( الاغــانــى الـشـعـبـى ) ..!

**fahd_628** · 31-01-2009 01:24 AM

بجد الأغانى دية انتشترت جامد و طبعا متنتشرش لية مادام فية ناس بيشغلوها و بكثافة كمان ( كل سواقين الميكروباصات + كل التكاتك ) يعنى نتخيل كل ميكروباص و كل تكتك مشغل الأغانى دية فا طبعا المطرب الجميل دة بيكسب حلو و الناس مبسوطة يبقى ميغنيش لية ؟

**ahit** · 31-01-2009 01:26 AM

إسفاف إسفاف إسفاف
ربنا يهديهم لايريحنا منهم

SS · 31-01-2009 01:32 AM

المشاركة الأصلية كتبت بواسطة MoToRiZeR

كان فيه فرح قريب من البيت سمعت منه شوية أغاني .. خيال علمي !
انا مش فاهم البني أدم اللي بيغني ده و هو بيسجل الأغنية بيبقي إحساسه إيه وهو بيقول الكلام ده ادام الناس اللي قاعدين معاه .. يعني اما واحد يروح يجيب مهندس صوت و عدة و ستوديو عشان يقعد يقول جوجوجوجوجوجوجو طول الأغنية .. ده إحساسه بينه و بين نفسه إيه !؟

امال عايزه يجيب مهندس الصوت و الاستوديو عشان يغنيلك الاطلال و لا غداً القاك؟؟؟...و بعدين مين قالك انه استوديو و مهندس صوت ...ده اخره و كبيره تم تحت السلم...ده اذا كان عندهم سلم اساساً...و بعدين هى جوجو جو جو ديه كلام كده زى اللى بنقوله؟؟تصدق انا كنت بسمع الصوت طالع من التاكتك و هى معدية و كنت فاكره حاجة فى الموتور بتاعه..توقعت انه تعديل فى التوكتوك بدل ما يعمل توك توك توك ...بيعمل جو جو جو...مش قولتلك يابنى ..دمت زخراً للمنتدى...و بعدين ناس ايه و كلام مين اللى تفهمه بس يا راجل...ما انت لو كنت كلفت خاطرك و نزلت تبارك و تهنى كنت عرفت ان نص الناس اللى فى الفرح عاملة احلى دماغ ...و مش فارقة معاهم حاجة اساساً.

SS · 31-01-2009 01:37 AM

المشاركة الأصلية كتبت بواسطة نور القمر

لسه من كام يوم سامعه اغنية طول الاغنية عمال يقول يا لهوي يا خرابي
بقيت اقول آلهي يصوتوا عليه بدري

طيب ليه كده بس ؟؟..حرام عليكى بجد
يعنى هايقرفنا و هو عايش و نتقرف بالصويت عليه كمان لما يولع..
و لا أقولك خليهم يصوتوا اهوه الصويت حتى ارحم من الندب بتاعه

**Terrible_DaRsH** · 31-01-2009 01:42 AM

المشاركة الأصلية كتبت بواسطة نور القمر

اولا اهلا بيك من جديد معانا يا تريبل نورت المنتدى
اما بقه موضوع الاغاني الشعبية دي بقة حاجة مثيرة للاشمئزاز ومستوى هابط
وبيبقه يوم نحسي لو ركبت ميكروباص ومشغله اغنية هابطة
وللاسف دلوقت الاغاني الهابطة مش مقتصرة على سواقين الميكروباصات وخلاص
احيانا تدخل مولات تلاقيهم مشغلين العك ده
اغاني هابطة ومستوى هابط
لسه من كام يوم سامعه اغنية طول الاغنية عمال يقول يا لهوي يا خرابي
بقيت اقول آلهي يصوتوا عليه بدري

ميرسي ليكى يا نور على السؤال ...

و يا لهوى يا خرابى دى كناية عن شدة الحزن واخدينها من قصيدة (رثاء الفن العربي)

**youssefmustang** · 31-01-2009 04:11 AM

اه والله انا ليا صاحبى الانتيم كل ما نعدى على فرح او على عربيات الميكروباص ويسمع الاغانى دى يقولى انا عايز ارجع ...
فعلا والله احنا عايزين واحد زى صدام كده يمنع الاغانى الشعبى دى فعلا بقت تقل من قيمة الشعب المصرى كتير
اخوكم يوسف

**TaoTao** · 31-01-2009 12:32 PM

أنا ضد تسميتها "شعبية" الأغاني دي "أغاني واطية" وبجد توجع البطن وباحس إن أي كلام بقى ممكن يبقى أغنية، حاجة تقرف.

حتة كدة من موال "شعبي" بجد:
لو كنت عاوز تعيش .. مبسوط في الدنيا
اتعلم الجد .. ماتفرطش في الدنيا
وازرع بإيدك حصاد آخرتك في الدنيا

ماينفعش نسمي القرف اللي بنسمعه اليومين دول "شعبي" وإلا فإننا نصم أنفسنا .

**i_Am_Legend** · 31-01-2009 02:24 PM

انا بقى كان عندى فولدر على الكمبيوتر فيه الاغانى المتفيرسة دى سميت الفولدر (زبالة الاغانى)وبعدين مسحتة

**Terrible_DaRsH** · 31-01-2009 04:18 PM

المطرب الوحيد اللى نقدر نقول عليه شعبي محترم ..
هو (حـكـيـم ) .
بصراحة عمرى ما سمعته بيقول انا مسطول ولا بشرب زفت ولا بيغنى تفاهات زى العالم التانية دى ..
ولو سمعت حكيم شغال فى اى مكان بتقبل اغانية بشدة
وكليباته محترمة و شكله نظيف وبيغنى شعبي بجد .. وبيغنى فى دول كتير وده دليل على النجاح ..
اما الباقى فيا ريت هتلر يبيدهم ويخلصنا منهم
وخصوصا سعد الصغير ده بتاع الحمار والرقاصات ..