احمد باشا قلبي معاك
كان بيحصل الموضوع ده عندنا في اجازة البواب
عشان حارس العقار عندنا هو اللي بيطلع ياخدها
تيجي اجازة العيد يسافرو البلد اسبوع
كل واحد نضيف ابن نضيف ينزل كيس القمامة وبدل ما يحطها في عربيتة ويرميها في اي صندوق قريب يرميها قدام باب الاسانسير او قدام باب غرفة الحارس
ودول هايعدو اسبوع كامل
والقطط ما تتوصاش يا معلم
ومدخل العمارة يكون قذر بشدة
العيد قبل اللي فات كان حد رامي حاجات قذرة
جمعتهم بمقشة البواب وولعت فيهم جنب العمارة لان ريحتهم كانت لا تطاق
ماهو مابطيقش السلبية بصراحة
العيد اللي فات وقبل ما يمشي البواب نبهت علية ينضف
وجبت ورقة محترمة ولزقتها على باب الاسانسير وكتبت عليها ماحدش يرميها هنا لسفر الحارس اسبوع
لقيت تاني يوم واحد ظريف ماضي اسمه تحتها قال يعني هو اللي نبه السكان
طبعا ماهتمتش ماهو اصحاب العقول في راحة بس كان اهم حاجة انه مايترميش زبالة
وكنت ناوي لو ماجبتش الورقة نتيجة اني اجيب ويب كام واوصلها سلك لغاية باب العمارة واراقبهم ولاد التيت دول
ها ها
المفضلات