سلام يا احلى منتدى.....

بعد التحية الكبيرة اوى لحملة خلوها تصدى و موديلها يعدى.....اللى بتمثلى امل فى ان يكون فيه صوت حقيقى للشعب امام المحتكرين و المستغلين و المسؤلين...مش بس فى السلع الأستهلاكية.......لكن فى كل حاجة ان شاء الله...
و بغض النظر عن هى الحملة اهدافها واقعية ولا لأ و الحملة هتنجح ولا لأ و هل فعلا التجار هيقدروا يرخصوا ولا لأ....

انا المهم عندى ان هناك محاولة جادة ان يكون فيه اتحاد للمستهلكين....بعيدا عن الجماعة بتوع حماية المستهلك...اللى شاكلهم كده فى النهاية موظفين...بدليل انهم لم يساندوا الحملة و لم يقوموها لو كانت معوجة فى رأيهم.....فقط تجاهلوها!!!!!!!!!!

المهم انا نفسى اعرف هو اد ايه فى قوة شرائية للسيارات فى مصر السنة دى؟؟؟

يعنى...قبل مايكون فى حملة خلوها تصدى...و قبل ما تظهر الأزمة العالمية؟؟؟ مين كان ناوى يشترى عربية فى 2009؟؟؟

نورونا بمشاركاتكم......و ردوا على الأستطلاع لو سمحتم.............