سيارات(مهدور)حقها ومبيعاتها بسبب الوكيل وسؤ الدعاية!

**i_Am_Legend** · 28-01-2009 06:19 PM

انا شايف ان فى عربيات فى مصر مهدور حقها بسبب التوكيل وسؤ حملة الدعاية.
اولا:بيجو-انا شايف ان بيجو مش مهتمة خالص بالدعاية ومش بتعمل دعاية غير للبارس وشايف ان وجيه اباظة مش مشغل المندوبين مش فى الفورمة بقالة فترةوعلى فكرة ممدوح اباظة صديق شخصى ليا رغم فرق السن بس هو مش مهتم بمجال السيارات وهو كمان حزين على اللى حاصل ممكم اعرف بيجو ماعندهاش (عربية صغيرة) تنافس فى السوق ولا هى اكتفت بالسيارات الفارهة بس!
2:رينو-انا شايف ان رينو بتعمل اللى عليها بصراحة وكفاية مبيعات الميجان واللوجان وعربية زى اللوجان لو ماتعملهاش دعاية زى اللى كل ماتفتح الجرنال تلاقيها والشرح التفصيلى للعربية وامكانياتها وسعرها والله ماكانت اتباعت ولا حققت اى مبيعات وعلى فكرة هى عربية محترمة وتستاهل سعرها وتعتبر افضل من الكورى بمراحل بس المشكلة (الفكر بتاع التوكيل المصريين بيخافو من الرينو لية؟؟؟؟؟؟؟؟)(علشان قطع الغيار المعروفة من قديم الازل انها غالية لو نزل فى وسط الاعلان ركن لاسعار قطع الغيار الشعب قلبة هايجمد ومش هيخاف يشترى وهاتلاقى الرينو حققت مبيعات جيدة يعنى تركب ركوبة فرنساوى ناعمة ولا تركب لانوس وهيونداى واسبيرانزا بنفس السعر!!!!!!!!!!!!!!!
3-فيات:وبقولها وانا بعصر على نفسى لمونة من الحزن عليها ما اروع التصميمات والخامات والمواتير والتوفير فى البنزين والاعتمادية والتقفيل والثبات الخخخخ.......وانا متكلم عليها قبل كدة فى منتدى الفيات وممكن تقروا الموضوع هناك وانا شايف ان فيات اكتر شركة مهدور حقها على الاطلاق!!!!!!!!!!
4:كيا-انا شايف انها افضل عربية كورى فى مصر عربيات روعة والوكيل لو عمل شوية دعاية زى بتاعةغبور يبقى الهيونداى تغور ولا اية!!!!!!!!!
5-سيات:عربيات المفروض انها تدخل المنافسة بقوة تصميمات خرافية ومواتير جبارة وتكنولوجى عالية قوى بس للاسف السوق مايعرفهاش وشريحة قليلة جدا اللى تعرفها وبتشتريها واعتقد انهم ناس مميزين وفكرهم عالى جدا ودة سوق دعاية من التوكيل يعنى المفروض ان الكوردوبا تبقى مع اللانسر والكورولا والمشاهير دى !!!!!!!!!!!!!!
6-سيتروين:نفس قصة الرينو:قطع الغيار المعروف عنها انها مولعة لكن الوكيل لو سوقلها كويس هتبقى الc3تنافس البونتو والجيتز وعربيات كتير الc4عربية وهمية تحس ان تصميمها جاى من المستقبل ولو فى دعاية هتنافس مع السيفيك والبرافو والامبريزا والكورولا والاى30 والسوناتا كمان واللانسر شارك!!!!!!!!!!
7-السوبارو:من اروع السيارات فى مصر بل والعالم كلة وللاسف ليها حملة ترويجية فى جميع انحاء العالم الامصر عربية تحفة هى وال (ليجاسى والفورستر)وهما مش محتاجين كلام عليهم اصلا دة كفاية انهم يابانى يابانى مش تقفيل وكفاية المحرك البوكسر والدفع الرباعى وكفاية سعرها وما ينفعش نقارنها باللانسر والنترا والكورولا ولا السيفيك حتى ولا الجين2 لانها اشد من كل دة ولا انتم شايفين اية!!!!!!!!!!!!
منه لله كل توكيل واخد عربية ومش عارف يسوقها ومخلى عربيات تانية مالهاش اى لازمة تنجح بسبب شوية اعلانات على
مكتوبة على ورق.

