أستاذي الفاضل :-
أولا أهلا بيك معانا في بيتك الثاني
ثانيا :- أنا عربيتي 1300 مانيوال خليجي مش 1600 أوتوماتيك مصري
ثالثا :- الفرق مش كبير بس أنا تحت أمرك في أي استفسار
بص ياسيدي :-
هتبص على الإراج الجمركي بتاع العربية وتشوف مصدرها إيه وخلي بالك رقم الشاسيه هتلاقيه مكتوب على قطعه من الجلد على التابلوه قدامك وجو الكمبوت طابقهم هما الاثنين على الورق اللي معاك .
استلم العربية في النهار علشان تبص على كل حته فيها ولو فيها خربوش ماتستلمهاش
خلي بالك من العداد مايكونش معدي 30 إلى 35 كيلو بالكثير قوي
جرب الأنوار والمساحات وكل حاجه جوه وشغل التكيف للتجربة بس إنه شغال
بص على ورق الضمان بتاع العربية واتأكد إنه مختوم وبنفس رقم الموتور والشايه بتاع العربية
افتح الشنطه واتأكد من الاستبن وشنطة العده والمثلث وشنطة الإسعافات
بالنسبة للتلين :-
ماتعديش بالأربي إم 3000 خالص يعني سرعتك ماتزيدش عن 80 كيلو أبدا إلى الأفل الأولى وطبعا مش هتشغل التكييف في الفترة ديه خالص ( الستحمل الحر شويه )
براحه على العربية وواحده وحده وإنت بدورها الصبح تسيبها لما تسخن لوحده ( مؤشر الحرارة يبقى في النص بالضبط )
ألف مليون مبروك وربنا يباراكلك فيها ويديك خيرها ويكفيك شرها
ابتسم أنت من ملاك الانسر
المفضلات