الحقونى اعمل ايه

**analyzer** · 21-08-2007 11:29 AM

لانسر 2007 اتوماتيك نبيتى

دى عربيتى كنت ماجرها لواحد محترم جدا كان رايح شرم الشيخ هو وزوجته وقبل شرم الشيخ بحوالى 80 كم عمل حادثه ( بعد طور سيناء ) عمل حادثه

اصطدم بسيارة نقل من الخلف كانت واقفه بجانب الطريق وهو بيعدى من نقل اخر امامه

دمر نصف العربيه الامامى
زوجته توفت من الصدمه وهو الايرباج فتح وحماه وخرج سليم

العربيه محتاجه تغير نص امامى ( الكبوت بالحوض بالموتور بالسدر لحد الطابلوه مدمر وطبعا السقه لحد النص بالقوايم الاثنين الاماميين معووجين والى فى الخلف ملووحين )

المصيبه بقى : العربيه جايبها قسط من البنك ومتامن عليها فى الجمعيه المصريه
والراجل فى حاله ربنا يقويه

اعمل ايه علشان الجمعيه تدخلى العربيه total lost ؟
واعمل ايه مع البنك ؟
واعمل ايه مع الدكتور الى كان ماجر العربيه ؟

**إسلام شاهين** · 21-08-2007 11:36 AM

لاحول ولا قوة لإلا بالله العلي العظيم ربنا يكون في عونك ويقويك أنا عن نفسي لو مكانك هاشوف التأمين الأول هينفع ولا لأ وبعدين لو مانفعش هرجع على اللي كان سايق العربية هتعمل إيه يعني ؟؟؟؟؟؟؟؟؟؟

**Hossam_Hassan** · 21-08-2007 11:37 AM

شوف التأمين هيدفع كام و الباقى ملزم به الدكتور, اما البنك فلازم تدفع اقساطه, و ربنا يعوض عليك

**أبو عبدالله** · 21-08-2007 11:39 AM

لا حول ولا قوة الا بالله

ربنا معاك

**analyzer** · 21-08-2007 11:40 AM

هعمل كتير معاه
1- فى عقد ايجار فيه بند يلزمه بدفع ثمن العربيه كاملا
2- ماضى وباصم على وصلين امانه على بياض
المهم ان الراجل محترم ومقدم النيه الحسنه وعارض فلوس بس انا قلتله لما تخلص الظرف بتاعتك دى وتخلص ايام العذاء نبقى نقعد نتحاسب وعرضت عليه عربيه لانوس كانت معايا ياخدها يخليها معاه لحد مايفوق من العزاء . وبعدين عزيته ومشيت

**analyzer** · 21-08-2007 11:42 AM

بولسة التامين قيمتها 102 الف جنيه
تفتكرو هيدفعوهم كاملين ولا ايه الى ممكن يحصل

**محمد المشد** · 21-08-2007 11:53 AM

اولا : البقاء لله
ثانيا: فعلا الرجل اللى كان مؤجر منك رجل محترم لانه فى ظرف صعب ومع ذلك عرض فلوس عليك كان الله فى عونة وقواة للظروف الصعبة التى يمر بها
ثالثا: لابد وان تحاول مع شركة التأمين ولا تتركهم حتى ترحم هذا الرجل الملكوم فى زوجتة
واخيراً كان الله فى عونكم انتم الاثنان ومرر الله تلك الظروف عليكم بسلامة وامان

**mohamed_88sk** · 21-08-2007 12:20 PM

لا حول ولا قوة إلا بالله . إنا لله وإنا إليه راجعون ..
الله يعينك ويعين الدكتور على ما أصابكم ..
عن نفسي زي ما قال اللأستاذ/محمد المنشد
وتشوف الأول الشركة وتفضل وراهم .. لا قدر الله معرفتش تخلص معاهم في أكتر من كده . يا إما الدكتور يدفع الباقي يا إما تساعده في الباقي ..
ربنا يسلم ويكن في العون إن شاء الله ..

**memo_hefnawy** · 21-08-2007 01:07 PM

قدر الله و ما شاء فعل

التأمين ملزم متقلقش بدفع لك البوليصه كاملة - بيتخصم منها حبة حاجات فى حدود 10000 جنيه لحد 15 ألف إنت و شاطرتك معاهم لأن بيخصم منها حق الإنتفاع و بيحسب القيمة الحالية ليها لو إتباعت قبل الحادث يعنى لو كانت تجيب 90 يبقى هايحسبلك 90 وهكذا

والراجل المؤجر محترم و الحمد لله إنها جت على قد كده

**Abouelela** · 21-08-2007 02:36 PM

اصطدم بسيارة نقل من الخلف كانت واقفه بجانب الطريق وهو بيعدى من نقل اخر امامه

أولا .. البقاء لله .. وربنا يعوضك كل خير ..
بس أنا قلقان قوى من شكل الحادثه .. دى .. فهل التأمين يغطي خطأ السائق كمان وألا إيه ..لأن المحضر ده شكله جايب الغلط علي السواق .. فأهم حاجه أنك تراجع شركة التأمين ..علي الأقل علشان تخف علي الراجل .. وربنا يعينك ويعينه .. وييسر الحل .. ولله الأمر من قبل ومن بعد ..

الموضوع: الحقونى اعمل ايه

LinkBack

أدوات الموضوع

عرض

-

-

-

-

-

-

-

المواضيع المتشابهه

اعمل ايه موبايلي اتسرق الحقونى؟؟؟

نقط لاكية على السقف اعمل اية الحقونى

الحقونى موبيلى اتسرق اعمل ايه ؟؟؟؟

الحقونى فول بنزين 80 مش 90 فى النوبيرا اعمل اية

انا عاوز اعمل عده صوت الحقونى

الكلمات الدلالية لهذا الموضوع

المفضلات

المفضلات

ضوابط المشاركة