**mazagngi2010** · 28-01-2009 08:57 PM

متنساش اننا شعب عجيب متعرفش تدرس اتجاه الشراء بتاعه والناس ممكن تشترى حاجه معينه من غير اى مقدمات وباعداد فظيعه
كفايه البوما لوحدها من غير اعلانات ولا يحزنون وشغاله زى اللسعه وبالمثل الميكروباصات التويوتا مثلا تحس ان تويوتا بتصدر كل ميكروباصاتها لمصر بس

**walyas1** · 29-01-2009 02:31 AM

الفرنساوى ما لوش حظ فى مصر مع انها عربيات محترمة جدا تصميم شيك فى لمسة جمال الفن الفرنسى وقوة اداء ومتانة وثبات توازى الالمانى ونعومة وراحة توازى اليابانى وقطع غيار فرنساوى اصلى تغيرها كل 5 سنين مرة بعكس عربيات تانية كل سنة او اتنين بالكتير والناس بتفرح ان قطع غيارها رخيصة- للاسف مش عارف الناس فى مصر بتحسبها ازاى

**sa3dawy** · 29-01-2009 02:38 AM

والاودى بكل موديلاتها والعربيات الكابريولية بجميع انواعها والعربيات الكوبية (الى تعتبر احسن لشباب بس هما بيشتروا صاج وخلاص ) والفرنساوى كلة ....
طيب يا جماعة الشركات الام مش بتتابع الوكلاء مثلا وتدعمهم علشان يزودوا المبيعات ولا اية ؟؟

