كان عندى شغل فى سيوه وطلعت بالجين تو
ولمن لايعلم فان سيوه تبعد عن مرسى مطروح 300 كيلو وانا طبعا من القاهرة تقريبا 900 كيلو
المهم خدتها فى سبع ساعات واللى اخرنى طبعا الدائرى هنا والمحور والصحراوى لحد دخله العلمين كنت مابين 80 و 120
ثم العلمين فكانت سرعتى 170الى 180 واتقفشت ردار فى اخر الطريق قبل البوابه على طول
دفعت المخالفه زى الباشا وقدروها لى 250 جنيه
المهم محرمتش وفتحت على 185 فى الدولى وكلت كام تكسيره طريق محترمين بس كنت عايز اوصل قبل الظلام
لان الوصله اللى من مطروح لغايه سيوه فيها اصلاحات تقريبا عشره كيلو الارض مدغدغه وفيها زلط فاقصى سرعه فيها عشرين ولكن باقى الطريق كويس بس رايح جاى
وصلت هناك بعد المغرب بشويه
اما العربيه فكانت تحفه فى السفر والطرق السيئه وكانت عاليه محكتش فى ولا مطب قبل سيوه مباشره