عايزين يا جماعة كل عضو يدخل هنا يكتب خبط عربيتة كام مرة وكان غلطان ولا لاء واية اللى حصل بظبط
:120146b
عرض للطباعة
عايزين يا جماعة كل عضو يدخل هنا يكتب خبط عربيتة كام مرة وكان غلطان ولا لاء واية اللى حصل بظبط
:120146b
طيب الخمس سنين الخبرة كانوا في ايهاقتباس:
it وخبرة خمس سنين ومش لااقى شغل
انا بقا عمرى فى حياتى كلها ما خربشت عربيه بس يوم لما اعمل حادثه اجيب من الاخر
انا فاكر فى 2001 اتقلبت بـ 128 وفى 2007 واحد ركبنى رصيف وقلب فيرنا وهو اتقلب وكان معاه هوندا سيفك
واخر حادث واقف فى شارع احمد عرابى باشترى حاجه واحد دخل فى العربيه من ورا ظبهالى ده من اسبوعين
اللى كنت غلطان فعلا فيها بتاعه 128 اول حادث كان تهور وسرعة 160
في البداية كتييير كانت بحمالة الاسية المرحومة 127
بس كلهم زي متقول ببقه مفرملة في اشارة او تقاطع ومش مركزة في الطريق والعربية تريح على اللي قدامها او اللي وراها
اما الحادثة الحقيقية فعلا كانت ب 127 برضو كنت ماشية بسرعه في الهرم واتوبيس زنق عليا وهديت بس ملحقتش افرمل بالكامل واخدت يميني ودخلت في لوري راكنه
ولا مرة
العربية بتتخبط واقفة و ده اللي بيفقع مرارتي!!!
ربنا يصبركاقتباس:
كانوا فى شغل it شفت الكارثة
كنت المفروض ماتسيبش الشغل غير لما تلاقي شغل غيره
انا كلها حوادث بسيطة
و غالباً حكة في الجانبين و احسن حاجة انها دايماً بتتحك في نفس مكان الحكة القديمة علشان الافيو مقاستها عجيبة شوية
و مرة دخلت في رصيف امام نادي الزمالك و انا برجع بالعربية لورا
الرصيف كان عالي و مخدش بالي طبقلي الرفرف حاجة بسيطة
غير كدة الحمد لله كله في السليم
3 مرات
مرتين منهم في نفس اليوم ونفس الفانوس شفت الحلاوة
و التالتة انا اللي غلطان بس باردو في نفس الفانوس:colsmil:
العربيه عندي كلها خرابيش بس مش بمزاجي
هي مره واحده بس كنت سرحان وخبطتني عربيه نقل من اللي بتشيل تانك المياه
انا ركبته الرصيف وهو اخدني من اول الاكصدام من ورا لحد نص الباب بتاعي
ودي انا بعترف انها كانت غلطتي
والنهارده الترام خبطني بس جت سليمه
3 مرات
اول مره كانت بعربيتى الهيونداى الأكسيل و كنت لسه مطلع رخصه الكلام ده تقريبا من 8 سنين كنت بجرى جامد فى شارع ضيق و عملت غرزه و العربيه بصراحه مش بتاعت غرز عامت و دخلت فى الرصيف و بعدين لما لميت نفسى عملت خمسه و دخلت فى عربيه نسيان صنى راكنه الحمد لله ان العربيه مقلبتش انا كنت ماشى بسرعه جامده و بصراحه كنت غشيم اوى فى الحادثه دى
التانيه كنت بعربيتى الى بعدها دايو لانوس متعتبرش حادثه انا كنت داخل المعموره عند البوابه و معايا صحابى فى العربيه و بتكلم معاهم و مش واخد بالى العربيه ريحت على الأتوبيس اللى ادامى طبعا ترييحه بسيطه مش جامده بس الدايو ورق ورق الكبوت اتبهدل و غيرته و من يومها لحد انهارده التكيف بايظ و بيسرب و عملتو بتاع خمس مرات و لسه زى ما هو و دى كانت من 6 سنين
