محورna العباسية-مدينة نصر-->التجمع-الطريق الدائري

**waterhammer** · 30-01-2009 03:48 PM

الطريق ده بيمشي فيه ألافات العربيات كل يوم متوجه من مدينة نصر أو العباسية إلى التجمعات أو المعادي أو الدائري عموما
وكل يوم فيه حوادث شكل

مشاكله:

1-أهم واحده الإنارة مش عارف إيه مشكلة النور في الطريق ده في ناس بتقول علشان يمينه و شماله جيش الله أعلم هما الكام شهر الي فاتو ركبو أعمدة إنارة في الجزيرة الي في النص مش على جنبين الطريق يوم تنور و عشرة لأ طبعا حل المشكلة واضح

2- عديمي الضمير الي بيرمو طوب و رمل في نص الطريق يوصل في بعض الأيام إنه يقفل حارة كاملة ضيف على ده الظلام و تخيل واحد بيطلع من على اليمين و بعض الأحيان على الشمال كمان

3- الملفات على الطريق غير محمية رغم إنه سريع جدا والجزيره الي في النص عريضه وتسمح بعمل U-turn محمي علشان تلف وتاخد سرعتك براحتك قبل متنزل في عرض الطريق

4-الU-turn الي قدام مدافن الزبالة في تريلات وعربيات نقل ضخمه (تابعه للشركة المسئوله عن نظافة القاهرة الأبيض في أخضر معرفش إسمها إيه) بتخده في المخالف غالبا كلهم بيعملو كده وهمه خارجين من المدفن
حلها يتقفل الملف ده ويلف من أول ملف في الطريق السليم ممكن نشتكي في الشركة بس ده هيرجعنا لمشكلة اليوترنات بس أهون من عربية نقل جايه في وشك وانت ماشي بسرعة(يحدث يوميا)

5-الحد من السرعه على الطريق 90 أو 100 بالكتير جدا عمل لجنة دايمه عليه وردار زي طريق العين السخنة كده

6-فيه أخوة مجانين لما الطريق بيتزحم أو يقف علشان حادث بيروح داخل الطريق المخالف لحد أول ملف بعد مصدر الزحام عملا بمبدأbypass the obstruction وغالبا بتبدأ بوحد مجنون وتنتهي بمئات لسه شايفها إمبارح بدل مايتعظ من الحادث الي قدامه

الطريق عموما مفهوش أي تواجد للمرور عليه وعمري مشفت عليه لجنة أنا باخدة على الأقل مرتين يوميا في كل المواعيد بحكم محل السكن مره واحده في خلال 3 سنين كان في لجنة مباحث مش مرور!!!

عايزين نوصل الموضوع للمسئولين زي ما حصل في موضوع شارع جسر السويس و أي حد عنده إضافة يتفضل

**ahmed1981** · 04-02-2009 12:57 AM

شكراً على هذا المجهود
الحقيقة هذا المحور كان حكاية مع بداية إنشاؤه سنة 1993 تقريباً
وكان الحديث عن أهميته وجدواه يملأ الدنيا
وأنفق عليه الملايين

وبعد إفتتاحه تم تسليمه إلى الفوضى مباشرة
كأنه لم يكلف الدولة الملايين
واللصوص المجرمين بدؤا بإلقاء مخلفات البناء والحفر على جانبيه وكأنه مقلب عمومي
والحكومة لا تهتم أبداً
ورغم أن الجيش يحيطه من الجانبين إلا أنهم لا يهتمون به أبداً

المهم أن أهم نقطة هي حمايته من المخلفات وهذه مسؤولية الشرطة والمحافظة والأحياء بمدينة نصر

ربنا يسهل ويسمع هذا الطلب وتبدأ صيانة هذا الطريق

**د./اليشع ثابت** · 04-02-2009 04:55 AM

المشاركة الأصلية كتبت بواسطة ahmed1981

شكراً على هذا المجهود
الحقيقة هذا المحور كان حكاية مع بداية إنشاؤه سنة 1993 تقريباً
وكان الحديث عن أهميته وجدواه يملأ الدنيا
وأنفق عليه الملايين

وبعد إفتتاحه تم تسليمه إلى الفوضى مباشرة
كأنه لم يكلف الدولة الملايين
واللصوص المجرمين بدؤا بإلقاء مخلفات البناء والحفر على جانبيه وكأنه مقلب عمومي
والحكومة لا تهتم أبداً
ورغم أن الجيش يحيطه من الجانبين إلا أنهم لا يهتمون به أبداً

المهم أن أهم نقطة هي حمايته من المخلفات وهذه مسؤولية الشرطة والمحافظة والأحياء بمدينة نصر

ربنا يسهل ويسمع هذا الطلب وتبدأ صيانة هذا الطريق

اية المعلومات الجميلة دى يا بشمهندس / احمد
بارك الله فيك
و معلومة حلوة بجد
و ربنا يصلح حال البلد امين يارب

**mahamedaraby** · 04-02-2009 07:20 AM

بجد هما ليه ما يعملوش مبدا ان الحى اللى يلقوا فيه مخلفات بناء او زباله فى شوارعه

رئيس الحى يتشال من منصبه وكمان رئيس النظافه فى الحى

كان المصرى اليوم عامل حمله زى كده وكاتب ارقام تليفونات للتبليغ عن الاحياء المخالفه

اصل بجد المسائله مش محتاجه ذكاء انت مسئول على ان يكون الحى بتاعك سليم ومش مخالف وده واجبك

واللى بيحصل عكس كده يبقى انت مش اد الوظيفه دى تروح لحد تانى يكون اد المسئوليه

والله لو الموضوع ده اتطبق صح مش هتلاقى حى واحد فيكى يامصر فيه مقلب زباله او طريق مش نضيف او مش منور

يارب حال البلد دى تنصلح يارب

**waterhammer** · 07-02-2009 01:22 PM

بالنسبة لموضوع النور انا كنت عامل البوست ده من فترة و إتشغلت و منزلتوش
الإنارة على الطريق اليومين دول أحسن من زمان بس غالبا بيبقى فيه جزء من الطريق مش منور (الإنارة في النص فقط)

أما الي بيرمو طوب ورمل في وسط الطريق فدول ربنا هيجحمهم بإذن الله زي ما دخل الجنة الراجل الي شال الأذى من وسط الطريق !!

**blue_1177** · 19-02-2009 03:47 PM

شكرااااااااااااا

**waterhammer** · 07-03-2009 03:48 PM

عفواً !!!!

الموضوع: محورna العباسية-مدينة نصر-->التجمع-الطريق الدائري

LinkBack

أدوات الموضوع

عرض

-

-

-

المواضيع المتشابهه

خبر عاجل-استمرار اغلاق نفق التجمع على الدائري

لعنة الطريق الدائري مازالت تطاردنا ، حادث جديد على الدائري.القطامية

انقلاب تانك بنزين داخل نفق التجمع يغلق الدائري

ازاي اروح التجمع الخامس من الدائري من عند شبرا الخيمه ؟

من التجمع الخامس الي العباسية

الكلمات الدلالية لهذا الموضوع

المفضلات

المفضلات

ضوابط المشاركة