يا جماعة انا عندى جراج خاص بركن فى عربيتى وعربية واحد صاحبى طبعا الجراج الخاص ليية مميزات كتيير كفاية انك تكون مطمن ان عربيتك فى امان وتحب تخرج لما تحب فى اى وقت (كنت بجرج قبل كدة فى جراج عادى وكنت لما احب اطلع بدرى لازم اقول للسايس اليوم اللى قبلية ) المهم انا اليومين دوول كل لما احب اطلع او ادخل الجراج اللاقى عربية راكنة وسدا باب الجراج الموضوع دة حصلى مرتين
اول مرة كنت رايح اركن العربية لقيت واحد راكن وقافل باب الجراج قعدت بتاع ساعة لغية لما بدات انا و صحابى نحاول نفتح العربية باى طريقة لغاية لما لقيت واحد واقف فى بلكونة وبيقولى انتو بتعملو اية فى عربيتى انا شايفكم من ساعتها طبعا انا كنت ساعتها :_Alshmokh08[1]: المهم الراجل نزل علشان اعرف ادخل الجراج
تانى مرة كنت رايح اطلع بالعربية لقيت واحد برضة راكن قدام باب الجراج قعدت برضة بتاع نص ساعة بدور على صاحبها لغاية لما زهقت روحت منيملة عجلتين ومشيت وقضيت مشاويرى بعربية واحد صاحبى (مع العلم انى كاتب على باب الجراج ممنوع الوقوف جراج خاص )
دلوقتى انا عاوز اعرف اعمل اية علشان محدش يركن قدام الجراج لانى ممكن احتاج العربية فى وقت متاخر اعمل اية انا ساعتها وممكن اكون محتاجها ضرورى
يا ريت حد يقولى اعمل اية