تعمل اية لو صحيت الصبح وملقيتش عربيتك!!!

**ahmedkafas** · 30-01-2009 01:51 PM

تعمل اية لو صحيت الصبح وملقيتش عربيتك؟؟؟
دة موضوع حصل معايا

انا صحيت الصبح علي صياح زوجتي
ان عربيتها مش موجودة اما العمارة

بالمناسبة هي عربية 128 موديل 79

المهم
حاولت ادور عليها حول البيت يمكن تكون هي ركنتها في مكان تاني وناسية
ولا الهوا
توجهت الي نقطة شرطة المنتزة الموجودة امام باب المنتزة
ابلغني العسكري الموجود انه ما يقدرش يعمل حاجة ومن الضروري التوجة الي قسم المنتزة في فيكتوريا
وهناك ما لقيتش اي حد مهتم
ولما زعقت واتخانقت وصلوني لمكتب المسؤول عن سرقة السيارات جنابة كان نايم ومانع اي حد يصحية
اخيرا عمل محضر بمواصفات السيارة ومكان وقوفها ووعد انه هيعمل اللازم
وخرجنا من عنده مش مقتنعين بانه هيعمل حاجة
ورحت انا ادور عليها لفيت عليها كل حتة ممكن انا تكون مرمية فيها خصوصا انه مافتش علي السرقة الا ساعات قليلة
وتاني يوم الصبح واثناء البحث عنها لمحتها زوجتي وعليها المشمع بتاعها اخد منها الكاوتش والكاسيت والاستبن وفيها اثار زجاجات( خمر ) فارغة
وهوسابها بيتهيئلي انه بيرجع لها تاني كل مرة يشيل منها حاجة ابلغت الشرطة اني عثرت علي السيارة كنت فاكر ان حد بيجي يعاين ويرفع البصمات مثلا لكن كنت واهم نسيت اني في مصر
قالولي هتها وتعالي امري لله جبت اربع فرد وجنوط ووديتها للقسم
ولكن المفاجئه الاكبر ان المحضر اللي كنت فاكر
اني عملته طلع فطشه امريكاني
عملوة بس علشان يمتصوا غضبي وبعد ما مشيت قطعوه
حسبي الله ونعم الوكيل
الحمد لله رجعت والحسائر بسيطة

**NaviGator_13** · 30-01-2009 02:04 PM

انا لو منك كنت روحت نمت تانى هههههههههههههههههههه
ياباشا الحمدلله انك لاقيتها

**MohaMed_Refaat** · 30-01-2009 02:05 PM

الحمد الله على رجوع العربية المال الحلال بيرجع لصاحبة ...
وانت كنت سايبها مفتوحة ولا الحرامى فتحها ازاى الشرطة اصبحت منظر فى مصرنا اصبحت فى خدمة بعض الناس وليس كل الناس بلد عايزة الحرق والله
على راى محمد الحلو عارفين اية اللى حيعدلها هدها وابنى من اولها .

**Mohamed_Ibiza** · 30-01-2009 02:37 PM

الحمد لله على سلامتك وعلى رجوع السيارة

ولا يهمك ياباشا

يبقى انت اكيد في مصر

**ahmedkafas** · 30-01-2009 02:40 PM

المشاركة الأصلية كتبت بواسطة mooody2007

الحمد الله على رجوع العربية المال الحلال بيرجع لصاحبة ...
وانت كنت سايبها مفتوحة ولا الحرامى فتحها ازاى الشرطة اصبحت منظر فى مصرنا اصبحت فى خدمة بعض الناس وليس كل الناس بلد عايزة الحرق والله
على راى محمد الحلو عارفين اية اللى حيعدلها هدها وابنى من اولها .

لا والله كانت مقفولة
بس انت عارف 128 بتتفتح باي شيء

**Fadi Ezzat** · 30-01-2009 02:41 PM

المشاركة الأصلية كتبت بواسطة ghalasa

الحمد لله على سلامتك وعلى رجوع السيارة

ولا يهمك ياباشا

يبقى انت اكيد في مصر

+11111111111

**ahmedkafas** · 30-01-2009 02:43 PM

المشاركة الأصلية كتبت بواسطة NaviGator_13

انا لو منك كنت روحت نمت تانى هههههههههههههههههههه
ياباشا الحمدلله انك لاقيتها

لو عربيتي كنت رحت نمت بس دي عربية الحكومة ومش هتسيبني انام

**Mina W** · 30-01-2009 02:43 PM

الحمد لله انك لقتيها و ربنا ستر لازم تركب انذار و تغطى العربية كل يوم علشان تصعب الحكاية بس هو ربك اللى بيستر لا حكومة و لا بوليس

**rockana9112007** · 30-01-2009 02:45 PM

بس موضوع انهم معملولكش محضر الا فى الاخر دة مصيبة .كدة كان ممكن يضيعو حقك .كنت لازم تشتكيهم ياباشا فى المديرية

-

الموضوع: تعمل اية لو صحيت الصبح وملقيتش عربيتك!!!

LinkBack

أدوات الموضوع

عرض

تعمل اية لو صحيت الصبح وملقيتش عربيتك!!! - انشر الموضوع فى :

-

-

-

-

-

-

-

المواضيع المتشابهه

تعمل ايه لو صحيت يوم وقريت الخبر ده ...

تعمل إيه يا لو صحيت الصبح لقيت عربيتك كده ؟

لو زقيت عربيتك الصبح قبل كده ..ساعدوني بالله عليكم

تعمل ايه لو صحيت من النوم ملقتش عربيات ؟!

بتسخّن عربيتك الصبح ولّا لأ ؟

الكلمات الدلالية لهذا الموضوع

المفضلات

المفضلات

ضوابط المشاركة