اخير بعد اكتر من شهرين استلمت الرخصة بدل اللى اتسحبت

انا كنت من حوالى شهرين و نص رحت لشرم و انا راجع الرخصة اتسحبت عند راس سدر علشان السرعة(الله اعلم السرعة كام انا كنت ماشى 110 - 120) :? المهم كنت سالت الاخوة فى المنتدى وقتها اعمل ايه خاصة لما رحت المرور اجدد الوصل قالولى انهم بقالهم 3 شهور مفيش رخص بتيجى من جنوب سينا البعض قالى امشى قانونى و استنى و البعض قالى روح اعمل بدل فاقد و رايح نفسك و انا علشان اول كنت محتار و اخترت انى اجرب امشى قانونى مش عارف ايه اللى هيجرلى :? .
اول حاجة قعدت كل اسبوع اروح مرور محرم بك اجرى حوالين نسى لمدة ساعة و استحمل قلة ادب العساكر بتوع النيابة علشان اجدد الوصل :evil: و بعد اربع مرات واحد اشار عليا اروح اكلم رئيس وحدة الرخص المسحوبة و اطلب تصريح و الحمد لله بعد محاولتين وافق و الحق كان ذوق معايا (مش زى بتوع النيابة كان فاكر نفسه ... :twisted: . و لا بلاش) و بعد ماخدت الموافقة رحت على مرور طوسون (للى مش من الاسكندرية من غرب اسكندرية لاقصى الشرق) و بعد دوخة الست اللى قاعد على التشت (قصدى الشباك) فهمت اخيرا ايه اللى مطلوب بعد ما سألت الضابط و كل الموظفين اللى حواليها كأنها اول مرة بتعمل حاجة زى دى و اتعملت رخصة كأنها بدل فاقد بس لمده شهر واحد قلت الحمد لله اليوم ماراحش على الفاضى :D .
بعد الشهر رحت عملت نفس اللفة و المرة دى مكانتش احسن الناس فى محرم بك مش عارفين و الضابط كان راجل فى منتهى الذوق وافق انه بدل ما اجدد التصريح انى اطلع بدل فاقد و رحت لمرور طوسون و هناك كنت هاعمل جريمة لان الموظفات كل واحد ترفض الطلب و تقولى الورق ناقص و ارجع محرمبك تانى ، كلمت الضابط هناك قالى ورقك مضبوط قلهم انا موافق عليه و بعد ما الطلب عدى على 3 موظفات و كل واحد تدخل تكلم الضابط و انا ابتديت اتنرفز و قلت لهم ايه المشكلة قالتى واحده فيهم انتى عايز تخلص نفسك و احنا تبقى عندنا مشكلة لما الرخصة توصل ، قلت ماهى لو كانت مضاعتيش تبقى ليه موصلتيش بعد اكتر من شهرين هى جاية مشى و انا لو عايز اخلص نفسى ما كنت طلعت بدل فاقد من اول يوم
و اخير و بعد 4 ساعات خرجت و معايا الرخصة بدل فاقد :D :lol:

و الخلاصة النظام اثبت ان اللى يمشى عدل يتبهدل و اللى احسن من كده برضه مدفعتش مخالفة يعنى لو كانوا عملوها فورية كانو اخدوا الفلوس بدل البهدلة :cry: :x

اقتباس:

---

الخلاصة النظام اثبت ان اللى يمشى عدل يتبهدل و اللى احسن من كده برضه مدفعتش مخالفة يعنى لو كانوا عملوها فورية كانو اخدوا الفلوس بدل البهدلة

---

لا ماهو ممكن لما تيجي تجدد الرخصه تلاقي المخالفه موجوده في الملف بتاعك :mrgreen: :mrgreen: :mrgreen: :mrgreen:

يدنى و يديك طولة العمر بقه و كمان هى ممكن الرخصة تضيع لكن المخالفة توصل ؟؟؟ :?: دى تبقى حاجة :twisted: بلاش علشان الرقابة

انا بعد المره الاولي اللي اتسحبت فيها الرخصه علي طريق الاسماعيليه و وصلت الاسكندريه بعد 3 اسابيع و كل اسبوع يوم السبت يضيع نصه في المرور علشان اخد تجديد علي الوصل

وصلت لاحلي حل ال 20 جنيه السحريه

و اتبعت الاسلوب ده و انا رايح مطروح
هات الرخص انت متصور رادار

يا عم رخص ايه اللي انت عايزها خد ادي الرخص بس اوعي تقع منك
ايه ده الله يكرمك
و راح حاطط الفلوس في القميص بين الزراير
و نادي بعزم صوتوا
خلاص الباشا

و بيب بيب الرخص لا تزال في جيبي

طب و لو وقفوا الواحد وكان الوصل مدتة انتهت هيحصل اية :?:
هتسحن :cry: ولا غرامة كبيرة و خلاص

حيسحبو رخصه السياره و لو التنين مسحوبين حيسحبو اللوحات و لو اللوحات مسحوبه العربيه حتتحجز :)

اقتباس:

