الموضوع: حد يقدر يفدنى فى تقدير استهلاك الاونو للبنزين لانى متلغبط جدا

السلام عليكم ورحمة الله وبركاته
أنا رأي إن ممكن تكون السيارة كانت مكتومة أصلا فمبتسحبش بنزين ولما نضفت الكاربيراتير بقت تسحب أكتر واللى يقول ان الكلام ده صح ولا غلط أمر انت اللى تعرفه
هي العربية كانت بتسخن أو بتقط قبل تنظيف الكاربيراتير ومابقتش بعده ولا عادي

ممكن يكون في سبب تاني لفرق البنزين
ان الميكانيكي أو بتاع الكاربيراتير حطلك بيكات أوسع من القديمة وفي الحالة دي ارجع لميكانيكي ثقة يفيدك هل تضيق البيكات أفضل أم يضر السيارة
"معلومة هامة أنا لست مهندس ولا ميكانيكي ولكن أقول اللى اعرفه بالتعامل مع السيارات فراجع كلامي مع أهل الخبرة"
:)

الف الف شكر لحضرتك
هو الميكانيكى قلى ان بعد عمليه التنظسف البيكات وسعت وقلى نجيب طقم اصلاح ايطالى من الكيلانى علشان نريح دماغنا وجبته ولسه المشكله قائمه

وعلى فكره هى العربيه بقت تسحب فعلا احسن من الاول لانها قبل عمليه التنظيف كانت بتقطع وكان اجى ادورها تبطل وتنتش وهى ماشيه بس الكلام ده معدش بعد التنظيف والميكانيكى كان مستغرب وهو بينضف الكاربيراتير وورانى الى طلعه وقلى ده طين مش تراب عادى وده من كتر التراب الى جواه

المشاركة الأصلية كتبت بواسطة shshtawy

وعلى فكره هى العربيه بقت تسحب فعلا احسن من الاول لانها قبل عمليه التنظيف كانت بتقطع وكان اجى ادورها تبطل وتنتش وهى ماشيه بس الكلام ده معدش بعد التنظيف والميكانيكى كان مستغرب وهو بينضف الكاربيراتير وورانى الى طلعه وقلى ده طين مش تراب عادى وده من كتر التراب الى جواه

السلام عليكم
طالما الموضوع كده يبقى الأفضل ألا تقارن الأداء الأن بما كان قبل عملية التنظيف ولكن قارن مع مثيلتها من نفس النوع او حتى الأنواع الأخرى المتشابهة في الCC لكى تحصل على متوسط

اول ماجبتها فولتها 35 لتر وعملت 450 كيلو متر
وبعد عمليه التنظيف فولتها 35 لتر وعملت 350 كيلو متر

انا مش عارف ازاى اعمل لها تقدير فى سحب البنزين ياريت الى يعرف يقولى على الطريقه

انا بفول وبحسب هى عملت كام كيلو فى الاخر وفى ناس قلتلى افول وبعدين امشى مشوار كبير وبعدين اروح افول تانى واشوف هى سحبت كام لتر