صديقى عمل حادثه

**mo7a_mo7a** · 31-01-2009 04:45 AM

لا حول ولا قوة الا بالله اللهم نجه واعف عنه
وابقي طمنا عليه من فضلك

**mo7a_mo7a** · 31-01-2009 04:47 AM

المشاركة الأصلية كتبت بواسطة tutankhamoun

يا أستاذ أيهاب معلش كلامك خلاني وقفت قراية للموضوع و كان لازم أرد على كلام حضرتك .
يعني أيه نصيب ...؟؟؟؟؟؟؟؟؟؟؟؟؟؟؟

يعني أروح أقعد تحت القطار و أقول لو نصيبي أعيش فهاعيش ؟؟؟؟!!

حرام حرام حرام حرام تفكيرنا ده

النصيب شئ ....... و الرعونة شئ أخر
و ليه مصر من أكبر الحوادث في العالم
و أنجلترا مثلا من أقلهم
هل علشان بتوع أنجلترا ملهومش نصيب في الحوادث ؟؟؟؟؟

طبعا السرعة من أهم أسباب الحوادث و تعتبر العامل رقم واحد و رقم أثنين و رقم ثلاثة من أسباب الحوادث
لأن لما الواحد بيكون ماشي بسرعة مناسبة و معقولة بيقدر يلم نفسه بسرعة و يقدر يتحكم في العربية
يعني شاف حاجة على بعد ........ أو كاوتش أتخرم و فرقع
يعني الظروف اللي زي دي

إنما لما تكون ماشي بسرعة و كواتش يفرقع و نقول مثلا سرعة 100 و سرعة 150

مين اللي هايقدر يلم نفسه بسرعة أو يلحق يتحكم في يالعربية
بالتأكيد أبو 150 ............. نسب و أحتمالية نجاته أقل من أحتمالية نجاة أبو 100

علشان كدا نسب الحوادث في الدول المتقدمة أقل من الدول المتخلفة زي مصر

لو الناس تبطل تلوم الحكومة ........... و تقول ده نصيب
صدقني ......... هانتقدم و هانبقة حاجة تانية
بس أنا مش شايف ده في القريب العاجل
و ربنا يرحمنا من أنفسنا

و بمناسبة الأخ صاحب الميجان ......... ربنا يقومه بالسلامة
و ياريت كل اللي يشوف الحادثة يتعلم و يتعظ
لأن الواحد بيشوف حوادث رهيبة كل يوم و مفيش فايدة في الناس
الدنيا تبقى ظلمة بجد مش شايفين حاجة و الناس عمالة في غرز و سرعات رهيبة
أنا مش عارف أحنا مالنا كدا

حضرتك قلت كل الي كان نفسي اقوله
انا حاسس ان حضرتك يا استاذ توت بتقري اللي في دماغي وبتكتبه بالحرف
بارك الله فيك

**tutankhamoun** · 31-01-2009 04:22 PM

المشاركة الأصلية كتبت بواسطة mo7a_mo7a

حضرتك قلت كل الي كان نفسي اقوله
انا حاسس ان حضرتك يا استاذ توت بتقري اللي في دماغي وبتكتبه بالحرف
بارك الله فيك

تحياتي يا أستاذ موحا موحا

....

المشاركة الأصلية كتبت بواسطة ehabbasha30

السلام عليكم
واضح يا استاذ توت عنخ امون والاستاذ موحا ان حضراتكم فهمتو من مداخلتى انى لا سمح الله بدافع عن السرعة
ياريت تقروها تانى بتأنى وتفهمو قصدى

أولا تحياتي يا أخي
بالنسبة لمداخلة حضرتك
أول جملة فيها متناقضة مع ما جاء بعدها

و تعالى نفصص كلام حضرتك

أرسل أصلا بواسطة ehabbasha30

السير بسرعة مش سبب للحوادث ولا البطء هو اللى بيمنع الحادثة
ولكن ستر ربنا وحدة هوو المنجى
دة قدر ..... ممكن يبقى الواحد ماشى على رجلة مش فى عربية وعلى جنب وتيجى عربية تخبطة .. انا شفتها بنفسى
وشفت غيرها فى عربية ماشية بسرعة مناسبة جدا وبرضو فجاة العربية عامت منة ومعرفش يتحكم فيها واتقلبت بية
بس الواحد لازم ياخد بالاسباب ويعمل اللى علية ويمشى بالراحة مش بسرعة لان نسبة التعرض للخطر اكبر فى السرعة العالية
( ولا تلقوا بايديكم الى التهلكة )
ربنا يسترها معانا جميعا ولا ينقص مننا احد ابدا
اللهم امين

أول جملة قلت فيها
السير بسرعة مش سبب الحوادث
و دي الكلمة اللي الأساسية في بداية حوار حضرتك
و بعدين أستدركت الكلام و قلت
ستر ربنا وحده و هو المنجي و ضربت مثال على موضوع انك تكون ماشي على رجلك و عربية تتسبب في موت المترجل

أول جملتين دول متناقضين تماما مع كلام حضرتك اللي جاء بعدهم و متناقضين أيضا مع المنطق الإسلامي و الديني ( أعتبرني أخوك و بوضح رأيي و متزعلش مني )

طيب ليه التناقض
لما أقول السرعة مش سبب الحادث
و بعدين أرجع أقول في أخر الحوار ....... مانرميش نفسنا في التهلكة ....... يبقى فيه تناقض و لا لاءة ؟؟؟
طبعا السرعة هي العامل رقم واحد في الحوادث عالميا و مش مصر بس
قيادة السيارة بسرعة بيؤدي لتشوش و قلة تركيز السائق و عدم قدرته على اتخاذ قرار مناسب في الوقت المناسب عند الضررورة
المخ البشري له طاقة و لا سرعة يستطيع العمل عندها و بعد ذلك
تكون أنت قائد السيارة ( أو أنا أو أي قائد سيارة ) مشاهد فقط لما يحدث حولك و لكن بدون ادراك لما تشاهده
يعني أنا بتكلم عن سرعات عالية قوي زي فوق 150

المهم ... أن السرعات المناسبة لكل طريق بتكون موضوع من ولي الأمر ( الحكومة ) و علمائها أو مهندسيها علشان تجنب الحوادث بسبب السرعة و بتكون السرعة دي متناسبة مع تصميم الطريق و اتساعه و عدد الحارات فيه و أنشغاله بالسيارات ....... هكذا

لما ييجي واحد يطير بالعربية و يكسر السرعة القانونية يبقى بيرمي نفسه في التهلكة طبعا طبعا طبعا و دي النقطة اللي أنا متفق معاك فيها

و شكرا للحوار الطيب .

**SAMER_ENGINES** · 31-01-2009 05:24 PM

يا خبر العربية راحت و مبقاش ليها ملامح للأسف لكن عامة المهم هو يقوم بالسلامة ربنا يشفيه و يرحمنا من السرعات العالية و لو أني أنا مش عارف أبطلها و بحاول أفتكر المناظر دي كل ما أجري بالعربية عشان أخفف سرعتي.

**abouelmaggd** · 31-01-2009 08:45 PM

يارب استرها

**Osama_soliman** · 31-01-2009 10:10 PM

يارب استرها

انا شخصياً عايز اطئمن على صديقك

ياريت تقولنا اخباره ايه

**mo7a_mo7a** · 31-01-2009 10:43 PM

المشاركة الأصلية كتبت بواسطة ehabbasha30

السلام عليكم
واضح يا استاذ توت عنخ امون والاستاذ موحا ان حضراتكم فهمتو من مداخلتى انى لا سمح الله بدافع عن السرعة
ياريت تقروها تانى بتأنى وتفهمو قصدى

احب اوضح معلومة اخري قد تكون غائبة عن الكثيرين بما ان حضرتك فتحت الموضوع
1- السرعة القصوي للطريق تحدد بناء علي تصميمه وبنائه واحتياطات السلامة عليه وليست فقط مسالة ازدحامه
2- السرعة القصوي للطريق ليست حصة واجبة وانما هي الحد الاقصي للسرعة علي سبيل المثال طريق مصر الاسكندرية الصحراوي السرعة القصوي عليه 100 كم/ساعة للملاكي (حاليا) ده معناه انك متمشيش اكتر من كده لكن لا تعني انك تفضل ماشي 100 طول الطريق بالعكس ده الحد الاقصي!!!
3- طرقنا المصرية بلا استثناء غير مطابقة للمواصفات الدولية وكل السرعات القصوي المقررة لا تتناسب فعليا مع جودة الطريق واحتياطات الامان الدولية وهو ما يؤكده مهازل الحوادث علي الطرق ولا مجال هنا لذكربعض الامثلة
4- كثير جدا من سياراتنا الجميلة في بلدنا الجميلة تسير علي شوارعنا الجميلة دون ان تكون مؤهلة فنيا
5- كل الحاصلين علي ترخيص يقادة مصري فقط عمليا غير قادرين علي القيادة وليس لديهم الحد الادني من الدراية بقواعد المرور السليمة واداب المرور

وكل عام وانتم بخير ومصر بخير وكله تمام يا فندم