عرض للطباعة
بعد صباح الخير يا احلى منتدى عندى سؤال غريب شوية انا معايا لانسر 2009 سعة 1600 اتوماتيك و معايا بقالها شهرين فتحت الكابوت لقيت قربة المية بتاعت الرادياتير فاضية و مكتوب فى كتالوج السيارة ان نظام التبريد مغلق طبعا زودت ميه..... سؤالى هو هل يكون فيه تسريب ولا ده عادى والواحد يبص على الميه بعد كده و يعنى ايه تبريد مغلق و السلام
فاضيه خالص ولا فيها ميه قليله ؟؟؟
وبعدين المفروض متزودهاش ميه عاديه الأفضل يعني انك تزودها ميه خضرا للرادياتير علشان تحافظ على الحرارة والرادياتير
يستحسن تروح تشوفها في اي بنزينة او التوكيل
شكرا على سرعة الاستجابة ا/ابو عبدالله هى كان فيه حاجة بسيطة قوى
أنا شايف ان دية حاجة مش طبيعية و لازم تروح التوكيل و الله أعلم
راقبها ولو لقيت المية بتنقص يبقي تروح التوكيل فورا لان ده خطر جدا علي المحرك
وان شاء الله بسيطة
طبعا مش طبيعى انك تلاقيها فاضية بس انت كنت شوفتها قبل كدة كانت ملاينة ؟؟
انت حط مياة ريادتير حتى علامة ماكس وراقب منسوب المياة فى القربة كل كام يوم لو لاقيتها يتنقص يبقى اكيد فى تسريب وتروح التوكيل
سؤال يا باشمندس طارق
انا معايا لانسر 2009 اتوماتيك 1600 بقالها معايا شهرين و امس اول مرة افتح الكابوت لقيت قربة الميه بتاعة الرادياتير تكاد تكون فاضية فقمت بتزويدها ميه خضرا للاخر و بمراجعة كتالوج السيارة لقيته بيقول ان نظام التبريد مغلق فهل تزويدى للمية غلط ولا ايه ارجوا الافادة و لسيادتكم جزيل الشكر.....
هوا حضرتك تلاقيها ماكنتش فاضيه ولا حاجه
هيا فيه عند حضرتك علامه على القربه max و min والميه بتكون بين العلامتين دول وحضرتك اذا كنت زودت الميه لغايه الاخر فده غلط جداا علشان لازم تسيب فراغ للهواء علشان لما العربيه تسخن الميه بتتمدد فى القربه فى المساحه الفاضيه
اقتباس:
المشاركة الأصلية كتبت بواسطة zeyad1810
هوه ده الكلام الصح وخلى بالك من العلامه دى كويس لأنها فى اللانسر واطيه فممكن تكون انت اتهيالك انها فاضيه او المياه ناقصه كتير
على فكره فى واحد صاحبى كان لسه شارى لانسر برضه وكانت اول عربيه يشتريها وعمل بيها كام مشوارالمهم قابلنى فى يوم وقالى انا لقيت قربه الميه فاضيه خالص رحت مزودها ميه لحد الأخر بس كانت العربيه مش دايره وكنت لسه راجع من مشوار ده غلط ؟
بصراحه انا قلبى وقع ايه زود العربيه ميه وهى سخنه والموتور واقف طبعا دى مشكله زى مانتوا عارفين
المهم قلتله افتح الكابوت ورينى انت زودت الميه فين !!!!!
الحمد لله طلع كان قصده على ميه المساحات:khd:
المقصود من تنويه الكتالوج بأن الدوره مغلقه.....ياعنى المفروض مايبقاش فيه فقد فى المياه بصوره ملفته للنظر......ولكن فى الحقيقه بيكون هناك نسبه فقد بسيطه تكاد لاتذكر على المدى البعيد نتيجه عملية البخر والفوران التى تحدث للمياه......ولكن بالنسبه للوضع اللى منوه عنه.....المفروض انك تعيد تزويد المياه للعلامه العلويه ....وتتابع معدل النقصان.....لو موجود نقصان يبقى فيه مشكله فى دورة المياه....اما فى رباطات القفزان أو غطاء القربه نفسه مش كويس