ممكن لو حد خبرة في الاسلحة يساعدني في تسعير مسدس
ماركة ستار اسباني 9 مل خزنة
عرض للطباعة
ممكن لو حد خبرة في الاسلحة يساعدني في تسعير مسدس
ماركة ستار اسباني 9 مل خزنة
أنصحك بعدم شراؤه ..
لأن المعلومات اللي عندي وأعرفها جيداً أن ..
عيار الطبنجات ال9 مل هو عيار مخصص لأجهزة الأمن في الدولة شرطة وجيش فقط ..(ميري يعني )
ولا يتم الموافقة على ترخيص هذه الطبنجات وإن تمت فهي تضع حاملها تحت طائلة القانون ..
وهذا كفاية لعدم شراؤه ..
وشراء الطبنجات أصلاً المفروض أن يتم في ظل القانون حتى تحمي نفسك من أية مسئولية عند شراء طبنجة مستعملة ..
وأعتقد أن إجراءات شراء طبنجة مستعملة هي :
1. نقل الترخيص
2. الموافقة على حيازة السلاح
3. الكشف على بصمة الطبنجة
وأعتقد دي صور الطبنجة المعروضة عليكي
http://www.recguns.com/Pictures/Images/Star1.jpg
http://www.recguns.com/Pictures/Images/Star2.jpg
طبنجة ستار دي طبنجة عتيقة جداً .. تنتجها شركة
Star Bonifacio Echeverria of Spain. والموديل ده موديل ستار B
منذ عام 1911
اللينك ده فيه المانيوال بتاع هذا الموديل
موديل B
http://www.star-firearms.com/firearm...l/b_manual.pdf
موديل BM
http://www.star-firearms.com/firearm.../bm_manual.pdf
وعلى فكرة هذا الموديل من اشهر الموديلات المستخدمة في مصر في القطاع الأمني ..
أنا بصراحة معرفش سعره يعمل كام دلوقتي ، خصوصاً إن الأسعار مرتبطة بالأحوال التي تحيط بعملية البيع
يعني لو البيع قانوني السعر مش هايكون غالي ..
وللمرة التانية أنصحك بعدم شراء سلاح مستعمل ، أو سلاح ميري ..
فتح الله على ناصية عبد الخالق ثروت عنده تشكيلة كويسة من الطبنجات بأسعار تبدأ من 4850 جم مصري لعيارات الرصاص الكاملة .. وإجراءاته قانونية مش هتحتاجي غير إجراءات الرخصة فقط ..وهو هايكمل بقية الإجراءات ..
بالتوفيق إن شاء الله
شكرا دكتور سمير على الرد
بس انا مش هاشتري
الطبنجة موجودة بالفعل ومرخصة وعايزين نسعرها لانها بتاع ورثه
انا بصراحة مش فاكرة شكلها لاني شوفتها زمان وانا صغيرة
ودي مواصفاتها اللي عارفاها
طيب ..
لو فيه حد من الورثة عنده هو شخصياً رخصة حمل سلاح سعر هذه الطبنجة هايكون قليل جداً
لأن رخصة الطبنجة لوحدها مش كفاية لازم يكون فيه رخصة للي هياخده.
وزي ما قولت اللي بيرفع السعر هو البيع غير القانوني وده طبعاً غير وارد لأن مسئوليته هاتكون كبيرة جداً على الورثة ..
مع العلم إن هذه الطبنجة الميري لن تسمح الداخلية لأي شخص من الورثة بحملها إلا في حالة واحدة فقط هي ..
ممارسة رياضة الرماية والحصول على كارنية الاتحاد المصري للرماية فقط ..
وفي كل الأحوال هذه الطبنجة سعرها لن يزيد عن 3 آلاف جنيه كأقصى حد ممكن يعني مش عايز أقول سعرها العادي أقل من 2000 جنيه..
وفي انتظار ردود بقية الزملاء لمن تعامل في هذا السوق هذه الأيام ويعرف الأسعار أكتر مني
ايه اللي بيحصل ده؟
الأخت نور بتسأل عن طبنجه وظرف ساعة يرد عليها خبير أسلحه. لأ اثنين!
الموقع عامر صحيح. :b4_388:
ايوة واحد صحبى معه واحد 9 ملى بردو بس بس مصنوع فى مصنع حلوان بس مش معه رخصه وهيبعو بـ2500
أنا حقيقة معلوماتى فى الأسلحة على قدها قوى.....
بس اللى أنا متأكد منه إن عيار 9 مللى هو أكثر عيارات الذخيرة انتشارا وسهولة فى ايجادها... وبالتالى طبنجات ال9 مللى هى النصيحة لكل من يريد ترخيص وشراء سلاح عشان ما يتعبش فى شراء الذخيرة - اللى بتبقى كميتها محددة فى الرخصة - وعشان ما تتعبش فى اعادة البيع.....
