السلام عليكم
طبعا انا شايف انها تستاهل فرق السعر انت جربت تعد فيها و تحس بالرفاهية و البرستيج؟
جرب و اعد و جرب اللانسر و الصني اللى هما قريبين منها في السعر و شوف الفرق
ده غير شكلها الرياضي الرائع و اكيد طالما البونتو الكلاسيك فيها الامكانيات دي كلها يبقى اكيد دى الكماليات الصغيرة بالنسبة للجراند
انا بصراحة معرفش كمالياتها بس انا فعلا لو كان معايا فلوسها مكنتش ترددت اني اجيبها
و برضه العربية 1400 يعني مش هتصرف بنزين كتير زي الـ 1600
بس مشكلتها ان قطع غيارها هي و اللينيا موجودين لحد دلوقتى في التوكيل بس مش منتشرين و غالية يمكن اغلى من الياباني عموما
بس الغالى تمنه فيه
وبالنسبة للتكييف في البونتو انا مش هقدر اديك تقييم دقيق ليه في الجو البرد ده :F_eyeb1[1]:
بس انا جربته مرة على اقل درجة كان جميل جدا و على الدرجات كلها برضه كنت ببرد اوي الحمد لله بس صوته عالي نسبيا بس اعتقد ان كل المواتير الصغيرة صوت تكييفها عالي عشان يعوض قوة الموتور في قوة مروحة التكييف (ده تخمين لكن الله اعلم) لان اللانسر 1300 برضه صوت تكييفها عالي شوية.
بس هو احسن من اللانسر بوجه عام
عموما الصيف على الابواب اول ما اجربه في الحر هديكو FeedBack عنه برضه ان شاء الله.