أنا عاوز أشتري عربية لأسرة صغيرة و أنا ساكن في 6 اكتوبر و شغلي في مدينة نصر
عاوز عربية تستحمل المسافة دة كل يوم و توفر في البنزين و تكون مقايس الأمان فيها عليا و سعر أعدة البيع يكون كويس نسبيا
و يكون سعرها بين 70 و 85
تنصحوني بأه؟
عرض للطباعة
أنا عاوز أشتري عربية لأسرة صغيرة و أنا ساكن في 6 اكتوبر و شغلي في مدينة نصر
عاوز عربية تستحمل المسافة دة كل يوم و توفر في البنزين و تكون مقايس الأمان فيها عليا و سعر أعدة البيع يكون كويس نسبيا
و يكون سعرها بين 70 و 85
تنصحوني بأه؟
ماتريكس
يعني حضرتك عايز ايرباجز - ABS-EBD - اماكن لتثبيت كراسي الاطفالاقتباس:
مقايس الأمان فيها عليا
على حد علمي اول عربية هتلاقي فيها الكلام ده مش ها تقل عن 105 الف وهي الماتيريا توماتيك
عموما هي الحاجات دي كلها جميله و طبعا لا خلاف انها ممكن تفرق كتيير في المواقف الصعبة (ربنا ما يوريها لحد)
بس احنا طول عمرنا راكبين عربيات من غيرها ..... و أهي ماشيه
لو آخرك الرقم 85 يبقى الماتريكس- التويوتا المكعبره ياريس - لانسر 1300
وبصراحه انا شايف اللانسر مع المشوار اليومي التقيل ده ومع مطبات المحور عفشتها هتبقى أطول عمرا
ياريس ثباتها مش قد كده وانت مشوارك على طريق سريع ... يعني احتمالات أنك تجري بالعربيه كبيره وهنا الياريس ها تضايقك.
وممكن تفكر في الاوبترا ......
والتزم بالسراعات القانونيه حتى تعود لاسرتك سالماً (زي ما هو مكتوب على يفط المحور)
لو آخرك الرقم 85 يبقى الماتريكس- التويوتا المكعبره ياريس - لانسر 1300
ياريس
ممكن تزود عليهم الهوندا سيتى 1300
رأى ياريس
استخدامك ليها كده من العيار التقيل
لومكانك هجيب لانسر 1300 علشان البنزين :wink:
الهوندا سيتى هى اكتر عربية موفرة فى البنزين فى الفئة دى
بتعمل 800 كم بالتنك, و مفيش عربية بتعمل ده خالص
و فيها 2 ايرباج, و ضمانها 125 الف كم او 3 سنين
و قطع غيارها معمرة جدا, لكن بيعها مش بسهولة اللانسر
فعلا!!!!! :shock:اقتباس:
800 كم بالتنك
بجد!!!!ّ! :shock: :shock:اقتباس:
فيها 2 ايرباج, و ضمانها 125 الف كم او 3 سنين
اقتباس:
لكن بيعها مش بسهولة اللانسر
طب وديه تتباع ليه لو هي بتعمل كده ؟؟!!!!!
سيتى او لانسر........
هو يا ماجد باشا الاخ طالب عربية اعادة بيعها سهلة
لكن العربية فعلا فيها الحاجات دى كلها
و فعلا بتعمل 800 كم بالتنك و هى مع واحد صاحبى
و ال 1500 منها المانيوال فيها ِabs ده غير انها بتنزل اساى ب cd player و جنوط سبور 15 و ابانوس (ده ال 1500)
انا راى ديهاتسو سيريون خصوصا بالنسبة لاستهلاك البنزين والسعر
رأى الشخصى الياريـــــــس
فيها الأمان اللى إنت عايزه الإيرباجرز و الـABS
الثبات بتاعاه لحد 160 كم/ساعة حلو و دا عن تجربة
السيارة مساحتها من جوه واسعة عكس شكلها الخارجى الى يوحى إنها صغيرة
إستهالك البنزين قليل جدا و تكاد تكون الأقل فى فئتها
المانيوال منها مفهاش ABS فيها 2 ايرباج اساسىاقتباس:
فيها الأمان اللى إنت عايزه الإيرباجرز و الـABS
لومكانك هجيب لانسر 1300
رآيي هوندا لامكانياتها و علي كلام معاذ موفره اكتر و عموما
بآي حال افضل من متسو
لا المانيوال فيها absاقتباس:
المشاركة الأصلية كتبت بواسطة معاذ الشرباصى
مش حقول حاجه لأن كثره الآراء تسبب حيره أكتر
وعموما جميع ما ذكره الأخوه الأفاضل سيارات جيده
يا معاذ انا مصدقك فعلا ........ بس انا نفس أفهم السوق الغريب بتاعنا ده يعني عربيه مضمونه 125000 كماقتباس:
هو يا ماجد باشا الاخ طالب عربية اعادة بيعها سهلة
لكن العربية فعلا فيها الحاجات دى كلها
و فعلا بتعمل 800 كم بالتنك و هى مع واحد صاحبى
(حركه ذكيه جدا من هوندا لان 95% من العربيات في خلال ال 3 سنوات مش ها تكون جابت اكتر من 60-70 الف بالكتير......... هما لو بيتكلمو بجد كان المفروض تبقى 5 سنين)
و استهلاكها في البنزين أقل من نصف استهلاك اي عربيه تانيه في فئتها (انا معايا كيا 1300 التانك يا دوب بيعمل 400 جوه اليلد ) ... كل ده وتبقى صعبه في إعادة البيع ......ازاي مش فاهم :roll:
هما بس لو يغيرو شكلها ويفردوها شويه صغييرين (قد 15- 20 سم كمان فالكبوت وشويه زيهم في الصالون كمان :lol: ) كنت اجيبها فورا .......
رأي الشخصي هات الياريس ماتورها ناعم وفيها abs وشكل جديد وكفاية انها تويوتا.
http://www3.0zz0.com/2007/08/05/14/82924690.jpg
______________
محمد عبدالله
معاك حق يا استاذ mgio
تسمحلى اقولك رأى بصراحة
امامك سيارتان بهذا المبلغ الذى سبق والحقته فى موضوعك الا وهما
شيفورليه اوبترا وهى سيارة ممتازة و1600 سى سى وادائها فى منتهى الليونة وخصوصا على الطرق السريعة
وامامك ايضا الا نسر 1300 سى سى ونصيحتى لو قررت تجيب لا نسر هاتها مانيول 1300
وخصوصا ان فى ناس معاها الا نسر 1300 اتوماتيك وبيشتكوا منها وعيبها ان ادائها فى السحب ضعيف
وانا كما لا حظت انك حتقطع مشوار جامد كل يوم بالعربية يجب عليك ان تختار بعناية فائقة لا نك مش كل يوم حتبيع وتشترى
اشترى مرة واحده صح وانسى العربيه دى خالص
واعلم يا اخى العزيز ان كل سيارة بل ولكل شئ فى الدنيا له عيوب ومميزات فلا شئ كامل
ان الله وحده سبحانه وتعالى له الكمال وحده وربنا يوفقك فى الا ختيار السليم
شكرا علي كل الرود
يعني داقتي عندنا
لانسر 1.3 مانيوال
هوندا سيتي
ياريس
سيريون
و أضف عليهم ال GEN 2
أنا أحترت أكتر :roll: