سؤال موجة لكل خبراء اليابانى
عاوزنعمل تقيم شامل للسيارة من حيث الاداء ومقارنتها بالموديلات اللى جت بعدها بعد مرور 10 سنوات على الموديل
عرض للطباعة
سؤال موجة لكل خبراء اليابانى
عاوزنعمل تقيم شامل للسيارة من حيث الاداء ومقارنتها بالموديلات اللى جت بعدها بعد مرور 10 سنوات على الموديل
عربيه ممتازه بس للاسف لو كانت كوري
لانها لا تمت للياباني بصله
بتجري زي الكوري
الصالون منظر بس و ماتيريال تعبانه كل حاجه بلاستيك
شكلها الخارجي جميل والصاج بيدقدق لوحده و تحس ان عمرها قصير بشكل عام
مش غريب شويه الكلام دا ؟ حضرتك جربت العربيه ؟؟؟
لا والله انا اتفق معاة جدا جدا
اه جربتها و مع ناس كتير
و متزعلش من كلامي
ياباشا العربية مش محتاجة تقييم العربية لسا محترمة نفسها لحد دلوقتى وعايشة مع ناس كتير من غير اى عيوب او مشاكل
رغم ان بقالها 10 سنين على الاقل
فملهاش لازمة تتقيم خلاص !
حضرتك بتقول العربيه تعتبر كوري ولا تمثل اليابان في شيء
طيب معلش مداخله صغيره
ومقارنه بين الفئه التي تمثلها من الكوري الذي تقوم بالتشبيه اليه
هيونداي اكسنت
العربيه دي مع اصحابي زيرو موديل 99
مغيرين لحد دلوقتي
كوبلن (مرتين)
طنابير اماميه
مساعدين
اسطوانه وديسك وبليه (مرتين او تلاته كمان)
الصاج طبعا مش هحكي عليه علشان معروف
انا هتكلم علي الصالون
علشان حضرتك مش عاجبك صالون الكريستاله
صالون الاكسنت كله بلاستيك بلاستيك بلاستيك
لدرجه ان التابلوه بيتكسر يعني بيحصل فيه شرخ متخيل انت
وبعدين مقارنه بالكريستاله صالونها ضيق جدا جدا جدا
نيجي للكريستاله اللي هي المفروض تكون كوري
العربيه ناعمه جدا جدا
موتور عمره الافتراضي مالوش حل
عربيه ماسكه كيانها لحد دلوقتي
ونيجي بقي للصالون المنظر بس
حضرتك لما تركب العربيه ابقي اعرف خامه التابلوه كويس
وشوف ازاي هو بلاستيك
يعني لما تدوس عليه ابقي أتأكد انه بلاستيك
علشان باين ان حضرتك ماقارنتش كويس
وهقولك علي حاجه صغيره جدا
شوف دي سعرها كام ودي سعرها كام ؟؟؟؟؟؟؟
علي فكره انا قارنت بينها وبين الاكسنت لسببين
نفس سعه الموتور
ونفس الموديل
وعلشان حضرتك قولت ان المفروض الكريستاله تكون كوري
ياجماعة العربية جامدة جدا
عمرنا ماشوفنا موتور لانسر مفوت والعربية مطلعة مدخنة زيت ذى الاكسنت او الشاهين
الشاهين تركب العربية وتعد فى الصالون الفاخر بتعها ذات الكراسى الجبارة اكنك بالضبط قاعد فى الانترية
والاكسنت اللى السقف بتاعها نازل على دماغك وطابعا التابلوة البلاستيك
وبعدين فى حاجة مهمةشوف سعر الانسر كام وشوف سعر الاكسنت والشاهين كام وكمان موديلات جديدة فوق 2000:colsmil: