:36_1_58[1]::36_1_58[1]::
الحمد لله وفقت الى شراء أوبل فكترا موديل 2000
cc1600
GLS أرجو من السادة الافاضل ان يشاركونى النصائح بخصوص الصيانة وكيفية المحافظة على السيارة لان معلوماتى ضئيلة ولكم جزيل الشكر
عرض للطباعة
:36_1_58[1]::36_1_58[1]::
الحمد لله وفقت الى شراء أوبل فكترا موديل 2000
cc1600
GLS أرجو من السادة الافاضل ان يشاركونى النصائح بخصوص الصيانة وكيفية المحافظة على السيارة لان معلوماتى ضئيلة ولكم جزيل الشكر
مبرووووووووووووووك
العصابه زادت واحد
متقلقش هنا الرجاله كتير و هيساعدوك فى كل حاجه انت عايزها .
اهم حاجه حافظ على عربيتك و متوديهاش لحد مش بيفهم كويس فى الاوبل و هات قطع غيار اصليه و متستخرس حاجه فيها لان الاصلى هيعمر و هتنساه هو و اعطاله
مبررررررررررررررررررووووو وووووووووووووووووووووووك:B 4_007: :hlopaet_prv:
الف مليون مبروك عليك وعلينا
عليك للعربيه وعلينا لفرد عصابه زي الفل :)
استهدا بالله كده جربها كام يوم وشوف لو فيه حاجه استغربتلها احكيها واحنا معاك :)
وربنا يديك خيرها ويكفيك شرها ان شاء الله :)
مبروك يا محمد ، عصابة الاوبل اتشرفت بيك
congratlatian
مبررررررررررررررررررررررر وك ياباشا
قلى جبتها على كام سؤال بايخ انا عارف بس بحب اتابع الاسعار
عشان تريح دماغك اعمل صيانة 50 الف كيلو التى تتضمن (الفلتر البنزين - البوجيهات ) دول كل 20 الى 25 الف
اما (سير الكتينة - وبلية الكتينة - وفلتر الهواء - وزيت الفتيس الوتو - وسعات طرنبت المية حسب ميقلك المكنيكى - ) دول كل 50 الف
اما التيل فجيب الgm او السوسرى عشان مبيسفروش ودول على حسب ممكن 10 الى 15 الف حسب الستخدام
زيت المتور موبيل وان 10 الف كيلو ومعاة الفلتر
من الاخر اعمل على الكمبيوتر فيل اكتب فية كل حاجة
وبكدة تمشى 50 الف وانت مطمن وتضع فى معدتك بطيخة صيفى
ومبروك مرة تنية انضمامك للعائلة
:S_thum1[1]:انا جبتها على 58000 فابريكة (مانيوال) ماعدا الرفرف والاكصدام هى عملة 142000 كم وكل حاجة شغالة الحمد لله كويس لحد دلوقتى بس انا عاوز احافظ عليها وشكراا على اهتمانكم
اهلا بيك يا محمد في عصابة الاوبل
والف مبروك ياباشا ربنا يعطيك خيرها ويكفيك شرها
وما يكونشي فيه شر من اساسه ان شاء الله
اولا عليك بالتصدق دائما عن السيارة
ثانيا اتمنى ان اللي باعلك العربية كان بيعمل صيانتها في التوكيل
في الحالة ديه اطلع على التوكيل شوف الملف بتاعها واعرف غيرت
كل حاجة امتى واهم حاجة السيور والبوجيهات والزيوت والفلاتر
لو صاحبها ماكانشي متابع في التوكيل يبقى ماتصدقوش في اي معلومات بخصوص الحاجات ديه وتطلع برده على التوكيل وتغيرهم وزي ما قالك
تامر تحط دايما مذكرة صغيرة في العربية وتسجل فيها الكيلومتر عند تغيير اي حاجة
ثالثا ادخل على موضوع مثبت هنا في القسم اسمه (المواضيع الهامة في قسم الاوبل) هتلاقي كل ما يخطر على بالك من معلومات عن قطع الغيار
الجديدة والمستعملة واسعارها واماكن بيعها
بالتوفيق ان شاء الله والف مبروك مرة تانية
لمبة Abs مفصولة لانها كانت منورة علطول (على حسب كلام صاحبها)فهل يوجد مشكلة وشكرا
ما شاء الله تبارك الله..
