تحذير هام جداً من الموبايلات الصيني ... احذر الــSAR value المجهولة

**M.Osman** · 30-01-2009 03:08 AM

السلام عليكم ...

تحذير هام حبيت اني اقوله هنا للأعضاء الكرام

طبعا كلنا عارفين ان السوق المصري اصبح مليان موبايلات صيني مجهولة الماركة و مليانة كلام فارغ تليفيزيون ارضي و سماعات بتعمل ضوضاء مقرفة و مزيد من الإمكانيات اللى فى رأيي الشخصي "كلام فاضي ملوش اى لازمة"

طيب التحذير هنا من اية ؟

خضرتك لو فتحت اي كتالوج ( دليل مستخدم ) للموبيل من الشركات المحترمة زي نوكيا , سونى اريكسون , سامسونج , ... هتلاقى لازم فى قسم فى الكتالوج بيتكلم عن الـSAR (Specific Absorption Rate) و هى على حد علمى كمية الإشعاعات التى يصدرها الموبيل ... و تم الإتفاق على معايير لسلامة الإستخدام البشرى و هو ألا تزيد هذه القيمة عن 2 ( و بصراحة مش فاكر التمييز هنا اية ) و لذلك لازم تلاقى الشركات المحترمة موبيلاته ذات قيمة اقل من 2 دائماً ...

اقم بتصفح كتالوج لأى موبيل صينى و لن تجد اى معلومات عن الــSAR و دليل انهم لا يطابقوا المواصفات ان تم سحب كمية من السوق ( اية دا ؟؟ اول مرة احس ان فيه رقابة !! ) ..الكلام ده مش فاكر قرأته على موقع اية ...

رأيي المتواضع : لا داعى ابدا للموبيلات الـ اى كلام دى و خليك فى موبيل عادى او من ماركة محترمة يخدم احتاجاتك و سيبك من الكلام المجهول دا ...

بصراحة انا ابتديت اكره الشعب الصين من كتر المنتجات التعبانة اللى عمال يجيبهالنا ...

**ZAKI32** · 30-01-2009 03:41 AM

شكرا جزيلا على تنبيهك

فعلا انا شخصيا عايز اجيب عدة جديدة وخايف ومحتار

الاسوء من ذلك

دلوقتى ممكن تجيب استيكر مكتوب عليه السريال وصناعة كورى او صينى او فنلندى وتلزقها على ظهر العدة تحت البطارية

والغش شغال على ودنة

يارتنى مابعت ال 73 كان فنلندى اصلى

دلوقتى خايف لادبس فى الصينى مع العلم ان كله صينى

حتى ال n بجميع ارقامة

**M.Osman** · 30-01-2009 03:53 AM

حضرتك نوكيا عندها مصانع فى الصين و كوريا حاليا

ده غير فى فنلندا و المجر زي ما إحنا عارفين ...

الكلام هنا على الموبيلات الصينى المجهولة الماركة / التقليد ( طبعا التقليد بيكون واضح من السوفوير)

لكن الماركات العالمية متقلقش منها فى موضوع الــsar

تحياتي :)

**ahit** · 30-01-2009 05:48 AM

شكراً على التحذيز
جزاك الله خيراً

**elassar2010** · 30-01-2009 11:38 AM

المشاركة الأصلية كتبت بواسطة SuccessCre8or

حضرتك نوكيا عندها مصانع فى الصين و كوريا حاليا

ده غير فى فنلندا و المجر زي ما إحنا عارفين ...

الكلام هنا على الموبيلات الصينى المجهولة الماركة / التقليد ( طبعا التقليد بيكون واضح من السوفوير)

لكن الماركات العالمية متقلقش منها فى موضوع الــsar

تحياتي :)

هو فى تعقيب صغير بس انا اعرف ان الصين اشترت خطوط انتاج نوكيا جميع الموبايلات النوكيا صينى فقط المجرى والالمانى دة نصب انا سمعت الموضوع دة من اكبر محلات الموبايل يعنى النوكيا حاليا بقى صينى فقط
هل دة صح ولا المحلات بتشتغل الناس؟؟؟؟؟؟
انا معايا نوكيا صينى لفيت الدنيا علشان القى فنلندى قالولى مافيش الصين اشترت نوكيا

