الموضوع: Test Drive New Accent & Getz

مساعدين الاكسنت غاز

الجيتز زيت على ما اعتقد

انا سوقت الاتنين بصراحه الفرق شاسع جدا

الجيتز بصراحه عربيه سيئه جدا من وجهه نظري لان مساعدينها ولا يستحملوا المطبات ولا حتى ثابتين ولو ملف جامد العربيه فعلا بتتزحلق في الملف كل ما فيها ماتور حلو فقط لاغير والميزه دي كمان موجوده في النيو اكسنت ماتورها قوي جدا

النيو اكسنت ثابته بس انت لو بتدور على ثبات بعد 160 تبقى النترا القديمه او الجديده النيو اكسنت بتخف بعد 160 في الطبيعي وفي طرق بتمشي فيها حلو لحد 190 وبتقدر تتحكم فيها بعد 160 بس مش للدرجه ودي عربيه مدينه اساسا مش طرقات

النيو اكسنت برضو عفشتها مش مريحاني عشان ناشفه وخصوصا التعليق الخلفي بس بعد الجنط بدات تبقى كويسه خصوصا ان الجنط هو الي بيشيل بلاوي الطريق مش المساعدين

الف شكر على الرد،
انا باركب الفيرنا كتير و شايف ان عفشتها مش بطالة ، لو الاكسنت عفشتها افضل من الفيرنا تبقى اكيد كويسة .
بالنسبة للثبات على فكرة انا مبعديش الـ 120 كتير بس ساعات بتطلب بالذات فى طريق مارينا مغرى جدا و العربية بتجرى لوحدها ،
انا سمعت ان الجيتز فيها مشاكل فى الفرامل الكلام ده صحيح ...؟!
و اخيرا ، اخبار البنزين ايه سواء فى الاكسنت او الجيتز..؟! كام كيلو فى الـ 20 لتر ..؟

بالنسبه للاكسنت ف عفشتها انشف شويه من الفيرنا بس محترمه اكتر
والاكسنت ثباتها افضل من الفيرنا بمليون مره والى حد كبير تحس انك راكب ياباني مش كوري وموتورها صوته افضل بكتييير جدا من الفيرنا
وحتى والعربيه واقفه متحسش انه داير


بالنسبه للجييتز العفشه بتاعتها زيت مش هوا

والماكفرسون ده مش نظام المساعدين ده تقريبا المقصات او التعليق الامامي

النيو اكسنت مكتوب المساعدين غاز
والكلام ده من موقع هيونداي ومن واقع التجربه الجيتز استحاله تكون عفشه هوا
والجيتز ثباتها في رايي تعبان ان تقارنه بالنيو اكسنت او حتى الفيرنا

------------------

في نقطه مهمه شويه الفيرنا لما سوقتها في الغرز مثلا متحسس بشنطتها خالص تحس ان الشنطه جزء لا يتجزا من العربيه

النيو اكسنت مع انها افضل ثبات وعفشه ومريحه

الا ان شنطتها العاليه تحسسك بوجودها اثناء الغرز وهي عامه محتاجه جنط وتبقى تحفه التحف في الفئه دي خصوصا

Front MacPherson Type Strut with Oil Shock Absorber
Rear Coupled Torsion Beam Axle with Gas Shock Absorber
Shock Absorber Telescopic hydraulic double acting type(FRT:Oil, RR:Gas)

بالنسبه للمساعدين مكتوب انها زيت oil shock absorber


اما نيو اكسنت



Front MacPherson Strut
Rear Coupled Torsion Beam Axle
Shock Absorber Gas type

مساعدين غاز gas not oil

وصدقني الجيتز مخييفه جدا جدا بعد 100
مع ان فيها متور معدي وهي تقريبا نفس متور الفيرنا

متور النيو اكسنت cvvt في ميكانيكي قالي انه نفس المتور يعني نفس الصبابات والبساتم بس باختلاف طريقه الحقن الي هي cvvt
والله اعلم بس انا استبعد انهم نفس المتور خصوصا ان صوت متور الاكسنت في السحب انعم بكتير من الفيرنا

شكرا يا حمادة ،
انا كمان مقلق من الجيتز بس فيه ناس راكبنها رائيهم ان العربية ممتازة ، بس محتاجة جنوط ..هيا كمان شبابى اكتر ، و عربية حلوه بجد ، و على فكرة العربية دى انا شفتها منتشرة فى المانيا جدا...و الناس دى اكيد بتفهم ...
بالنسبة لاستهلاك البنزين ايه الاخبار....!!!
انا عرفت ان الافيو موفرة جدا ...بس بصراحة مش طلباها خالص ، انا عاجبنى الاكسنت اوى ..
الاختيار التانى عندى هوا الريو عربية محترمة , بس انا شايف ان اللى معاها ريو دلوقتى مش عارف يبيع و ده اللى مخللينى مقبل على الهيونداى عموما لانها عربية بياعة ..