لانوس 99 كوري كامله هيدروماتيك : محتاجه فتيس وماكينه

عرض للطباعة

30-01-2009, 07:11 PM
Drift_Lover

لانوس 99 كوري كامله هيدروماتيك : محتاجه فتيس وماكينه

افيدوني يا شباب:

عربية واحد صاحبي
لانوس 99 مواصفات كوري.
كامله هيدروماتيك.
مواصفات خليجي.
العربيه فابريكه جوا وبره... اول يد من 1999
العربيه معروضع عليا بسعر مغري جدآ:
28 الف.
بس فيها مشكله:
الفتيس بايظ وعاوزه فتيس كامل.
سألت كذا ميكانيكي قاللي فتيس هيدروماتيك للانوس 1 صعب جدآ. وخصوصآ ان الموديل ده مش منتشر.
ولو لاقيته حيكون غالي.
ولو عدلته لفتيس عادي بيكون مكلف.
وحتحتاج تعدل دبرياج وقنصلة فتيس بالاضافه لحاجه في الماكينه مش فاكرها.
وكمان الماكينه عاوزه تعمر.

ياريت يا شباب اللانوس تفيدوني..

ماكينه + فتيس هيدروماتيك يعملوا كام.
وهل فعلا التعديل لمانيوال صعب ومكلف... وحيقلل من سعر العربيه.

في انتظار الردود.
30-01-2009, 08:51 PM
amegoo75

اللى يفيدك فى الموضوع دة الاستاذ محمد ممدوح كبيراللانوس فى المنتدى اسألة هايفيدك قوى قوى!!!!!!!!!!
30-01-2009, 08:55 PM
أبومعاذ

انا مليش في اللانوس بس بفرض انك صرفت 10000ج موتور كامل بفتيسه و كل حاجته هتبقى العربية واقفة ب 38 برضو كويس بس معتقدش هتوصل ل 10 ابدا
30-01-2009, 09:41 PM
Drift_Lover

اقتباس:

انا مليش في اللانوس بس بفرض انك صرفت 10000ج موتور كامل بفتيسه و كل حاجته هتبقى العربية واقفة ب 38 برضو كويس بس معتقدش هتوصل ل 10 ابدا

طيب ما 38 اجيب لانوس 1 كويسه. كامله مانيوال.
وبعدين احسب العطله بتاعتك..

ياريت محمد ممدوح وسمير عياد يردوا عليا.
30-01-2009, 10:01 PM
shanodaa

ممكن تسقط ماتور وفتيس مانيوال ومش ها تعدي 4000 جنيه
30-01-2009, 10:34 PM
Hossam_Hassan

بيتهيألى موتور استيراد 1600، 2 كامة بالفتيس بتاعه مع تغيير الكبالن مش هيعدى من 5000- 7000 جنيه و تبقى العربية سعرها كويس، و كمان هتغير الكنترول، بس ممكن تدخل القديم فى الجديد و فرقها يبقى بسيط.
30-01-2009, 11:00 PM
pro_samir

شوف موضوع انك تحطلها 1600 بتاع النوبيرا فعلا هيبقى احسنلك بكتير لأن معروف انها تقيلة فى الأوتوماتيك فأكيد لو بتاع النوبيرا عليها هيبقى تحفة
اعرف واحد عاملها بس مش عارف تفاصيل الصراحة

اسال كدة و ربنا يسهل
30-01-2009, 11:08 PM
moudy88

قبل لما تشتري انزل الحرقيين واسال عن الماتور والفتيس والمصعنيه وظبط امورك ...لو هاتشتري هات ماتور النوبيرا ال1600 2كامه .....
31-01-2009, 03:05 PM
samirayad

اقتباس:

المشاركة الأصلية كتبت بواسطة moudy88

قبل لما تشتري انزل الحرقيين واسال عن الماتور والفتيس والمصعنيه وظبط امورك ...لو هاتشتري هات ماتور النوبيرا ال1600 2كامه .....

الرأى ده هو الخلاصه......قيم النواقص الأول من الناحيه الماديه وأعمل دراسة جدوى علشان تضع الأمور فى نصابها الصحيح
31-01-2009, 03:18 PM
Drift_Lover

اقتباس:

الرأى ده هو الخلاصه......قيم النواقص الأول من الناحيه الماديه وأعمل دراسة جدوى علشان تضع الأمور فى نصابها الصحيح

حمدآ لله علي السلامه يا حبيب قلبي...

وبالنسبة للموضوع الاصلي.
الفكره كلها عربيه كل\امله هيدروماتيك محتاجه فتيس وعامرة ماكينه.