ووفقا للجدول رقم 3 الملحق بقانون الأسلحة والذخائر وهو الجدول الخاص بالأسلحة المششخنة الجائز وغير الجائز ترخيصها، فإن القانون لم يتخذ عيارالسلاح كأساس للسماح بترخيصه بقدر ما اتخذ لذلك كون السلاح أوتوماتيكى - لا يجوز بحال ترخيصها- أو كونه يطلق طلقة طلقة وهى الجائز ترخيصها ....
خلاصة القول عشان مطولش عليكى أنا معرفش فى مسألة التسعير دى أبدا.... لكن اللى متأكد منه انه يجوز ترخيص الأسلحة ال 9 مللى عادى جدا وبالتالى حتلاقى مشتريين دون صعوبة بإذن الله
حضرتك قصدك ان عمك معاه مسدس تاني ولا معاه نفس المسدس
لان اللي اعرفه انه اتلغي موضوع توريث الرخصه او السلاح ده من فتره
لازم بعد وفاه صاحب الرخصه بيتم تسليم السلاح ولا يجوز ترخيص سلاح علي سلاح يعني ميشيلش مسدسين برخصه واحده بيبدل او يبيع واحد ويثبت التاني علي الرخصه بالاجرائات القانونيه بتاعتهم
ثانيا اخر تعامل شوفته مع نوعيه ستار كان من حوالي 3 سنين وكان عامل 7000 جنيه بس كان تصميم جديد
لو نفس المسدس الي بحيازه عم حضرتك هو اللي دكتور احمد حاطط صورته فهو شبيه جدا بالحلوان وسعره مش حيكون غالي بالطرق الرسميه لان الحلوان من حوالي 5 سنين كان عامل 900 جنيه حنقول مع متغيرات السوق ممكن يكون وصل دلوقتي ل1500 او 2000 اضافه للاستعمال او لو المسدس محتاج صيانه وكل ده حيفرق في سعره
ولو الموضوع مش مستعجل ممكن اجيب لحضرتك السعر الرسمي ليه خلال يومين بالكتير لان الناس اللي اعرفهم في الموضوع ده مش متاحين دلوقتي
طب يا جماعه بما ان فيه خبراء اسلحه في المنتدي يا ريت يدونا فكره سريعه على انواع المسدسات علشان الموضوع ده بيستهوي ناس كتير بس مايعرفوش ازاي ينمو هوايتهم دي ويقدرو يعرفوا الانواع من بعضها .
كمان عاوز اعرف ايه هي في شروط الانضمام لاتحاد الرمايه المصري ونتعلم فين هوا بس نادي الصيد ولا مالهوش دعوه وفي مكان تاني
و كمان ايه هيا الشروط القانونيه لاصدار رخصه حمل السلاح لو حد يعرف ..
وشكراً
بسم الله ماشاء الله الموقع كله خبره
انا عندى مدفع هاون عاوز ابيعه حد شارى lol
على اد معلوماتى ان أفضل مسدس فى العالم هو ماجنوم الروسى و سعره أكيد معدى
المسدس بتاع المرحوم جدي وهو متوفي من زمااااااان
ومعرفش الاجراءات اللي عمي عملها ايه
بس الموضوع معاه رسمي وقانوني
وقبل وفاة المرحوم بابا كان بيتكلم معاه ان المسدس ورث وانه ياخد نصيبه فيه
انا كنت متوقعه ان المسدس اغلى من كدة بكتير
بس بالطريقه دي الموضوع مش مستاهل بصراحة
شكرا يا باشا على الاهتمام والرد
وفي انتظار ردك والموضوع مش مستعجل
والدى معاه ستار 9 مللى اسبانى من التمانينات ، تمنه كان حوالى من 3 سنين 2500 الى 3000 جنيه بس حاليا مش عارف متوسط سعره كام .
يا ريت يا جماعة محدش يفتى المجنوم يا استازى امريكى وليست روسى وافضل مسدس هو الكولت والبريتا
اما بلنسبة للمسدس المعروض فا سعرة يحدد بناء على حالتة
يعنى ازا كان دولاب الزخيرة سليم ومبيسخنش عند اطلاق 3 طلقات متعاقبة ولا يوجد انحراف فى زاوية النشينكان
لا اريد احباطك ولكن لن يزيد سعرة عن 1000 جنية
وارجو الى معندهوش فكرة عن السلاح مايفتيش
فيه كمان نادي الرماية للقوات المسلحة بالهرم ، وتقدر تنضم إليه كعضو مدني ، وبيصدر ليك كارنية الاتحاد المصري للرماية ، وله ثلاث فئات ..
ضغط الهواء (الرش )
الخرطوش
الرصاص .. لكن فيه محاذير على الرصاص في الانضمام إليه في النادي ، وأغلب الممارسين للرصاص هم ضباط الجيش والشرطة ..
ارجو أن أكون قد أفدتك