الموضوع: تنبيه للى عايز يشترى النترا خليجى

المشاركة الأصلية كتبت بواسطة ahmedfd

كلام مظبوط 100%
أي إلانترا نزلت مصر عندنا من التسعينات إسمها في كوريا و بعض البلاد التانية في جنوب شرق أسيا و أستراليا أفانتي و في أوقات سابقة سميت لانترا و نفس الكلام على الماتريكس إسمها هناك لافيتا..
و دي صورة الكتالوج بتاع العربية



و أنا شفت الكلام ده بعيني في كوريا من سنتين.. يعني القصد إنها عربية واحدة..

بالنسبة لمواتير هيونداي الـ 1600 الجيل الجديد هي Gamma L4 Engines بينما الـ 2000 Beta II L4 Engines
http://worldwide.hyundai-motor.com/c...d_2006_10.html
و نظام هيونداي في ضبط توقيت الصمامات إلكترونياً إسمه الـ CVVT أوContinuous Variable Valve Timing.

أنا لاحظت فعلاً موضوع الغمازات الجانبية في بعض الموديلات الخليجي.. معرفش الحقيقة كل 2009 كده و لا الخليجي بس.. لكن عموماً في الكتالوج برضه (2008) بيتكلم عن كيفية تغييرلمبة الغمازات الجانبية لو العربية مجهزة بيهم فممكن يكونوا أصلاً بينزلوا من 2007 لكن في مواصفات دول خليجية معينة..



بالنسبة للتفرقة الخليجي ممكن يتعرف من كذا حاجة منها إن في الخليج الـ VIN Number بيكون باين في الجزء الأسود من الزجاج الأمامي أمام السائق و دي شفتها فعلاً في الإلنترا الخليجي و عربيات تانية كتير خليجي و ياريت إخواتنا اللي معاهم الخليجي يصححولي لو كنت غلطان.

احيكك ياباشا على التاكيد بالصور علشان نوضح للرجالة انها عربية وحدة بجد احيك على مجهودك

مع احترامى الشديد لجميع الااعضاء وكاتب الموضوع
ارجو من الجميع التاكد من المعلومات قبل وضعها لعدم البلبله بين الناس

وللاسف محدش عارف اى حاجه عن الهيونداى الأفانتى

وان شاء الله ليا تقرير كامل عن السيارة الافانتى وعلى فكرة مفيش فى مصر كلها غير 4 عربيات بس اسمها افانتى
وجايين مع بعض فى حاويه واحده من كوريا
والحمد لله معايا واحده منهم
لسه مستلمها من الجمرك بقالى اسبوع وهخلص الترخيص بتاعها بكره

ارق تحياتى

الف مبروك على استلام السيارة وربنا يباركلك فيها
وياريت توضح لينا الفرق بالصور علشان كلنا اكدنا بالصور الالنترا هيا الافانتى
فلو فى غير كدة يبقى ياريت توضح لينا المعلومة بالصور

هي الافانتي مش كتير اوي بس مش لدرجة 4 انا اعرف 2 معاهم

معلش ياجماعه لتأخرى فى الرد لبعض المشاكل فى خط الانترنت
الموضوع مش محتاج بلبله ولاحاجه هما نفس العربيه بس المواصفه اللى بتكلم عنها دى مش خليجى دى نازله للدول اللى زى ماليزيا وسنغافوره ومعروف ان هيونداى بتغير فى عربياتها طبقا لنوع البلد اللى رايحه يعنى مثلا معروف للجميع ان الخليجى تكيفه بينزل اقوى علشان مجهز للحر هناك وبرده الدهان ودوره التبريد الافنتى اللى بتكلم عليها برده مجهزه للبلاد اللى كانت رايحاها مفروض فى حاجه اسمها سخانات كراسى ومافيش مؤشر حراره على التابلوه فنفهم من كده انها نازله لبلد مناخها العام بارد (عاملين احتماليه ان العربيه تسخن هناك ضعيفه فمحطوش عداد خاص للحراره) مش معنى كده انهم هايخلوها تضرب من الحراره بس دى زى ماقولت اوبشن من عربيه لعربيه حسب نوع البلد
وموضوع الموتور ده اللى وضحهولى راجل فاضل مهندس ميكانيكا اشترى نفس العربيه وفهم فى الكاتالوج بتاعها (اللى عنده الكاتالوج بتاع الالنترا ويبعتهولى يبقى كسب فيا ثواب) ووضحلى نقطه الموتور دى وانا حبيت انقلهالكو ده كل الموضوع
عدد الافنتى اللى نازل والكلام ده من الشناوى المستورد للدفعه دى حوالى 200 سياره
لااقصد بلبله لايوجد بينى وبين اى احد غير كل ود واحترام
وشكرا

شكرا لكل اللى افادونا بالمعلومات عن الهيونداى افانتى

بالنسبه انها 4 عربيات بس فده صحيح ومتاكد منه
وممكن يكون كلام الاخ اللى كاتب 200 سياره ممكن يكون تاجر جايبهم مع بعض
انما عن نفسى العربيه داخله مصر باسمى يعنى الافراج بتاعها باسمى وهى موديل 2009

وان شاء الله هوضح الفرق الكبير بين الافانتى والالنترا فى صور قريب ان شاء الله
والله يا جماعه نفسى اصورها من ساعه ما استلمتها بس شغلى واخدنى
بس ان شاء الله الاسبوع ده هيكون معاكم توضيح كامل
مع ارق تحياتى القلبيه لكل اللى علقوا على مرورى السابق

.وده اللينك الخاص بالسياره من موقع هيونداى الكورى

http://ad.hyundai-motor.com/catalog/avante/index.html

المشاركة الأصلية كتبت بواسطة pqpqpqpqpq

شكرا لكل اللى افادونا بالمعلومات عن الهيونداى افانتى

بالنسبه انها 4 عربيات بس فده صحيح ومتاكد منه
وممكن يكون كلام الاخ اللى كاتب 200 سياره ممكن يكون تاجر جايبهم مع بعض
انما عن نفسى العربيه داخله مصر باسمى يعنى الافراج بتاعها باسمى وهى موديل 2009

باشا احنا بنسأل عن العربيات اللى داخله مصر مش املاك حضرتك بس