ارجو من الاخوه الرد والمقارنه من حيث:
1-اعاده البيع
2-استهلاك البنزين
3-القوه والثبات
وشكراااااااااااااا.
عرض للطباعة
ارجو من الاخوه الرد والمقارنه من حيث:
1-اعاده البيع
2-استهلاك البنزين
3-القوه والثبات
وشكراااااااااااااا.
اولاً يا باشا مبروووووووووك مقدماً بغض النظر عن الاختيار
1-اعاده البيع (ياريس)
2-استلاك بنزين (ياريس علشان 1300 طبعاً)
3-القوه و الثبات (ال اي 30 طبعاً علشان 1600 122 حصان و بالنسبة للثبات فهي افضل بكثير من الياريس )
وربنا يوفقك الي الخير
مخالفة القاعدة 6ب
إدارة المنتدى - 3
بص الياريس 1300 سىسى 84 حصان يعنى استهلاك بنزين قليل مع اداء معقول اوى وطبعاا تويوتا يعنى سعر اعادة بيع عالى جداا ..وخد بالك انها سيدان
اما ال i30 فهيا موتورها جبار طبعا 1600 سىسى 122 حصان .. طبعا ثبات وقوة ... بس خد بالك الاى 30 مفيهاش بعد عوامل الامان زى الair bags , abs , ebd الا فى الموديل الى ب135 الف ... وهاتشبااااك
(وعلى فكرة الاى30 تعتبر compact ... انما الياريس subcompact )
يعنى من الاخر الاى 30 فئة اعلى
(على فكرة انا معايا ياريس لو عندك اى استفسارات)
بص انا حقول لحضرتك طبعاً صعب شوية تحديد سعر العربية بعد الفتره دي علي الاقل علي تقديري انا يمكن في ناس تكون اكثر خبرة مني تفيدك في الموضوع دا ولكن زي منتا عارف ان حالات الاسواق غير ثانبتة يعني زي مثلاً السوق في 2008 كان بسم الله ما شاء الله و شغال زي الفل ولكن في اخر شهرين من السنة و بدات الازمة المالية العالمية فطبعاً السوق راح نازل نزله تمام و طبعاً دا بيبان اكتر في المستعمل و اكيد حضرتك متابع وعلشان كدا انا بقول لحضرتك صعب تحديد بعد 5 سنوات ايه الي ممكن يحصل في السوق خصوصاً و انت عارف ان الحال في الزمن دا بيتغير من يوم و ليله و ممكن من ساعة واحده
بالنسبة للنقطة الثانية الخاصة اختار ياريس و لا اي 30
الموضوع بسيط اولاً العربيتين زي الفل
ولكن النقطة الثانية هي الاهم و هي الي حتدد عليها الاختيار بمعني ..... لو انا مكانك و كل مشاويري دا البلد يبقي الياريس عربية 10/10 و مناسبة لي تماماً و لكن لو سكه حضرتك سفر دائماً و طرق سريعة يبقي بدون كلام ال اي 30 و هذا عائد الي ان ال اي 30 ثباتها اي من الياريس
ارجو ان اكون وصلت وجه نظري في كل الامور بشكل واضح
وانا تحت امرك في اي استفسار
وربنا يوفقك الي الخير
انا عندى دايما سؤال بيلح عليا , ليه اى حد فى العالم ممكن يجيب I30 اذا كان ممكن بسعر اقل بحبة حلوين يجيب الانترا اللى هى يعنى النسخة السيدان من ال i30 , ,و اشيك و اوسع و كل حاجة فى الدنيا ؟؟؟؟؟؟
الكلام ده صح مية مية ناهيك عن سعر اعادة البيع لصالح التويوتا , التوكيل لصالح التويوتا , لو اوتوماتيك , الجير اليايانى هاتو وانت مغمض
الف شكر يا مؤمن باشا فعلا افدتنى جدااااااااا
وشكرا الاخ سعداوى بس انا مش فاهم يعنى ايه compact we subcompact
بص يا باشا انت لو يهمك التوفير فى البنزين و اعادة البيع يبقى ياريس
لكن لو عاوز عربية سريعة الى حد ما و ثابتة جدا على الأرض يبقى I30 بس للأسف مفيهاش عومل الأمان الموجودة فى الياريس الا فى اعلى فئة
انا و انا بشترى برضة كنت بفكر فى الياريس بس فى الأخر اخترت I30 و شوف برضة اركب الأتنين و شوف حترتاح فى انهى اكتر