الموضوع: مدى اعتمادية توكيل البروتون فى التصليح

السلام عليكم يا أستاذ بدري
بص يا باشا
التوكيل في الوقت الحالي هو متوسط فقط في التصليح يعني مش ممتاز
و أعتقد أن أغلب توكيلات مصر كدا
بالنسبة لي ....... تجربتي معاهم مفيهاش مشكلة خالص و الحمد لله
إنما أنا بتكلم عن متوسط الشكاوى و احساسي بالتوكيل لما بروح هناك.
هما مشكلتهم الأساسية هي الزحام
علشان كدا فيه شوية تطورات هاتحصل قريب إن شاء الله هناك
زي
المفروض أن سيتم اضافة عدد 6 روافع للخدمة السريعة علشان الناس اللي معندهاش مشاكل و اللي جاي يغير زيت أو يربط عفشة و الكلام ده
و فيه كمان مركز التصليح الجديد خلف القرية الذكية و ده هايكون أفضل من القديم مع استمرار و تطوير القديم .

فيه طبعا تطوراات كثيرة هاتحصل ........ و إن شاء الله هاتحصل ( إنما امتى ؟؟؟؟ ) دي في علم الله
كلام الناس في التوكيل على نص 2009 .........
بروتون نفسها بتضغط على عز لتحسين الخدمة و بناء المراكز الجديدة و هما مهتمين قوي بمصر علشان مصر بالنسبة لبروتون سوق قوي و من أقوى أسواقها في العالم مع السوق الانجليزي من ناحية عدد السياات المباعة ده طبعا بخلاف ماليزيا نفسها اللي هي فيها أكبر مبيعات للشركة و معاهم تايلاند على ما أعتقد .

لو العربية عاجباك ........ العربية تستاهل و ممتازة و التوكيل مش وحش و التطورات جاية إن شاء الله
أنزل التوكيل و جرب و أسأل بنفسك و شوف بعينك ( أنزل فرع الصحراوي )
و ربنا يوفقك للأفضل

انا بصراحة لسة ما اشترتش العربية و أجلت قرار الشراء لغاية ما الاسعار تنزل.
لكن من مشاركات الأعضاء و تتبعي لوضع العربية و التوكيل، سمحت لنفسي بالتصويت و ابداء الرأي، انا اخترت قبل الأخير 30-50% و كان الاختيار ده سببه الارتفاع الفاحش في تمن قطع الغيار في التوكيل، و ده اللي هيخليني في حال امتلاكي لعربية بروتون ما اعتمدشي على التوكيل خالص إلا في أول 5000 كيلو او 10000 بالكتير قوي أو لا قدر الله في الشديد القوي بمعنى إنه لا يمكن إن يكون فيه أي حل علشان تبقى عربيتي اسمها عربية الا بمرواحي للتوكيل.

المشاركة الأصلية كتبت بواسطة semsem2803

انا بسمع ان فى مركز صيانة احسن من التانى الكلام دة صح ولا لأ
ارجو الافادة

من غير ما اعرف التفاصيل و الحقائق، الكلام ده و انت مغمض لازم يبقى صح. هتقول ليه؟

ببساطة علشان أغلب الشركات و الوكلاء في أي حاجة في مصر، ينقصها النظام System يعني ما فيش نظام محدد معروف المعالم الشركة دي بتمشي عليه وده بيخليهم يفتقروا إلى السياسات Policies يعني ما فيش إجراءات معتمدة و خطوات معروفة للتعامل مع مجريات و متطلبات الشغلانة اللي بيعملوها و بيبقى الموضوع في الغالب معتمد على أشخاص بصفتهم الشخصية و ليس الاعتبارية، زي موضوع تكلم المهندس آمر في التوكيل، يعني كل حاجة حلها مرتبط بالمهندس آمر، يعني لو المهندس آمر غاب في يوم من الأيام أو ساب الشغل هتبقى كل حاجة بوظة و موش هتوصل الى حاجة.