فلتر البنزين في الصني

**khaleel** · 30-01-2009 05:56 PM

لو حد يعرف فين فلترالبنزين في الصني ياريت يقولنا هوا فين

**mony10** · 31-01-2009 11:48 AM

فلتر البنزين موجود تحت الكرسي الخلفي لما تشيله هتلاقي غطاء تحت منه في النص معدي منه ضفيره الغطاء دا متثبت بثلاث مسامير بلاستيك بيتفك بسهوله هتلاقي تحت منه التنك على طول وفي النص هتلاقي المضخه داخل فيها ضفيرة الكهرباء وخرطوم بنزين متثبتين بست مسامير سهل الفك أيضاً المضخه تحتوي على فلتر البنزين والعوامه الخاصه بمؤشر البنزين ونصيحة لوجه الله من مجرب اوعى تيجي جنبها او جنب الفلتر بالذات لأن هيخلي العربية ماتدورش ولو دارت مش هتلاقي أي عزم في العربية وهتسمع صوت زي الشلال جاي من الخلف

**tata12001** · 31-01-2009 12:09 PM

bos ana et2aly fe el tawokeel en el sunny mn 2007 le 7ad delwa2ty mafehash Filter banzeen , wa el Tiida bardo keda wa el kalam da mn beta3 el mabi3at ely fe el tawokeel en malhash filter banzen

**khaleel** · 03-02-2009 02:28 AM

علي فكره انا فكيت الطلمبه وملقيتش اي فلتر جواها

**mony10** · 03-02-2009 12:56 PM

استاذ خليل لما فكيت المضخه كانت عباره عن اسطوانه بيضاء كبيره هي دي الفلتر وكان جواها في الوسط المضخه وهي حجمها بيكون صغير ونازل منها من فوق العوامه كل دا في قطعه واحده داخل التنك تحت الكرسي الخلفي الكلام دا بالنسبه لموديلات 2004 فما فوق

**U600** · 03-02-2009 08:19 PM

ازيكوا يا جماعة انا بس عايز اعرف ازاى مافيش فلتر بنزين انا معايا نيسان صنى سوبر صالون 2007 انا حاسس فيها كدة انها مكتومة شوية فى المشى مش عارف لية انا عامل 23000 كيلو انا فكرت فى البطارية كشفت عاليها زى الفل الحمد لله فا فكرت فى فلتر البنزين و احنا اصلنا هنا البنزين بتاعنا وحش اوىىىىىى فا بس عايز اعرف هيا فعلا مافيهاش فلتر بنزين بس ماينفعش اصلا ياجماعة امال البنزين دا بيتنقا ازاى بس معنا كدا لو زى ما حضرتكو قلتو ....البنزين بيخش على الموتور على طول و دا غلط العربية هتبوظ عشان احنا البنزين عندنا وحش و كلو شوائب غايز بس اعرف العربية عندى مكتومة لية لو حد حصل معا كدة يقول لى لو سمحتو

**ashrsy** · 03-02-2009 09:22 PM

المشاركة الأصلية كتبت بواسطة U600

ازيكوا يا جماعة انا بس عايز اعرف ازاى مافيش فلتر بنزين

انا معايا نيسان صنى سوبر صالون 2007 انا حاسس فيها كدة انها مكتومة شوية فى المشى مش عارف لية انا عامل 23000 كيلو انا فكرت فى البطارية كشفت عاليها زى الفل الحمد لله فا فكرت فى فلتر البنزين و احنا اصلنا هنا البنزين بتاعنا وحش اوىىىىىى فا بس عايز اعرف هيا فعلا مافيهاش فلتر بنزين بس ماينفعش اصلا ياجماعة امال البنزين دا بيتنقا ازاى بس معنا كدا لو زى ما حضرتكو قلتو ....البنزين بيخش على الموتور على طول و دا غلط العربية هتبوظ عشان احنا البنزين عندنا وحش و كلو شوائب

غايز بس اعرف العربية عندى مكتومة لية لو حد حصل معا كدة يقول لى لو سمحتو

وليه وجع الدماغ وخصوصا ان عربيتك لسةه جديدة وديها أى توكيل محترم لنيسان زى مودرن أو السبع وهما هيحلوا لك الموضوع بسهولة
مع خالص تحياتى

**tata12001** · 03-02-2009 09:35 PM

7asab el kalam ely alholy beta3 el mabi3at lama sa2alto 3ala el filter, 2aly en el tormba nafsaha bet-faltar el banzen ya3ny el toromba nafsaha fiha filter bas msh bayet'3aiar, wa kol ely el mafrod ye7sal ba3d kaza alf enak bet'3aiar el toromba lama teboz ba3d 3omren tawel isA.
wa nase7a leek momken testa5dem monazefat el banzel zay STP Complete Fuel System Cleaner wa el Octane booster beta3o, bas el Complete Fuel system cleaner da el mafrod bayosta5dam maratain fe el sana bas msh aktar, wa el Octane booster 3and kol tafwela lawo 3ayz

**U600** · 03-02-2009 09:57 PM

3ala fekra ya gma3a ana motshaker awy 3ala el ara2 bta3etko we ana 3ayz aol eny ana montazem fe mawa3ed el seyana bta3et el 3arabya bwadeha modern motors el haykstep el hamdullah we ana lesa kont ba3mel el syana mn 1 week we 3'ayart oil mobil one we filter we bs keda heya el 3arabya kanet 3amla 22900 bs ana 3amalt syanet el 25000 ana asly baheb a3melha badry awy we atkalfet 335 LE 3ashn elly yheb ye3raf atkalfet kam