المره التالته كانت من سنتين و كانت بردو سرحان سرحت و العربيه اللى ادامى وقفت مره واحده فخبطها و دى كانت تافهه يعنى ما حصلش حاجه ليا او للعربيه اللى ادامى الحمد لله
بس عامه هو الحادثه اهم حاجه فيها ان الواحد يتعلم
بجد الجرى ملوش لازمه فعلا انك تمشى براحه افضل مليون مره من انك تجرى و بصراحه الواحد مكانش عارف قيمه العربيه فى الأول و كمان مش عارف امكانيتها يعنى بجد العربيات الدايو والهيونداى و الحاجات دى بتعوم بسهوله و متقدرش انك تثق فيها فياريت الناس كلها تاخد بالها من الموضوع ده و بلاش جرى و خصوصا اللى لسه متعلم السواقه وفاكر انه ملك العربيه خلاص و ان عمره ما هيغلط لألأ الغلط بييجى فى ثانيه و انت مش واخد بالك
السلام عليكم
انا اول مره كنت راكب عربية واحد صاحبى لانسر وهو كان قاعد جنبى كانت تقريبا موديل 2005 وكنت داخل شارع جانبى ولقيت عربيه كارو طلعه منه روحت اخدت جنب ووقفت لغاية مايعدى وراح مجرح العربيه من الجنب خط بطول العربيه
المره الثانيه كنت فى المعادى وراكب عربيه فيات ومش بجرى قوى ولقيت فجأه مطب جامد رحت دايس فرامل بسرعه كان فى عربيه ورايا خبطتنى من الخلف بس الحمد لله كانت بسيطه
المره الثالثه كنت ماشى بنفس العربيه برده فى شارع القصر العينى والاشاره وقفت وبدل ماادوس فرامل دوست بنزين بدون اى شعور منى دخلت فى عربيه قدامى ووش الفانوس بتاعه اتشرخ وطلع الراجل رتبه كبيره بس الحمد لله قالى الحمد لله وماحصلش بيننا اى مشكله
مره بقى كنت مجدد عربيتى البيتلز وماشى فى صقر قريش فى الحاره الجانبيه وواخد الشمال وماشى وكان فى قدام مينى باص هيئة النقل العام وكان واقف وبينزل ناس وفجأه وبدون اشارات ولا اى مقدمات راح طالع من اليمين للشمال من غير مايبص فى المرايه راح حكلى العربيه من قدام حكه جامده طبعا نزل كمان يشتمنى وكانى انا الغلطان بصراحه ضايقنى جدا والناس اتلمت وحاشته عنى كان هياكلنى علقه سخنه:b4_556: وده امر غريب بشوفه دايما فى الطريق لما تلاقى اتنين عاملين حادثه تلاقى الاثنين بينزلو يضربو بعض وكل واحد منهم مش عايز يعترف انه غلطان فيقولك اما انزل اضربه قبل ماهو يجى يضربنى المهم وقفت الطريق وطلبت النجده وعدت نصف ساعه ومحدش سئل فيا والراجل راح ماشى وقالى خد النمره وابقى ورينى هتعملى ايه روحت رايح القسم بتاع المعادى قالولى انت اتخبطت فى الطريق اللى ناحية اليمين ولا اللى ناحية الشمال قلتلهم اللى ناحية اليمين قالو لا ده تبع قسم البساتين روحت طالع على قسم البساتين امين الشرطه علشان يطلع يعاين العربيه لازم ياخدله 20 جنيه اكراميه المهم اديته وعملى محضر وروحت وفعلا زى ماقالى اللى خبطنى معرفتش اعمله حاجه
المره الثانيه كنت ماشى وفوجئت بميكروباص تويوتا طائش اجتازنى ورمى عليا راح واخد معاه الاكصدام الامامى بتاعى من ناحية اليمين وخلعه وراح راكن قدام شويه وكنت برده هاكل علقه اسخن من اللى فاتت :b4_556: بس ربنا ستر يعنى الراجل ساحبنى معاه بعربيته وخالع الاكصدام الامامى مناناحية واحده وواضح جدا انه غلطان لاكنه برده نازل يضرب والمشكله انه طلع راجل صعيدى مش بيتفاهم
المهم فلتنا للمره الثانيه من العلقه
المره الوحيده اللى كنت فيها غلطان انا خبطت عربيه فى كانت واقفه وانا كنت مشى العربيه ماحصلهاش حاجه عربيتى انا اللى اتخربشت لانى خبط فى اكصدام العربيه الثانيه من الجانب الخلفى يمين
اصعب حاجه حصلت معايا كنت ماشى بالعربيه وطالع من شارع جانبى على شارع رئيسى والشارع كله مطبات وكان فى اطفال بيلعبو كوره فى الشارع الرئيسى فى حاره جانبيه العربيات مش بتمشى فيها وفجأة لقيت الراجل اللى واقف حارث مرمى عايز يصد الكوره وبيرجع بظهره على عربيتى فى لحظه لقيته واقع قدام العربيه رحت نزلت بسرعه لقيت ايده اتجلطت من الكاوتش روحت ركبته بسرعه وطالع بيه على اقرب صيدليه الصيدلى غيره عليها وقالى بسيطه دى تجلط بس لازم نطمن على الاصابع لانه ممكن يكون اتكسرو روحت طالع على مستشفى قريبه كانت خاصه عملو اشعه وطلع الحمد لله مافيش كسور رجعته بعدين لبيته وجبت له العلاج والحمد لله ربنا سترها بس المره دى قلت انا لازم ابيع العربيه خلاص
وقعدت بعديها فتره خايف اسوق ولو سوقت العربيه ببص يمين وشمال وبمشى بكل حرص بس والله انا اعتقد انى ماكنتش غلطان ساعتها لانى فجأة وبدون اى مقدمات لقيت الواد بيجرى وقدام العربيه
الحمد لله يارب استرها معانا ومع كل الناس
انا بقى كنت بعربيت اخويا الجولف 1800 وكنت رايح اجيب الكمبيوتر من الضمان فى مول سفنكس الساعة 11 بليل المهم الطريق كان فاضى تمام لدرجة انك لو رميت ابرة تسمع صوتها والطريق مغرى للجرى المهم ماشى 110 والاقى جيب طلعت زى العفريت من تحت الارضى وكانت المسافة اللى بينى وبينها تقريبا 120 متر بدوس فرامل الفرامل زى الزفت ومهوية بشد الهاند العربية قعدت تلف بيا زى المروحة المهم خبط فى الراجل بس بعد ما العربية هديت شوية انا الاكصدام بتاعى راح وهو خربيش بسيطة لاتذكر طبعا نزلت وانا بترعش الراجل قالى اهدا ماتخفش حصل خير
ومن ساعتها بطلت اركب النفاثة دى تانى
اخوكم يوسف
انا خبط العربيه كذا مره بس مش عارف كام بالظبط هقول على الى انا غلط فيهم :
1- كنت ماشى و ادامى تاكسى شاهين و انا باسترا و عدت من جمبى اوكتافيا فيها نفس الجنط بتاعى فسرحت و اعدت اتفرج عليها و التاسكى الى ادامى وقف و انا ولا هنا كنت ماشى بتاع 40 ولا حاجه دخلت فيه بس كنت فرملت فى الاخر خالص (ماثرتش كتير) و الحمد لله التاكسى محصلوش حاجه و انا الحته الى فوق الشبكه اتطبقت و عملتها على البارد بس التاكسى اتنطر مسافه كبيره من الخبطه.