---

المشاركة الأصلية كتبت بواسطة hazem_khidr

حيسحبو رخصه السياره و لو التنين مسحوبين حيسحبو اللوحات و لو اللوحات مسحوبه العربيه حتتحجز :)

---

و لو العربية محجوزة أصلا ...... حيحجزوا العربية اللي وراك :lol: :lol:

يا باشوات إدارات المرور قمة الفوضي ، كبروا دماغكم و الزقوا عشرين جنيه في الرخص
أنا فضلت بعربيتي القديمة سبع سنين ماشي بترخيص مؤقت كل ثلاث شهور ، عشان الورق يجي من مرور لمرور اخر داخل القاهرة و تقريبا الورق كان راكب حمار بس حتي لو راكب حمار كان هيوصل قبل سبع سنين و في الآخر صعبت عليهم و ادوني رخصة لحد ما الورق يوصل براحته

اقتباس:

---

و لو العربية محجوزة أصلا ...... حيحجزوا العربية اللي وراك

---

:mrgreen: :mrgreen: :mrgreen:

اقتباس:

---

المشاركة الأصلية كتبت بواسطة Ahmed Anwer

أنا فضلت بعربيتي القديمة سبع سنين ماشي بترخيص مؤقت كل ثلاث شهور ، عشان الورق يجي من مرور لمرور اخر داخل القاهرة و تقريبا الورق كان راكب حمار بس حتي لو راكب حمار كان هيوصل قبل سبع سنين و في الآخر صعبت عليهم و ادوني رخصة لحد ما الورق يوصل براحته

---

نفس اللي حصل معايا
والمشكلة متحلتش غير لما طلبت من المرور طلب إستعجال للمرور التاني أروح أسلمه بإيدي
ورحت لقيت الملف مكانه كإن محدش طلبه وأعطيت طلب الإستعجال للظابط ولقاهم نسيوا يختموهولي في مرور السلام (لابد يكون مختوم) لكن الظابط في مرور العجوزة كان محترم وقبله مني
وبعدها مفيش كام أسبوع رحنا لقينا الملف جه والحمد لله

اقتباس:

---

نفس اللي حصل معايا
والمشكلة متحلتش غير لما طلبت من المرور طلب إستعجال للمرور التاني أروح أسلمه بإيدي
ورحت لقيت الملف مكانه كإن محدش طلبه وأعطيت طلب الإستعجال للظابط ولقاهم نسيوا يختموهولي في مرور السلام (لابد يكون مختوم) لكن الظابط في مرور العجوزة كان محترم وقبله مني
وبعدها مفيش كام أسبوع رحنا لقينا الملف جه والحمد لله

---

المشكلة بقه إني من النوع الكسول قاللولي علي حكاية الإستعجال دي كبرت دماغي ، اخد التصريح و اروح و كل مرة بعشرة جنية علي الشباك ، مرة يكتبوهلي بتلات اشهر ، مرة بستة و مرة كتبهولي بسنة
ربنا يخليك متقلش مرور السلام تاني قدامي عشان بيجلي حالة نفسية ، اسعد فترات حياتي اللي ببقه فيها مالياش تعاملات مع مرور السلام و الحمد لله انا في الفترة دي حاليا، رخصتي معاي و رخصة عربيتي كمان ، ربنا بس يبعد عنا اللجان و كمان سنة إنشاءالله هاروحلهم :?

اقتباس:

---

كبروا دماغكم و الزقوا عشرين جنيه في الرخص

---

يومها كان تقريبا بيوقفوا كل العربيات اللى على الطريق عند راس سدر، و بصراحة خفت لانه مدانيش فرصة، بس اهو الواحد بيتعلم.

انا واحد حكالى انه عند مدخل مطروح وقفوه و قالوا سرعة ، رد بانه ماشى 70 او اقل قاله هنا السرعة 50 كم/س ، فسال هى فين اليافطة اللى بتقول كده و مسك الموبيل و فلاقى العسكرى قاله هتكلم مين ياباشا قال له اسم واحد فى مدرية امن مطروح كان عرف اسمه من واحد صاحبه، قاله ملوش لازمة، دى 20 جنيه غرامة فورية :? ، ففهم صاحبى اللعبة :idea: و قاله و لا حتى نص جنيه انا كنت ماشى مضبوط و ابتدى يضرب اى نمرة فلاقى العسكرى اتلخبط و قاله بدل ما ندوش الباشا انا علشانه هتدفع 10,5 بس (يا سلام على الاوكازيون :twisted: ) و راح صاحبى مزعق و قاله مش حكاية فلوس بس انا هدفع لأن مش هكلم الباشا علشان 10 جنيه و روح هات بيهم وصل ، و كده اظن الجميع فهم ايه اللى بيحصل و اللى اكد لى المعلومة دى ان خالى برضه وقع فى نفس المطب (قصدى الكمين) و لكن للاسف مفهمش الموضوع الا لما راح لواحد معرفة فى مطروح و جاب له الرخصة على طول :x

هى ده الحكومة الالكترونية