للي فاهمين ومتابعين قوانين السيارات والتراخيص وتعديلاتها.. استفسار
السلام عليكم
الحقيقة أنا قدامي دلوقتي عربية 128 موديل 71 معدلة ل 86
بس عربية تحفة.. وحالتها زي الفل.. فعلا جميلة.. أول يد وصاحبها مهندس عربيات هو اللي كان مظبطها على ايده. أنا جربت العربية ورفعتها في بنزينة.. وحالتها فعلا شاذة.. دع غير الكماليات اللي هو حاططها فيها. بس أنا عندي تخوف واحد:
انها موديل 71.. خايف من القوانين المفاجأة أو حد يضايقني في التراخيص أو ميرضوش يرخصو بعد كده الموديلات القديمة للملاكي كمان أو ميرضوش يرخصو 3 سنين أو أو أو
مش عاوز أدفع تحويشتي في حاجة تترمي بعد كدع بقانون أو غيره.. فيه حد يقدر ينصحني سريعا قبل العربية متطير من قدامي ويقولي هل مخاوفي دي ليها لازمة؟ ولا أتوكل على الله وأخد العربية؟
أنا استخرت الله ومستني مشورتكم السريعة جدا جدا. أنا دلوقتي قبل الفجر.. وعلى العصر عاوز أدي كلمة مبدئية للراجل ان شاء الله
