هل ممكن

**thegreatnileman** · 31-01-2009 04:09 AM

تفتكروا ممكن يجى على يوم امتلك عربية زى دى؟

**mo7a_mo7a** · 31-01-2009 04:13 AM

ربنا قادر علي كل شئ
بس السؤوال هل انت فعلا نفسك تركبها ؟؟
يعني هي دي كل احلامك او اهمها علي الاقل؟
وهل تفتكر حتكون مبسوط بيها اكتر من دلوقتي؟
وهل تفتكر لما توصلها مش حتفكر في اللي احسن منها؟؟

سيدي فكر قليلا في اجابات الاسئلة ودعنا نتناقش

**Osama_soliman** · 31-01-2009 09:36 AM

لا والف لا

احنا هنتشغل طول عمرنا علشان نغير عربيات

ربنا سوف يسألنا عن كل مليم

**Rembrandt** · 31-01-2009 11:48 AM

no comment...

**ahmed2000** · 31-01-2009 01:44 PM

مفيش حاجة بعيدة علي ربـــــــــــــــــــــــ ــــــــنا

**karaktar** · 31-01-2009 03:17 PM

هقولك تجربتى....

كان حلم من أحلامى إنى أغير عربيتى المازدا 323 موديل 83 العربيه دى على قد صمودها وحمالة القسيه على قد إنها كانت تعبانى جداً وكنت بعانى معاها سنوات طوال
كنت بفضل احلم كده يكون عندى عربيه بأه والنوع اللى انا عاوزه وأقول هل ممكن يحصل كده كنت بصبر نفسى واقول مفيش شئ بعيد عن ربنا
وفنفس الوقت كنت بناقض نفسى طيب يكريم هل دى كل أحلامك العربيه وبس ملكش احلام اهم من كده يعنى انجح فى حاجه تفيدنى فى حياتى والعربيه دى مش شئ اساسى فى الحياه منا معايا عربيه اهو وفى غيرى معهومش خالص وجت فتره العربيه خربت خدت كذا يوم لما اتصلحت
ورجعت تانى لعالم المواصلات بعد ماكنت نسيتها ايام الدراسه واستريحت من همها لقيت معاناه ما بعدها معاناه قولت فعلاً العربيه المازدا دى نعمه والله والحمد لله العربيه اتصلحت ورجعت تانى بالمازدا وحمدت ربنا وشويه باردو مفيش فايده رجع حلم العربيه يراودنى نفسى بأه فى العربيه الزيرو ونوع محدد فى دماغى نفسى اجيبه
الموضوع ده شغل تفكيرى تماماً بل سيطر عليه كلياً للأسف انا ببص تحت رجليه وللأسف العربيه دى شهوة كبيره فعلاً
وحصل فعلاً مالم اتوقعه وبعد صبر طويييييل والحمد لله العربيه اللى انا عاوزها بالظبط جبتها
بعد اما جيبت العربيه قعدت اقول لنفسى ها هاتعمل ايه بأه بعد كده المرحله الجايه فى حياتك ووقفت عند السؤال ده؟!!!