نتائج حمله خليها تعد ى وزير المالية يقرر:مد فترة تخزين السيارات قبل الإفراج الجمركي

**waelwael** · 30-01-2009 12:06 AM

أصدر د.يوسف بطرس غالي وزير المالية قرارا بمد فترة تخزين السيارات المستوردة قبل الافراج الجمركي عنها لمدة 6 شهور بدلا من شهر حاليا بالاضافة إلي فترة انهاء الاجراءات بما تتراوح بين 45 يوما إلي 60 يوما اضافية.
قال جلال ابوالفتوح مستشار وزير المالية لشئون الجمارك ان القرار اشترط ضرورة التخزين في المستودعات العامة بدلا من المنافذ الجمركية داخل الموانيء مع السماح للمستورد بالافراج الجمركي عن جزء من الرسالة دون الحاجة إلي سحب الرسالة بالكامل خلال فترة السماح واضاف ان هذا القرار يأتي في اطار التيسير علي وكلاء ومستوردي السيارات ومساندة المستثمرين بتوفير السيولة المالية ومواجهة تداعيات الأزمة المالية العالمية.
وأوضح ان حوالي 3 آلاف سيارة مستوردة من موديل 2008 موجودة حاليا بالمنافذ الجمركية ولم يتقدم مستوردوها لتنفيذ اجراءات الافراج الجمركي عنها بسبب الارتباك الذي يسود سوق السيارات حاليا في ظل الأزمة المالية العالمية وتداعياتها علي شركات انتاج السيارات في العالم بالاضافة إلي المخاوف من أي تقلبات في الأسعار خلال الفترة القصيرة القادمة وأشار إلي أنه يتم السماح بالافراج عن السيارات موديل 2008 خلال العام الحالي طالما وصلت هذه السيارات إلي الموانيء المصرية في نفس سنة الصنع لأن العبرة بتاريخ الوصول وليس بتاريخ الافراج وأكد ابوالفتوح انه لا نية ولا تفكير حاليا في خفض الرسوم الجمركية علي السيارات المستوردة.

**Dr Ahmed** · 30-01-2009 10:26 AM

وأكد ابوالفتوح انه لا نية ولا تفكير حاليا في خفض الرسوم الجمركية علي السيارات المستوردة

مادام قال كده يبقى أكيد بيناقشوا دلوقت خفض الرسوم أو فيه قرار بتخفيضها قريب

**A.Saad** · 30-01-2009 11:03 AM

واخدين بالكوا
3000 سيارة من موديل 2008 وصلت فى 2008 وما طلعوش
حجم سوق الملاكى لحد شهر 11 2008 كان 240 الف سيارة
يبقى فيه 1.25% من حجم السوق مركون
ويعنى القرار ده
ان التجار معندهموش امل ان العربيات دى تطلع لو افرجوا عنها
بس هما لسه بيعاندوا
خليهم
هما الخسرانين

**Imhotep** · 30-01-2009 01:29 PM

المشاركة الأصلية كتبت بواسطة SE_coralsea

واضح أنهم هايبتدوا يأخدوا قرارات و لكن اعتقد أنها كالعادة ستكون عشوائية و غير مدروسة نتيجة لمواجهة ظروف و مستجدات لم يكونوا يتوقعهوها , و أعتقد أن مواجهة المستهلك لهم بحملة مقاطعة كان شئ غير منتظر بالمرة وسط هذه الظروف

لذا فهذا أدعي أن نتمسك بحملتنا أكثر و أكثر و مش مشكلة خلي العربيات عندهم يحطوها في أي حتة تعجبهم و أحنا كمان فلوسنا معانا نحطها في المكان اللي أحنا شايفينه أصلح لنا

+111111111111111

**zeyad1810** · 30-01-2009 01:45 PM

هى دى كدة شكلها البداية لتخفيض جمارك السيارات علشان يعملوا حركة فى السوق بدل الركود تجار السيارات اللى قربوا يفلسوا من قلة البيع
وكمان 6 شهور مرمية فى الميناء يبقى كدة 100% هتصدى ومش هيلاقوا اللى هيشتريها حتى لو رخصت

**rockana9112007** · 30-01-2009 02:53 PM

على فكرة كدة الحكومة بتسند الوكلاء عشان يستمرو فى سلوكهم الجشع.
لو القرار دة مكنش طلع كان هيتطر الوكلاء اما الى اعادة تصدير هذة السيارات او الى ادخالها الى البلاد مع تحمل الاعباء المالية الكبيرة فكانو هيتزنقو اكتر مهما مزنوقين .كدة الحكومة وسعتها عليهم حبتين .
ولا انتم اية رأيكم ؟

**Anxs111** · 30-01-2009 03:06 PM

مهو الأثنين هدفهم واحد ومصلحتهم مشتركة . لو القطيع (في وجهة نظر الحكومة والتجار ) أتجرأ على التجار ملاك قوت يومهم بكرا يتجرأو على أسيادهم الحكومة و هنبتدي نحس اننا بنيئدمين ونبطل ناخد على افانا و بعد كدة نعرف ازاي نؤول رأينا بطريقة إيجابية و بعد كدة نمشي كلامنا و بعد كدة... (حاجات كتير ذي ما تتخيل في حقوق الشعوب اللي أول من اقرها الإسلام واستفاد منها الغرب و تقدم و دلوأتي مستكترنها علينا فبدعمو حكامنا ويفهمونا عكس كدة

(كلها حلقة وحدة متصلة ببعضها وحنا بنحاول نكسرها وهما خايفين من تبعات ده وفكرين أنهم هينجحو بس أبداً لأن الناس جابت زيت خلاص . وسلملي على شنطة الإسعاف

**heshaaam** · 30-01-2009 04:38 PM

معروفة انهم بيدعموا بعض وان عدم البيع يعنى قلة استيراد يعنى خسارة للجمارك ياريت الحملة تستمر حتى نهاية السنة وانا بقول تاخصومات ساعتها هتعدى 30%

ف 2010 غصب عن الحكومة الجمارك تنزل 10% طبقا للجات
وتكون ساعتها الخصومات وصلت ف العالم 80% المانيا عملت لغاية دلوقتى 60% خصم وامريكا العربية معاها عربية