1- لو حاركب فتيس عاده ( ممكن الماكينه تتعدل ) ؟ والتكلفة كام ؟؟؟
2- لو حاركب فتيس عاده وماكينه ؟ والتكلفة كام ؟؟؟
3- لو حاشتري فتيس هيدروماتيك والماكينه تتعمر ؟ والتكلفة كام ؟؟؟

هو ده السؤال يا شباب.
وعيب لما اكون في اكتر المنتديات نشاطآ في نايل موتورز... وتقولوا لي اسأل بره... فين الخبره. ( بنهدي النفوس من الاخر )....
31-01-2009, 03:26 PM
samirayad

شوف....هو تمنها حلو......ولو اللى حيبعها لك فافى......أعتقد حتكون باقى الأشياء كويسه.....وحيكون البائع مش عاوز يقعد عند الصنايعيه....وفى الحاله دى أنت الكسبانأنا عاوز منك تدرس حالة البائع برضه....لأن ده عنصر مهم.....ولو واحد عصامى زى حلاتنا أبعد عنها.......ومعليش نسيت أقولك الله يسلمك ...ولو فيه استفسار آخر كلنا تحت أمرك

اللون الاحمر مخصص للادارة

مشرف القسم
31-01-2009, 03:41 PM
Drift_Lover

بالنسبة للبائع هو مندوب مبيعات (وده اللي مقلقني)
كان مستلم العربيه دي من الشركه اول يد. ولما عطلت ركنها وسمته الشركه عربيه فيرنا تانيه... ده اللي عرفته.

ولما نزلت بلد جنبنا مشهوره بقطع غيار اللانوس. عرفت ان العربيه دي مشهوره. وصاحبها دايخ علي فتيس ليها ولقي واحد في بورسعيد بالماكينه بس يعمل 6500 و الراجل حياخد منه الفتيس والماكينه القدام ب 1000

ده كل الكلام اللي وصلني.
31-01-2009, 03:54 PM
samirayad

اقتباس:

المشاركة الأصلية كتبت بواسطة Drift_Lover

بالنسبة للبائع هو مندوب مبيعات (وده اللي مقلقني)
.

لا بقه سامحنى.......سيبك من الدور ده.......وخيرها فى غيرها.....والله أنا مقدر تعبك وربنا يوفقك لأحسن منها .....علشان واضح انك راجل طيب ونفسى تبقى زميل لنا فى منتدى الدايو
31-01-2009, 05:36 PM
Drift_Lover

اقتباس:

لا بقه سامحنى.......سيبك من الدور ده.......وخيرها فى غيرها.....والله أنا مقدر تعبك وربنا يوفقك لأحسن منها .....علشان واضح انك راجل طيب ونفسى تبقى زميل لنا فى منتدى الدايو

بارك الله فيك يا اخ سمير. علي النصيحه.
انا فعلآ مقلق.
بس الفكره ان اي عربيه مستعمله بتصرف. ولما انت تشدها علي ايدك وتبقي
عارف كل حاجه فيها وايه اللي متغير وكمان تقف بسعر اقل الفين او 3 . كانت تبقي كويسه.

انا علي فكره خلاص صرفت نظر.
وزي ما بيقولوا العربيه بتاعتك هي اللي بتناديك مش اللي تبقي متردد في شراءها.
31-01-2009, 05:48 PM
samirayad

اقتباس:

المشاركة الأصلية كتبت بواسطة Drift_Lover

بارك الله فيك يا اخ سمير. علي النصيحه.
انا فعلآ مقلق.
بس الفكره ان اي عربيه مستعمله بتصرف. ولما انت تشدها علي ايدك وتبقي
عارف كل حاجه فيها وايه اللي متغير وكمان تقف بسعر اقل الفين او 3 . كانت تبقي كويسه.

انا علي فكره خلاص صرفت نظر.
وزي ما بيقولوا العربيه بتاعتك هي اللي بتناديك مش اللي تبقي متردد في شراءها.

شوف حقولك على حاجه......طالما العربيه مش بتاعة شخص بعينه....يبقى متهانه....وبلاش منها......علشان كل حاجه فى العربيه لها عمر افتراضى.......ولما صاحبنا والشركه بتاعته جابوا آخرها عرضوها للبيع....وليييييه أنت تأخذ حاجه جايبه آخرها....حتى لو ببلاش....دا أنت حتلاقى العفشه والكبالن وكل حاجه بتطلع فى الروح....ولو حبييت ترجعها للحاله اللى أنت عاوزها ممكن تقف عليك بتمن واحده جديده