تعمل ايه لو كنت على طريق سريع وبتجرى والعربيه فجاة بطلت وقطعت ميه ونور
السلام عليكم
والله الموقف ده حصل معايا وكنت هبقى فى عداد المفقودين
كنت راكب عربيه بتاعت واحد صاحبى كانت فيات موديل 1300 العربيه كانت مشدوده وحلوة
المهم كنت رايح حلوان فى يوم بليل من على الاتوستراد وبجرى على سرعة 100 تقريبا ومنور النور وكله تمام وواخد اقصى اليسار وطبعا باليل العربيات النقل بتبقى على الاوتوستراد عامله حلبة سباق
المهم فجأة لقيت العربيه بطلت والنور كله انطفى ومافيش ولا اى لامبه منوره ولا انتظار ولا غيره والدنيا ظلام طبعا زى ماحضراتكم عارفين فى اغلب طريق الاتوستراد لا وايه كمان انا فى طريق منحنى يعنى اللى جاى من على بعد مش هيشوفنى طيب فى الحاله دى لازم يبقى التفكير سريع ولا هلاقى عربيه من العربيات النقل طلعت فوقى
وطبعا سرعة العربيه بقت بتقل بسرعه وماينفعش اروح ليمين الطريق فجأه ومن غير اشاره
روحت ركنت فى شمال الطريق فى الحاره السريعه ونزلت بسرعه من العربيه ورجعت ورا وقعدت اشاور للعربيات انهم يبعدو طبعا انا بعمل كده وانا واقف على الرصيف واول مالقيت الطريق هدى شويه قلت اشوف ايه سبب اللى حصل
طلع ايه ان قطاش الموجب نطر من البطاريه ولمس الكابوت فحصل قفله رجعته مكانه وحطيت عليه دواسه من العربيه ودورتها وكملت مشوارى
بس بحمد ربنا كثير جدا كل لما افتكر اليوم ده
الحمد لله الحمد لله الحمد لله