**tutankhamoun** · 30-01-2009 12:08 PM

المشاركة الأصلية كتبت بواسطة elassar2010

هو فى تعقيب صغير بس انا اعرف ان الصين اشترت خطوط انتاج نوكيا جميع الموبايلات النوكيا صينى فقط المجرى والالمانى دة نصب انا سمعت الموضوع دة من اكبر محلات الموبايل يعنى النوكيا حاليا بقى صينى فقط
هل دة صح ولا المحلات بتشتغل الناس؟؟؟؟؟؟
انا معايا نوكيا صينى لفيت الدنيا علشان القى فنلندى قالولى مافيش الصين اشترت نوكيا

أحنا أكبر شعب بيحب و يموت و يعشق الفتي و التأليف

البياعين أغلبهم منعدمين الضمير
المهم هو يبيع و خلاص و يقول اي كلام في اي كلام و الزبون يشرب

قال الصين أشترت نوكيا ؟؟؟؟؟؟؟؟؟
و حتى لو الصين اشترت نوكيا
ميقدروش يقفلوا مصنع فنلندا و على فكرة على حد معرفتي النوكيا مازالت مملوكة لفنلندا و الصين ملهاش في الموضوع

**MoToRiZeR** · 30-01-2009 01:23 PM

هو مش الصين إشترت نوكيا (فيه حاجة إسمها كدة أصلا!؟) .. نوكيل عملت مصنع في الصين .. و هو اللي بيجيلنا الإنتاج منه .. فا كل النوكيا اللي في مصر بقي صيني .

**M.Osman** · 30-01-2009 01:28 PM

Nokia Nseries is made in china for the middle east

Eseries is made in Korea for the middle east

Finnish-made models are only for the EU market now

و الله مش فارقة المهم الماركة و الــSAR زي ما قلت

**elassar2010** · 30-01-2009 02:47 PM

المشاركة الأصلية كتبت بواسطة tutankhamoun

أحنا أكبر شعب بيحب و يموت و يعشق الفتي و التأليف

البياعين أغلبهم منعدمين الضمير
المهم هو يبيع و خلاص و يقول اي كلام في اي كلام و الزبون يشرب

قال الصين أشترت نوكيا ؟؟؟؟؟؟؟؟؟
و حتى لو الصين اشترت نوكيا مقال
ميقدروش يقفلوا مصنع فنلندا و على فكرة على حد معرفتي النوكيا مازالت مملوكة لفنلندا و الصين ملهاش في الموضوع

بس الى قايلى كدة موظف فى i2 هو احتمال الى بينزل مصر حاليا هو انتاج الصين فقط زى موترايزر

**tutankhamoun** · 30-01-2009 02:56 PM

المشاركة الأصلية كتبت بواسطة elassar2010

بس الى قايلى كدة موظف فى i2 هو احتمال الى بينزل مصر حاليا هو انتاج الصين فقط زى موترايزر

مصانع العالم كله عندها مصانع تجميع في كل مكان في العالم
و موظفين I2 أو موظفين أي شركة تانية أو البايعين في مكان في أي حتة في مصر
أكبركدابين لما الموضوع يتعلق بالأجهزة و مواصفاتها
و عندك مثلا البياعين في المصرية لبيع السيارات
معلوماتهم عن العربيات زي معلوماتي عن المفاعل النووي
أن العربية بتمشي على أربعة عجلات ....... إنما أسأل على أي معلومة فنية
هاتلاقي الفتي و التأليف أشتغل
و نفس الكلام بينطبق على بياعين التليفونات

الموضوع: تحذير هام جداً من الموبايلات الصيني ... احذر الــSAR value المجهولة

LinkBack

أدوات الموضوع

عرض

-

-

-

-

المواضيع المتشابهه

الموبايلات الصيني وعلاقتها بالسيارات الصيني

احذر من الصيني اختبارات التحطم مهم للغايه

احذر من الصيني اختبارات التحطم مهم للغايه

احذر من الصيني اختبارات التحطم مهم للغايه

احذر من الصيني اختبارات التحطم مهم للغايه

الكلمات الدلالية لهذا الموضوع

المفضلات

المفضلات

ضوابط المشاركة