**midnightman_74** · 29-01-2009 03:38 AM

وفين الفورد يا مان000

**i_Am_Legend** · 29-01-2009 01:08 PM

المشاركة الأصلية كتبت بواسطة i_Am_Legend

انا شايف ان فى عربيات فى مصر مهدور حقها بسبب التوكيل وسؤ حملة الدعاية.
اولا:بيجو-انا شايف ان بيجو مش مهتمة خالص بالدعاية ومش بتعمل دعاية غير للبارس وشايف ان وجيه اباظة مش مشغل المندوبين مش فى الفورمة بقالة فترةوعلى فكرة ممدوح اباظة صديق شخصى ليا رغم فرق السن بس هو مش مهتم بمجال السيارات وهو كمان حزين على اللى حاصل ممكم اعرف بيجو ماعندهاش (عربية صغيرة) تنافس فى السوق ولا هى اكتفت بالسيارات الفارهة بس!
2:رينو-انا شايف ان رينو بتعمل اللى عليها بصراحة وكفاية مبيعات الميجان واللوجان وعربية زى اللوجان لو ماتعملهاش دعاية زى اللى كل ماتفتح الجرنال تلاقيها والشرح التفصيلى للعربية وامكانياتها وسعرها والله ماكانت اتباعت ولا حققت اى مبيعات وعلى فكرة هى عربية محترمة وتستاهل سعرها وتعتبر افضل من الكورى بمراحل بس المشكلة (الفكر بتاع التوكيل المصريين بيخافو من الرينو لية؟؟؟؟؟؟؟؟)(علشان قطع الغيار المعروفة من قديم الازل انها غالية لو نزل فى وسط الاعلان ركن لاسعار قطع الغيار الشعب قلبة هايجمد ومش هيخاف يشترى وهاتلاقى الرينو حققت مبيعات جيدة يعنى تركب ركوبة فرنساوى ناعمة ولا تركب لانوس وهيونداى واسبيرانزا بنفس السعر!!!!!!!!!!!!!!!
3-فيات:وبقولها وانا بعصر على نفسى لمونة من الحزن عليها ما اروع التصميمات والخامات والمواتير والتوفير فى البنزين والاعتمادية والتقفيل والثبات الخخخخ.......وانا متكلم عليها قبل كدة فى منتدى الفيات وممكن تقروا الموضوع هناك وانا شايف ان فيات اكتر شركة مهدور حقها على الاطلاق!!!!!!!!!!
4:كيا-انا شايف انها افضل عربية كورى فى مصر عربيات روعة والوكيل لو عمل شوية دعاية زى بتاعةغبور يبقى الهيونداى تغور ولا اية!!!!!!!!!
5-سيات:عربيات المفروض انها تدخل المنافسة بقوة تصميمات خرافية ومواتير جبارة وتكنولوجى عالية قوى بس للاسف السوق مايعرفهاش وشريحة قليلة جدا اللى تعرفها وبتشتريها واعتقد انهم ناس مميزين وفكرهم عالى جدا ودة سوق دعاية من التوكيل يعنى المفروض ان الكوردوبا تبقى مع اللانسر والكورولا والمشاهير دى !!!!!!!!!!!!!!
6-سيتروين:نفس قصة الرينو:قطع الغيار المعروف عنها انها مولعة لكن الوكيل لو سوقلها كويس هتبقى الc3تنافس البونتو والجيتز وعربيات كتير الc4عربية وهمية تحس ان تصميمها جاى من المستقبل ولو فى دعاية هتنافس مع السيفيك والبرافو والامبريزا والكورولا والاى30 والسوناتا كمان واللانسر شارك!!!!!!!!!!
7-السوبارو:من اروع السيارات فى مصر بل والعالم كلة وللاسف ليها حملة ترويجية فى جميع انحاء العالم الامصر عربية تحفة هى وال (ليجاسى والفورستر)وهما مش محتاجين كلام عليهم اصلا دة كفاية انهم يابانى يابانى مش تقفيل وكفاية المحرك البوكسر والدفع الرباعى وكفاية سعرها وما ينفعش نقارنها باللانسر والنترا والكورولا ولا السيفيك حتى ولا الجين2 لانها اشد من كل دة ولا انتم شايفين اية!!!!!!!!!!!!
منه لله كل توكيل واخد عربية ومش عارف يسوقها ومخلى عربيات تانية مالهاش اى لازمة تنجح بسبب شوية اعلانات على
مكتوبة على ورق.

تابع باقى (العربيات اللى حقهم مهدور حقها)
انا يا جماعة ناتكلمتش على الفولفو والاودى والالفاروميو وعربيات تانية انا ما ذكرتش اسمها لان العربيات دى اصلا موديلاتها عالية قوى وفخمة جدااااا واغلب شريحة المستخدمين فى مصر مابيشتروش عربية اكتر من 150 الف جنية والسيارات المذكورة اعلاه ما بتقلش عن 200 الف تقريبا وعذرا لو انا ما كتبتهمش وعلى فكرة سيارات زى الفولفو حرام انها تمشى على ارض مصر اصلا على فكرة الفولفو عربيات بتشدنى اكتر من البى ام والبورش والكلام دة.... تصميمها متفوق عليها واداءها معروف طبعااااااااا ولا انتم شايفين ايه؟؟؟؟؟؟؟؟؟؟؟؟؟؟؟؟

**blazer** · 29-01-2009 01:25 PM

هو العربيات زى الفرنساوى مش منتشره زى اليابانى
اولا :التكنولوجى بتاعها عاااالى جداا يعنى بليه الميكانيكى مش هيعرف يصلحها
ثانيا:عربيات متحبش البهدله يعنى مينفعش تشترى ميجان و تروح تخمس بيها و تاكل مطبات على 70كم/س او متعملهاش صيانه دوريه فى توكيلها
و فوق كل دا سعر اعاده البيع واقع ودا راجع للاسباب السابقه
ثانيا
السوبارو :مش منتشره بسبب قله قطع الغيار و السعر المبالغ فيه لبعض القطع زى الفوانيش و الزجاج و الابواب