2-كنت مره ماشى فى نفس الشارع و فى نفس المكان الى خبط فيه الخبطه الى فاتت وواحد بتاع عربيه نص نقل عايز يطلع جمبىو يدخل ادامى و انا بصراحه معجبنيش الوضع فخليته طلع جمبى و لما جه يدخل عليا دوست جامد و زنقته فى العربيات الى جايه فى الوش فنفسيه الراجل تعبت و طلع ورايا و جه يشد معايا طبعا بهدلته لانه مكنش بيعرف يسوق اوى غير ان سحب عربيتى احسن لما معرفش يعمل حاجه طلع جمبى (كنا ماشيين بتاع 70-80)و بيعدينى من اليمين طير المرايه نزلت 5000 حته فى الارض طيرت وراه ووقفته و نزلتله قالى انا مخبطتش المرايه انت الى بتعدينى و خبطتها !!!! تمالكت اعصابى بطريقه فظيعه (بصراحه متمالكتش اعصابى اوى) و سبته و مشيت .
على فكره شفته مره راكب كليو استلمته ييجى ربع ساعه اقف ادامه فجاه يبقى هيلبس فيا او البسه فى مطبات او ازنقه فى الرصيف !!! و لحد دلوقتى مستنى اتاكد من عربيته عشان اكسرله المرايه .
ده الى انا فاكره لو افتكرت حاجه هقولكو
دى الحوادث الى حصلت انما الى كان على وشك الحدوث بسبب السرعه الجنونيه فلا يعد ولا يحصى و مش بفلت من الحاجات دى الا برحمه ربنا
انا اولا من الاسكندرية وانا الحمد لله ما خبطش العربية بس عملت حادثتين اول مرة صيف 2006 واحد كان معاه شاكين ونام وكسر الاشارة بتاعة الترام ودخل في جنب العربية تانى مرة ودى عمرها ما تتنسى كانت ع البحرالبحر طبعا رايح جاى وفى النص رصيف وانا ماشى لقيت عربية فيرنا طار من فوق الرصيف ودخل في العمود وبعدين دخل على طريقى حاولت انى افاديه بس معرفتش لانه كان بيجرى بسرعة المهم كسرت يمينى ودخلى الجنب بتاعى من اول الباب عندع لغاية الشنطة ومش الجنب بس الى راح العربية اتشدت تماما وغيرت مساعد بالشمعدان والشداد لانه لما دخل في الجنب العربية دخل في الشاسيه والعجلة الى ورايا بالمساعد والشداد كانوا برة العربية تماما وكان يوم 3 رمضان الماضى:U_thin1[1]::U_thin1[1]
حدثتين فى نفس المكان ولكن الفرق بينهم 3 سنوات
واحدة راكبة فيورا كسرت عليا من الشمال مرة واحدة وانا ماشى اقصى اليمين وانا كنت راكب عربية فولكس عجيبة كده موديل قديم
طبعا دخلت بكل عزم فى الباب اليمين اللى ورا
انا طبعا مفيش حاجة هيا كانت عايزة باب جديد بدون بمالغة
وروحنا القسم وجوزها جالى وكانت حفلة
وقلت ليهم اعملوا محضر انا مش غلطان
ومدفعتش ولا جنيه :44:
المرة التانية الدنيا كانت بتشتى الصبح بدرى
ووفجأة لقيت عربية قدامى بولينيز واقفة كنت ماشى 40 تقريبا ضربت فرامل خطر لكن العربية اتزحلقت
دخلت فيها بعزم شديد الشاهين عندى اتكبست (الشبكة والفوانيس والستارة )
والبولينيز لا شىء طبعا
ومرة اخيرة بالفيرنا بلف من يوتيرن على وسع
واللى جى معايا اكسنت ومزنوق وداخل بسرعته من عند اول ما تطلع من اليوترن
طبعا الاكصدام بتاعى لبس عنده فى الباب الشمال ورا
بس كانت بسيطة عندى وعنده
وطلعنا اصحاب من ايام ثانوى اصلا :lovlie02[1]:
والله انتوا كلكوا ناس زى العسل ومش بنزهق من قراءة ليكوا ابداااا الف حمد الله على سلامة الجميع
وتعيش وتخبط غيرها:funny34d: