برسونا 2009 - رأيكم مهم جدا والله

**eng_mh1980** · 29-01-2009 09:23 PM

السلام عليكم,
أولا:
أحب فعلا اشكر كل اعضاء المنتدى على التعاون الرائع مع كل عضو جديد و فعلا انتم كان ليكم الفضل بعد ربنا طبعا اني قررت اشتري بروتن , فجزاكم الله خيرا.
ثانيا:
انا لما رحت اشتري الجين 2 لقيت ان البرسونا الجديدة نزلت (المانيوال) كاملة(high line) فغيرت رأيي نظرا لان العربية العائلية انسب لي بس كنت عاوز اعرف هل يوجد اي فرق بينها و بين الجين تو غير الشنطة ؟؟ وهل كل مكونتها هي هي ال جين 2 .
ثالثا:
ايه الورق اللي لازم اراجع علية كويس علشان الترخيص مع العلم ان العربية قسط انا مش عاوز ارجع على حاجة عايفة , وانتم عارفين المرور و قرفة

**husseinodeba** · 29-01-2009 11:09 PM

ابل ما تشترى البرسونا
انا عايزك تجيب البرسونا جنب الGen2وتفتح شنطه الاتنين وتبص كويس
...البرسونا شنطتها اكبر !
طب نزل الكراسى اللى وره فى العربيتين ....شفت الفرق ........
طب شيل كمان الرف اللى ورا فى الGen2.... ايه رايك ؟

ياريت لو الGen2 فعلا شنطتها اكبر ترد تاكدلى لان انا مراتى غصبت عليه انى اشترى الGen2 واقنعتنى ن شنطتها اكبر
مبروك مقدما وإن شاء الله يكون ترخيصك سهل

**eng_mh1980** · 29-01-2009 11:43 PM

لأ اكيد
بيرسونا شنتطها اكبر

**khpopo** · 30-01-2009 12:38 AM

المشاركة الأصلية كتبت بواسطة eng_mh1980

لأ اكيد
بيرسونا شنتطها اكبر

+1000000000000000000

ربنا يوفق

**eng_mh1980** · 30-01-2009 02:19 AM

ايه يا رجالة,
فين التعليقات

**Ayman_52** · 30-01-2009 03:19 AM

اهلا بيك ياباشا..فى النادى البرتونى

منــور والله

بخصوص الفروق...حاجات بسيطه..ودى مشاركه للعضو-مزاجنجى باشا-(واحشنا والله)...قايل عالفروق كلها...

المشاركة الأصلية كتبت بواسطة mazagnge

هي هي الجين 2 مانيوال ، م ع بعض الفروقات في :

- نظام الإضاءة :
الجين 2 : في الفانوس الامامي موتور لتحريك العدسة .... غير موجود بالبيرسونا .
الجين 2 : في داخل الفانوس الخلفي فوج شبورة ... .... غير موجود بالبيرسونا .
البيرسونا : في الاكصدام الخلفي عواكس اضاءة .... .... غير موجود بالجين 2 .
البيرسونا : الشنطة اوسع من الجين ، و نتيجة ازالة الانحناءة بتاع القزار في الجين " الفيس لفت" و تحويل العربية لصالون " سيدان " ادي ذلك لمزيد من الاحساس بالاتساع .
- باقى مواصفات العربية من ABS&EBD ايرباج فوج امامي الشاوندشيشتم .... هو هو
*** و دة اللى انا فكرة دلوقت .

وبخصوص الترخيص..مادام حضرتك قسط ...اظن انهم هيطلعوا حد من عز معاك وهو اللى بيخلص كل حاجه...

وان شاء الله تستلم الجميله البيرسونا قريب ...والكل يباركلك ان شاء الله.

**husseinodeba** · 30-01-2009 09:42 PM

اكيد شنطه البرسونا اكبر بس محدوده الارتفاع ... بمعنى
ان لومعاك حاجه ارتفاعها عالى مش هينفع تشيلها فى البرسونا حتى مع طى الكراسى الخلفيه
مع الGen2 فرصتك كبيره فى تحميل اشياء ذا ارتفاعات عاليه
طى الكراسى فى الGen2 بيفتحلك الشنطه مع الصالون مباشرة بدون حواجز
دى وجه نظر وانا بصراحه ماشفتش شنطه البرسونا
وبحب الGen2

**aapaap855** · 31-01-2009 11:04 AM

من الكاتاوجات طول العربية البيرسون اطول من الجين ب 15 سم
معرفش دول زيادة كبيرة ولا لا
انا معايا جين 2 : كنت محمل فيها كمية حاجات كتيييييييييييير جدا
بجد الجين 2 شنطتها واسعة مش ديقة
(دة رايي)
- بالنسبة لموضوع زرار ظبط ارتفاع عدسة الفانوس الامامي فعلا مش موجود في البيرسونا
بس في واحد معاه بيرسونا قالي ان الفانوس في البيرسونا بيظبط ارتفاعو مع ميل العربية (مش متاكد منها بس هوة قال مكتوبة في الكتالوج)