يادي القرف حتى في الأسانسير ......
باختصار لأني مش طايق نفسي
(استحملوني معلش)
بقالي فترة كل ما أفتح باب الأسانسير الاقي زبالة
ايوة و الله كيس مليان زبالة على أخره و مفتوح و ياريته كيس بتاع زبالة أساسا
طبعا ممكن تلاقي الكيس و اقع على جنبه و الدنيا زفت
ريحة رائعة جدا جدا
و الأسوأ ...احساس بعدم الآدمية
أي ولله
كأنك راكب عربية زبالة و انت زبالة مع الزبالة اللي طالعة و نازلة
قلت للبواب كذا مرة ينبه على البهوات جيراننا
ولا الهوا
و كل ما أشوف واحدمن السكان و أقوله ..يقوللي مش احنا طبعا
(تصورو !! ولا واحد من السكان بيعمل كده ) يبقى في احتمال من دول
1- يا إما سكان العمارة اللي جنبمنا بييجوا يرموا زبالتهم عندنا في الأسانسير
2 - يا إما العفاريت هي اللس بتجيب الزبالة و تهرب
3 - ممكن أكون أنا اللي بارميها بس باستهبل
4 -أو تهيؤات بقى
أنا فاااااض بيا
و لسه طالع دلوقتي لاقيت كيس ...قلت ما بدهاش
صورته
و عملت الورقة دي و لزقتها في الأسانسير
http://www4.0zz0.com/2009/01/30/17/941763206.jpg
و والله والله والله لو لاقيت زبالة تاني
لا هافضيها في الأسانسير و أمسح الكيس في الحيطان بتاعته و قرف بقرف بقى
الناس دي متربية فين ؟؟؟؟؟؟؟؟؟؟