**mbisar** · 29-01-2009 06:28 PM

فعلا الفرنساوى عربيات جميله اوى بس انا ملاحظ ان العربيه الميجان بقت منتشره بشكل مقبول اوى يمكن عشان انا برسم على واحده ميجان ان شاء الله فبشوفها كتير كل ما امشى فى شارع الاقيها حاسس انها مستقصدانى بصراحه
بس فعلا الأسباب اللى حضرتك قولتها واقعيه و صحيحه
بس انا حاسس بحاجه كده خصوصا بعد الأزمه الماليه العالميه و مشكله العربيات اللى موجوده دى حاسس ان فى عربيات هتختفى تماما من السوق
يعنى السوبارو دى مش هتبقا موجوده و التوكيل هيقفل و اعتقد ان فى عربيات زى تويوتا كمان ممكن تنتهى و التوكيل بتاعها يقفل
ولا انتو ايه رأيكوا ؟؟

**mokhtar** · 30-01-2009 11:24 AM

يمكن الناس دى مش مهتمه ببحوث التسويق يعنى بعض التوكيلات زى سيات وستروين وبيجو واودى وفولفو و..... ومن وراها الشركات الام والمكاتب الاقليميه المفروض انهم بيبقوا عاملين دراسه للسوق تحديد الشريحه السعريه المسيطره على السوق مايبقاش اقل عربيه نازله منزلها التوكيل مثلا 1400 وكماليات basic وتلاقيها معديه ال100000 طبعا مش هتنافس خصوصا ان احنا المصريين بنخاف من الاوروبى اللى تكنولوجى بتاعه عالى عشان مش اى حد بيفهم فيه وان لو دخلت التوكيل للصيانه الواحد هيتقلب وينفضوا جيوبه فانا مش عارف هل فعلا الناس دى مش بتعمل دراسه للسوق ؟
دراسه المستهلكين ( اللى هو احنا يعنى ) يعنى تعرف عاداتهم الشراءيه ؟ قوتهم الشراءيه؟ ميولهم ؟ اذواقهم ؟ من الاخر هما عايزين ايه ؟
دراسه المنافسين ؟ استراتيجيتهم التسعيريه والترويجيه ؟ونقط القوه والضعف ؟
لو هما فعلا بيطبقوا الدراسات والبحوث التسويقيه دى هيبقوا على علم بكل خلل بيحصلهم متمثل فى انخفاض المبيعات سواء بسبب التسعير الغلط اللى مش فى محله .. او التسويق والترويج الضعيف
عامه العربيات الاوروبى بتبقى اغلى دايما لارتفاع سعر اليورو غالبا وارتفاع تكلفه العماله الاوروبيه ولما حاولوا يحلوا المشكله دى وبدؤا يجمعوا العربيات فى دول خارج القاره الاوروبيه زى تركيا والصين والبرازيل طلع منها عربيات جودتها كويسه زى الميجان اللى بتتجمع فى تركيا والفيات اللينيا بس فى عربيات انا حاسس انها اساءت لسمعه شركاتها زى الفيات السينيا الصينى والالرينو سيمبول مثلا
.... الموضوع كله فى ايديهم وهما اللى مكبرين دماغهم ... يشربوها بقى ... وخليها تصدى وموديلها يعدى..

..mokhtar..

-

الموضوع: سيارات(مهدور)حقها ومبيعاتها بسبب الوكيل وسؤ الدعاية!

LinkBack

أدوات الموضوع

عرض

سيارات(مهدور)حقها ومبيعاتها بسبب الوكيل وسؤ الدعاية! - انشر الموضوع فى :

-

-

-

-

-

المواضيع المتشابهه

عربيه مهدور حقها

دي تاني شركه اقفلها بسبب الثوره ... حسبي الله و نعم الوكيل

الوكيل غيرلى الاربع طنابير على حسابه بسبب عيب صناعة ؟؟؟؟؟؟

عربيتي تدمرت بسبب حفره حسبي الله ونعم الوكيل

الكلمات الدلالية لهذا الموضوع

المفضلات

المفضلات

ضوابط المشاركة