الف مبروك اولا.. و ثانيا.. السعر كويس جدا.. ربنا يباركلك..
شوف يا باشا.. روح بيها التوكيل او عند حد بيفهم كويس قوي في الاوبل.. و شوف مشكلة الـ Abs ايه و شوف حلها ايه..
و لو علي كده بس بسيطة ان شاء الله..
هو انا على طول متاخر بص يا سيدي انت لازم تروح التوكيل اول مره تعمل الصيانة او تعمل الكشف و الصيانة الدورية لو عملت الصيانة العادية هتكلفك شوية لو عملت كشف بس هتبقي حاجة بسيطة بس انت لازم في الاول تدفع شوية كده مش كتير احسبها انت بقة و المالية
بالنسبة لل Abs ممكن يكون من حاجات كتير ممكن يكون من سنسور عجلة مفصول او زيت الفرامل او ال Abs نفسة فية مشكلة بس الراجل عنده ضمير انه قالك كده في ناس كتير تقولك اللمبة محروقه بس هو شغال
1000 مبروك يا مان:verygood:
عصابة الأوبل الاعزاء
صاحب العربية ما كنش بتعامل مع التوكيل وانا خايف اروح التوكيل يعملوا من الحبة قبة ويطلعولى فيها القطط الفطسانة وعلى حد معلوماتى ان التوكيل سعرة غالى جداا فارجو الافادة وشكراا
الف مبروك ربنا يديك خيرها و يكفيك شرها و شر العين
قولوا امين
اولا نصيحتى تغير الفلاتر .. بنزين و زيت و هواء و شوف السيور اتغيرت امتى و شيك عالكاوتش عامل كام كيلو لان العربيه عدادها فوق ال100 الف و غير الزيوت كلها و الردياتير عاوز غسله فى موبيل برضه و بعد كده روح التوكيل اكشف عالعيب فى abs و روح صلح العيب بره التوكيل عند حد من ميكانيكيه الاوبل الجامدين فى الحرفيين
و 1000 1000000 مبرووووووووووووك
تمام كده كلامك..
بس احب اضيف و اوضح.. غسيل الردياتير ف المحطة بالمية الضغط العالي خطر جدااااااااااااااااا
و بيبوظه.. و ممكن يمشي الشوائب و الصدا داخل كل دورة التبريد.. و كده هتعمل مصيبة كبيرة..
بيتغسل ازاي.. تفضل زجاجة خل او شوية جاز في المية.. و العربية دايرة. و تسيبها شغالة شوية.. و هي سخنة.. و فضي المية دي خالص.. ارميها كلها... و حط مية نضيفة و سيبها شوية.. و هكذا.. لحد المية ما تنزل من العربية نضيفة تماما.. فضيها و حط مية حمرا نضيفة.. ماركة كويسة.. و بلاش مية خضرا عشان مضروبة..
و علي البركة..
Welcome Home, Mabroooooook
انا جيت متأخر اوى
الف مبروك يا باشا وربنا يديك خيرها ويبعد عنك شرها
انا مش هضيف عن اللى اخواتى الكبار قالوه
بالنسبة لل Abs ممكن تجربه تشوفه شغال ولا لأ
شوف حته فيها رمله او ماية ودوس فرامل جامد
لو حسيت بحاجات بتتكسر تحت رجلك يبقى شغال
لو العربيه اتزحلقت منك وسمعت صوت الفرامل يبقى مش شغال
وكده لازم تكشف عليه عند واحد بيفهم فى الاوبل
الزميل العزيز محمد ... بصراحه الاخوه هنا ماسابوليش اي حاجه علشان اقولها . روح التوكيل اكشف بالجهازواعمل اللي فيها بره وعناوين الاخصاءيين في الاوبل مزكوره علي المنتدي وانصحك تغير (طقم سيور-بوجيهات-زيت وفلاتر-اغسل الرادياتيروغير ميه حمرا اوخضرا) واهم شيء تشيك علي الخراطيم ( حيبان لو في تسريب عند كبس دوره التبريد في التوكيل )واي سؤال انا في الخدمه علي فكره انا راكب نفس العربيه مو99 .