بصراحه كرهت العربيات

**ahmedali** · 31-01-2009 02:26 PM

اول حاجه بحيى كل الاخوة اللى هنا على معلوماتهم اللى بيفدوني بيها بجد وخلونى فهمت حجات كتير ما كنتش فاهمها بس انا بصراحه كرهت العربيات خلاص ومش هشتري انا كنت ناوى اجيب عربية الفتره دى في حدود المبلغ من 65 الى 75 الف المهم كل ما ابحث في المنتدى عن عربية عشان اجيبها اتفاجيء بمساويء كتير اوى فكرت في هيونداى قالو غبور وتوكيله الغير محترم واسف ده كلاام اللى كتبو قولت اشوف شيفورليه افيو الاقي توكيل زفت في الكلام وعربية كلها عيوب وكلام كتير يخلى الواحد يتشائم فكرت في الرينو سيمبول لقيت صور عن السيارة وتعليقات انها سيارة سيئه جدا فكرت في البونتو عربية ايطالي ميه بالميه وفعلا محترمه بس الاقي الناس تقول لا توكيل زى الزفت وبيحسبنو فيهم طيب انا ايه يخلينى ادفع فلوسي في حاجه تجبلي القرف بدل ما تجبلي السعادة انا اكيد مش سارق الفلوس دى عشان اشتري حاجه تنكد عيشتى
والله بجد حاجه تحير ونظام بلد غريب لا رقابه ولا ضمير ولا اى حاجه ربنا يصلح الحال في بلدنا وتكون احسن بلد لانى رغم كل القرف اللى بنشوفه الا انى ما رضتش اسافر واخرج منها لانى بحب ناسي واهلى جدا واسف على الاطالة

**Imhotep** · 31-01-2009 02:39 PM

اعلم جيدا ما تحس به، لانى كان عندى نفس الحيرة حتى وقت قريب، فعلا الاختيارات فى هذ الفئة محيرة جدا. هل فكرت فى الرينو لوجان؟ السيارة حسب اراء مستخدميها جيدة، و توكيل رينو يقال انه جيد جدا، يبقى فقط شكل السيارة الذى تحتاج ان تقبله، فهى مسألة اذواق. كان الله فى عونك، و عوننا جميعا، فحينما تقارن ما نحن فيه، وما يجده الناس فى دول اخرى من تسهيلات و اختيارات و كماليات و خدمة، تحس ان من يوفرون السيارات فى السوق المصرية يتكرمون علينا بالموديلات الناقصة فى الكماليات، والخدمة الجيدة التى لا نستحقها، ولا كأننا ندفع ثمن لهذه السيارات.