الموضوع: يادي القرف حتى في الأسانسير ......

يا دكتور احمد احمد ربنا على كده ياراجل و كفاية لسة ما تحولتش لتواليت عمومى " ميه " و " ناشف " !!

يوسف بك وهبى معرفش يتنبأ بالمستقبل لما قال " ما الدنيا الا مسرح كبير " .. مسرح سابقا و مزبلة حاليا و متوقع مبوله مستقبلا ...
يا خسارة ع المنصورة الجميلة اللى بقت زى القاهرة .. فين ايام لويس التاسع الجميلة !!!!!!!!!!
لو قريت تاريخ الجبرتى حتلاقى سكان القاهرة عملو ثورة القاهرة الاولى و الثانية علشان نابوليون لما انزعج من وساخة احياء القاهرة و العادات السيئة فرض رسوم نظافة و حاول يجبر السكان على وضع القاذورات فى اماكن محددة و عدم القائها فى الشوارع و كل مكان و وضع لائحة للنظام و النظافة و فرض على الجمهور وضع المخدات و الملايات و الاغطية فى الشمس
و تهوية المساكن درأ للامراض و اضاءة الشوارع ليلا و غير ذلك ..
و عنك يا باشا ثورات و هيجان و استغل المماليك المتخلفين الذين كانوا استعدوا لمحاربة الفرنسيس بالسيوف ثم فروا كالارانب عندما نزل عليهم القنبر ( القنابل !! ) .. المماليك الذين اذاقوا الناس الويلات من سلب و نهب و ضرائب ظالمة الفرصة لتحريض الناس على الثورة ورفض لوائح النظام و النظافة !! ... بعض من تاريخ ما اهمله التاريخ و تحياتى ليك و لعظمة السلطان .. هو فين ؟؟