إرتفاع جميع أسعار السيارات موديل 2009 ما رأيكم؟؟؟

**Hany Saad** · 31-01-2009 01:19 PM

أعزائى أعضاء المنتدى

أتوقع زيادة أسعار جميع السيارات الميجان الجديدة إستيراد 2009 بعد نفاذ المخزون لدى التوكيل و هذه الزيادة سوف تشمل كل السيارات خاصة اليابانى لإرتفاع قيمة الين اليابانى و هو ما صرح به مصطفى شاهين اليوم فى أخبار اليوم.

بالنسبة للأسعار التى إنخفضت فى الفترة الأخيرة هى عبارة عن مخزونات 2008 و بدايات 2009 حيث إن أى توكيل يقوم بعملforecast لمسحوباته لمدة سنة مقدما حتى يتم أخذ كميته فى الإعتبار وقت الإنتاج،و حيث إن بدايات 2008 كانت مبشرة فتم عمل forecast متفائل لها و لكن وجهها القبيح ظهر بعد مرور شهر يوليو و عدم تحقيق المرجو من المبيعات.

فمن قام من الوكلاء بإستيراد عدد كبير سوف يقم بتنزيل السعر لتصريف المخزون و من لم يقم بإستيراد عدد كبير سوف يقوم بعمل عروض للصيانة المجانية حيث إن نسبة الضرر قليلة نسبيا.

بالنسبة لتوقعات 2009 معظم التوكيلات سوف تطلب كميات ضعيفة جدا و هذا بدوره سوف يؤثر على الشركة الأم التى سوف تقلل الإنتاج و تستغنى عن العمالة و توزع مصروفاتها الثابتة على عدد الوحدات المنتجة (التى قلت لضعف الطلب) فسوف يزيد سعر الوحدة.

أو البديل هو المحافظة على نفس السعر و تقليل الكماليات مثل ما حدث للميجان أعتقد منتصف 2008 حيث تم إزالة المرايات الضم و الفوانيس الشبورة و مثبت السرعة و حليات الأبواب الخارجية كانت غير مطبوع عليها.

طبعا هذه هى توقعاتى الشخصية بناء على قراءة السوق و أتمنى أسمع مشاركتكم.

**mahmoud_nov1985** · 31-01-2009 02:16 PM

بغض النظر عن مبررات اى وكيل
نفسنا نعيش زى بقيت الناس

**mbisar** · 02-02-2009 06:39 PM

هو اللى انا متأكد منه ان الأزمه العالميه بدأت تشتغل عندنا فى مصر جامد اوى و ده معناه ان سعر المستعمل هينزل جامد اوى و هيتخسف بيه الأرض و ده نتيجه لأن فى ناس كتير هتتسرح من عملها و الناس دى كانت واخده عربيات بالتقسيط من البنوك و مش هتقدر تسد الأقساط و البنك هيضطر ياخد العربيات دى من اصحابها و لما ياخدها هيبيعها بالمزاد و ده هيخلى سعرها ينزل جدا ، اما الزيرو معتقدش انه هينزل اعتقد بس ان فى توكيلات كتير اوى هتقفل و معارض كتير هتفلس و هيفضل الناس الجامدين بس فى السوق و هيبقا شراء العربيات بالحجز لمدد كبيره و فى عربيات هتنقرض من السوق المصرى زى امبريزا مثلا و زى المازدا و الكلام ده كله على شهر 4 كده او 5 هيبان و ربنا يستر

**محمد ابراهيم 1** · 02-02-2009 07:02 PM

كدابين دول ما تصدقوش
وكله الوكلاء بيقولوا كده عشان يقنعوا الناس تشترى بالأسعاردى
واللى ناس كتير متعرفوش إن الوكلاء عايزين يعملوا حظر استيراد لجميع السيارات لمدة عام عشان يقدروا يبيعوا العربيات اللى عندهم بدون خساره وده مقابل تخفيض 5% من الأسعار الحاليه

**ringoo84** · 04-02-2009 07:58 PM

العمليه كلها ان هنا في مصر بيحاولو يقنعونا ان العمليه هتزيد وتولع نار علشان عرفين ان الشعب بيصدقهم بس الكلام بتاعهم غير مقنع خالص ...........
والامل الوحيد ان الشعب يستمر في الامتناع عن شراء السيارات الجديده.........