الموضوع: فى اطار خلوها تصدى - مين كان ناوى يشترى عربية فى 2009؟؟

انا كنت ناوى اشترى زيرو السنة دى بس بعد عدم الاستقرار دا قولت اشترى مستعمل لحد ما اشوف الزيرو هيعمل ايه ,,,, بس لاقيت الناس اللى بتبيع المستعمل لسا بتتكلم فى اسعار السنة اللى فاتت مع كمان وجود عدد كبير من السيارت اللى يتقال عليها ,,,,, من برا هلا هلا و من جوا !!!!!!!

أنا مش هاشتري الآن وسوف اصبر وانتظر حتى تنجح الحملة والعربيات الزيرو لازم تمنها يرخص بأكثر من 20%-25% بس لازم كلنا نبقى ايد واحدة ونعرف كل الناس اللى ماتعرفش موضوع الحملة علشان ياخدوا بالهم أصل ده حرام العربيات الزيرو بره اللي هي رخيصة اصلا بالمقارنة بمصر وكمان بعد الأزمة العالمية ثمنها ينزل إلى النصف و أكتر وإحنا هنا مفيش نزول في الأسعار ولما ينزلوا ينزلوا ألف ولا ألفين ده إيه الإستخفاف بالعقول ده إحنا هنصبر وأكيد هننول وخليها تصدي وموديلها يعدي

ياريت كل الناس يبقي عندها نفس الروح ديه علشان الحمله تجيب نتيجه...

احييك...

Be patient and i think we will see more, i read alot about car business around world and all indications say that it will go down

انا والله يا جماعه كنت ناوى اشترى من 2008 ......لكن كانت الاسعار نااااااار
قالولى استنى 2009 الاسعار حتنزل .......... جيه شهر واحد ومفيش فايده انا خلاص كنت ناوى اشترى من اسبوعين .......ولما قرات موضوعكم ده قولت استنى شويه ..وادينى مستنى لما اشوف اخرتها لكن فى حاجه عايز استفسر عنها؟؟ لو نفرض الاسعار نزلت بسبب قله الطلب ولو حتى بصوره مرضيه! كل الناس حتشترى وبكده حيزيد الطلب اوى وفى الحاله دى ممكن الاسعار ترررررررررفع تانى لان المساله عرض وطلب ولا اييييه؟

هترفع طبعاً بس التجار هيتعلموا ساعتها ان احنا اللي بنتحكم فيهم مش هما اللي بيتحكموا فينا و ممكن نعمل الموضوع ده تاني... يعني الزياده ساعتها هتكون بسيطه مش زياده جامده...