البطاريه نامت يارجاااااااااااله

**moudy88** · 31-01-2009 06:18 PM

امبارح الجمعه بعد الصلاه جيت افتح العربيه بالريموت مافتحتش ..قولت ممكن تكون الحجاره بتاعت الريموت خلصت ...فتحت بالمفتاح والسنتر مافتحش قولت عادي يمكن معلق....جيت ادور مافيش حاجه ...لا الكاسيت شغال ولا الكلاكس شغال ... تخيلوا برضه الساعه كانت مش شغاله .... كأن العربيه مافيهاش بطاريه اصلا ...فتحت الكابوت وجبت الواد صبي الكهربائي ومعاه بطاريه ووصله...في ثانيه واول لما عمل الوصله العربيه اشتغلت من اول مره وكأن مافيش حاجه حصلت وخرجت بيها عادي جدا....والدي قالي علشان انت راكنها وما بتسخنهاش ...مع اني كنت خارج بيها يوم الثلاثاء ...يعني اتركنت 3 ايام بدون تسخين ...والبطاريه جافه فارتا من شهر 8 اللي فات ...ايه اللى حصل ماعرفش؟؟؟؟؟؟

**samirayad** · 31-01-2009 06:22 PM

المشاركة الأصلية كتبت بواسطة moudy88

امبارح الجمعه بعد الصلاه جيت افتح العربيه بالريموت مافتحتش ..قولت ممكن تكون الحجاره بتاعت الريموت خلصت ...فتحت بالمفتاح والسنتر مافتحش قولت عادي يمكن معلق....جيت ادور مافيش حاجه ...لا الكاسيت شغال ولا الكلاكس شغال ... تخيلوا برضه الساعه كانت مش شغاله .... كأن العربيه مافيهاش بطاريه اصلا ...فتحت الكابوت وجبت الواد صبي الكهربائي ومعاه بطاريه ووصله...في ثانيه واول لما عمل الوصله العربيه اشتغلت من اول مره وكأن مافيش حاجه حصلت وخرجت بيها عادي جدا....والدي قالي علشان انت راكنها وما بتسخنهاش ...مع اني كنت خارج بيها يوم الثلاثاء ...يعني اتركنت 3 ايام بدون تسخين ...والبطاريه جافه فارتا من شهر 8 اللي فات ...ايه اللى حصل ماعرفش؟؟؟؟؟؟

كده الصوره تقريبا....وضحت ياريس.....مشكلتك ان الدينامو شحنه ضعيف.....ولازم تكشف عليه....لأنه ممكن يكون سبب كل المشاكل اللى بتعانى منها.....وخصوصا موضوع البنزين

**moudy88** · 31-01-2009 06:25 PM

بس مافيش لمبه نورت ...هو مش المفروض اللمبه تنور ؟؟؟؟؟ ...حضرتك ممكن تشرحلي الدينامو ازاي بيأثر ...

**samirayad** · 31-01-2009 06:31 PM

المشاركة الأصلية كتبت بواسطة moudy88

بس مافيش لمبه نورت ...هو مش المفروض اللمبه تنور ؟؟؟؟؟ ...حضرتك ممكن تشرحلي الدينامو ازاي بيأثر ...

مش شرط ان لمبة الدينامو تنور......دا لو الشحن ضعيف......لأنها المفروض بتنور لما ينقطع الشحن تماما.....سير مقطوع أو تلف بالدينامو.....بس واضح ان الدينامو محتاج صيانه

**samirayad** · 31-01-2009 06:38 PM

المشاركة الأصلية كتبت بواسطة samirayad

مش شرط ان لمبة الدينامو تنور......دا لو الشحن ضعيف......لأنها المفروض بتنور لما ينقطع الشحن تماما.....سير مقطوع أو تلف بالدينامو.....بس واضح ان الدينامو محتاج صيانه

بالنسبه لتأثير الدينامو على الاستهلاك .....فهو كالأتى........نحن نعرف أن وحدة التحكم التى تقوم بقيادة كل مؤثرات الأداء بالمحرك يلزم لها...فولت ثابت لايقل عن 12 فولت.....لكى يكون هناك تحكم مثالى فى أداء المحرك.....وحينما يكون خرج الدينامو ضعيف(أقل من 12 فولت)....بيحدث اختلال فى عمل وحدة التحكم.....وينعكس ذلك على كل الأداء الخاص بالمحرك...وزى مابيقولوا كده وحدة التحكم بتكون مش مسيطره بطريقه مثلى على الأداء

**moudy88** · 31-01-2009 06:48 PM

يعني اوديها للكهربائي واحكيله القصه ...وهو يشوف الدينامو ...وبعدين الكهربائي بتاعي كنت بوديله الشاهين ...بس عمري ماوديت النوبيرا للكهربائي ...هيعرف الكنترول يونيت والكلام ده.. وسؤال كده انا سمعت انك لما بتشيل كابل البطاريه ...الكنترول يونيت بيعمل restart صح الكلام ده...

**samirayad** · 31-01-2009 06:57 PM

المشاركة الأصلية كتبت بواسطة moudy88

يعني اوديها للكهربائي واحكيله القصه ...وهو يشوف الدينامو ...وبعدين الكهربائي بتاعي كنت بوديله الشاهين ...بس عمري ماوديت النوبيرا للكهربائي ...هيعرف الكنترول يونيت والكلام ده.. وسؤال كده انا سمعت انك لما بتشيل كابل البطاريه ...الكنترول يونيت بيعمل restart صح الكلام ده...

بص....شوف لو الكهربائى كويس وواثق فى شغله......روحله.....وقوله أكشفلى على الدينامو وقيس الخرج بتاعه(أكيد حيلقيه أقل من 12 فولت).......لو طلع كلامى مظبوط قوله أعملى الصيانه المطلوبه بحيث أنه يظبط خرج الدينامو......وخليه برضه ينظف الأتصال الأرضى بتاع وحدة التحكم والبطاريه وبعدين يربط كويس.....بس خليه لما يشيل البطاريه برضه يفصل السالب الأول وبعدين الموجب والعكس فى التركيب للبطاريه......وبالنسبه لوحده التحكم هى فعلا بتعمل اعاده تهيئه لوضع التحكم الجديدRESTART

**moudy88** · 31-01-2009 07:06 PM

تمام كده يابشمهندس ...إن شاء الله هوديهاله واقولك ...عالفكره انا مارضيتش اكتب المشكله امبارح لحد ماحضرتك تيجي

**samirayad** · 31-01-2009 07:14 PM

المشاركة الأصلية كتبت بواسطة moudy88

تمام كده يابشمهندس ...إن شاء الله هوديهاله واقولك ...عالفكره انا مارضيتش اكتب المشكله امبارح لحد ماحضرتك تيجي

الله يكرمك ....أنا فعلا مقتنع دلوقتى ان دى المشكله اللى موجوده فى عربيتك......وحاسس أنه قد آن الأوان لتتنفس الصعداء بسبب استهلاك البنزين الكتير....وربنا يسهل فى موضوع البطاريه الجافه بتاعتك تكون فيها خير لسه.....وديها لحد عنده تنجر شحن يحاول يشحنها برضه يمكن يكون لسه فيها خير......وأنا فى انتظار الأخبار....علشان كلنا نستفيد.....ودعواتى لك بالتوفيق....وخللى موضوع فلتر الفتيس بعدين على مانشوف الموضوع بتاع الدينامو والبطاريه......بس أهم شىء تخليه يشيك على خرج الدينامو بالأفوميتر(مش يقولك بيشحن وخلاص)