الحقونى اعمل ايه

**معاذ الشرباصى** · 21-08-2007 04:44 PM

ربنا يعوض عليكم يا عبد المجيد

شركة التأمين لو مدخلتش العربية total loss يبقى على اقل تقدير هتصلحها, امال ايه لازمة التأمين!!!!

انت ممكن لو دفعوك مصاريف اهلاك او حاجة ساعتها تتحاسب مع الدكتور ده (اللى ربنا يكون فى عونه فى مصيبته)

**Hossam Mounir** · 21-08-2007 05:00 PM

كان الله فى عونك يا أستاذى الفاضل ...حقيقى مشكلة ... وربنا يعزى الراجل اللي فقد مراته ...

خلى بالك فيه مشكلة جامدة جداً ... هتواجهك ... ممكن يكون فى بند من بنود التأمين ... تمنع انك تؤجر العربية ... يعنى بالبلدى كدة ... لو شركة التأمين عرفت أن العربية كانت متأجرة ساعة وقوع الحادث ... هتبقى مشكلة كبيرة ... ويمكن يرفضوا يدفعوا أى مصاريف ... فحاول تقرأ عقد التأمين كويس وتأكد من وجود هذا الشرط من عدمه ... على كل الأحوال ... حاول ما تجبش سيرة موضوع التأجير ده نهائي ...

وانا أسف لتدخلي المزعج بس قلت يمكن تحذيري ده يفيدك ...

واخيراً ... أستعوض ربنا ... فى اللى حصل ... وربنا يديم سلامة الجميع ...

م / حسام منير

**محمد ابراهيم 1** · 22-08-2007 09:56 AM

هل العربيه معروف لشركه التأمين إنها بتتأجر ولا لأ
أعتقد إن العربيه بالحاله اللى إنت بتقول عليها دى حتدخل هلاك كلى ويعوضوك عن تمنها وبعدين بياخدوا هما العربيه
ثانيا ّا شركه التأمين دفعت لك قيمه العربيه يبقى تسامح الراجل فى الباقى (اللى هو قيمه الايجار لحد ماتستلم فلوسك) وكفايه اللى هو فيه
وربنا إن شاء الله يعوض عليك فى الباقى
وبالمناسبه أحب أشكرك على موقفك مع الراجل إنك عزيته وسبت له عربيتك اللانوس ده كرم كبير
ربنا يجازيك خير عنه

**Nader** · 22-08-2007 02:27 PM

اهم حاجة اية اللي اتكتب في المحضر؟؟، لو ذكر في المحضر ان السائق هو السبب في الحادث يبقي هتتعب اوي مع التامين.

**معاذ الشرباصى** · 22-08-2007 05:23 PM

انا اتفق مع الاخوة فى موضوع التأجير دة لأن لو الشركة عرفت ان العربية متأجرة يبقى مش هتطول منهم حاجة .

ليه يا جماعة؟

هو مش فى شركات تأجير عربيات بتأمن على عربياتها؟

هما مكتب تأجير رسمىغ, يعنى مش من الباطن او كده

**محمدايهاب** · 22-08-2007 05:45 PM

لأ طبعا انا مش معاك يا أستاذ خالد أنا مع معاذ إزاي أكيد شركة التأمين عارفة أنها شركة تأجير عربيات

اعمل ايه علشان الجمعيه تدخلى العربيه total lost ؟

بص الجمعية الأهلية مش هي المخولة إنها تحدد العربية total loss و لا لأ مفروض ان مركز صيانة التوكيل هو إلي بيحدد و التأمين ما عليه غلا أنه يبعت مهندس علشان يعاين و يأكد الكلام او ينفيه و في حالة النفي التأمين مطالب أنه يصلح العربية ( بس أنا أعتقد أن بالحالة إلي انت بتتكلم عنها العربية كده total loss أنا شفت افنسيس القوايم الخلفية كانت معوجة و العامود ألي بيوصل العجل مكسور عالطول كانت total loss )

واعمل ايه مع الدكتور الى كان ماجر العربيه ؟

زي ما أنت عملت بالطبط أصبر عليه خاصة انه راجل محترم و في أزمة و كمان أنت في أيديك شيك على بياض يعني حقك محفوظ
و المفروض ان حضرتك تجري وراء التأمين أولا قبل أما تتحاسب مع الراجل

**Hossam Mounir** · 22-08-2007 06:06 PM

يا جماعة؟

هو مش فى شركات تأجير عربيات بتأمن على عربياتها؟

هما مكتب تأجير رسمىغ, يعنى مش من الباطن او كده

بص يا دكتور معاذ ...بصوا يا أخونا ... حسب ما انا فهمت من الأستاذ صاحب المشكلة ... أنه بيأجر العربية مع نفسة ... لناس هو واثق فيهم ... يعنى العربية لا تتبع شركة تأجير سيارات ... يعنى العربية متأمن عليها بأسم صاحبها مش بأسم شركة لتأجير السيارات ... وهذا شرط بيكتب فى وثيقة التأمين نصه كالأتي :

" من المعلوم والمتفق عليه ان السيارة المؤمنة بالوثيقة عالية خصوصي وليست مؤجرة . وفى حالة وقوع حادث وثبوت ان السيارة تم تاجيرها للغير فالشركة غير مسئولة عن تغطية الحادث وتلغى الوثيقة فى حينه مع عدم رد أية رسوم للمؤمن له "

بناءاً عليه انا سئلته ... هل يوجد هذا الشرط فى الوثيقة ولا لأ ... وما فيش داعى أنه يذكر أن العربية كانت متأجرة ...

بس طبعاً ... ربنا يسترها من المحضر اللى أتكتب ... وما جاء به ... وربنا يسترها علينا جميعاً ...

تحياتى للجميع ...

م / حسام منير

**معاذ الشرباصى** · 22-08-2007 06:13 PM

م/حسام منير

analyzer هو استاذ عبدالمجيد سالم

انا اجرت منهم عربية الاسبوع اللى فات

و كنا عاملين عقد ايجار و كل حاجة

هما عندهم مكتب تأجير سيارات فى بنها

علشان كده انا بتكلم انهم مكتب تأجير

لكن و هو مأمن على العربية هل ذكر فى الوثيقة انها للايجار و لا لأ, معرفش اكيد

**Hossam Mounir** · 22-08-2007 06:28 PM

يا د/ معاذ
الراجل بدأ المشاركة ...

لانسر 2007 اتوماتيك نبيتى

دى عربيتى كنت ماجرها لواحد محترم

ففهمت انها عربيته الملاكي ... فعلاً ... ومكنتش اعرف أنه صاحب شركة لتأجير السيارات ... على العموم ... أعتقد أن شركات تأجير السيارات ... لها وثيقة تأمين مختلفة ... والله اعلم ...

شكراً على التوضيح ...

م / حسام منير

-

الموضوع: الحقونى اعمل ايه

LinkBack

أدوات الموضوع

عرض

-

-

-

-

-

-

-

-

المواضيع المتشابهه

اعمل ايه موبايلي اتسرق الحقونى؟؟؟

نقط لاكية على السقف اعمل اية الحقونى

الحقونى موبيلى اتسرق اعمل ايه ؟؟؟؟

الحقونى فول بنزين 80 مش 90 فى النوبيرا اعمل اية

انا عاوز اعمل عده صوت الحقونى

الكلمات الدلالية لهذا الموضوع

المفضلات

المفضلات

ضوابط المشاركة