبطوا مع بعض وترجع تلاقي الموضوغ مغلق انت كده استريحت (دا اقتباس من كلام حضرتك )
سامحني لمداخلتي اللي خارج نطاق الموضوع بس مينفعش اننا ننادي بحاجه ونعمل عكسها
المبادئ مش بتتجزا وسيادتك ناديت بفكره جميله ان الناس تبطل استفزاز بس مع اول موقف واحد استفز سيادتك فيه سيادتك هدمت المبدا اللي كنت بتنادي بيه من يومين في مشاركتك دي
يا ريت لو الناس تحاول تتحكم في اعصابها الموضوع متعب في الاول بس بعد كده فايدته كبيره اوي