عاوز اركب تكييف فريون فى كورسا موديل 94 يتكلف كام ؟؟؟ عاوز اعرف رايكم

**ma7oo** · 01-02-2009 05:05 AM

عندى كورسا موديل 94 موتور 1200 وعاوز اركب تكييف فريون ياريت تساعدونى فى التكلفة واى ملاحظات

**Ahmad Allawy** · 01-02-2009 09:14 AM

في اكتر من حاجة احب اقولك عليهم..

اولا.. ممكن تركب تكييف كله جديد زيرو..
بس هيبقي بارد بس..و هيتلغي التكييف السخن اللي هو اصلا موجود ف العربية.. و في الحالة دي هيتركب تكييف ساندن ياباني.. و تكاليفه.. حوالي 3500-3700

الحل التاني انك تخلي التكييف السخن.. بس هتشتري الكومريسور بس الجديد.. و حاجة اسمها الكويل.. هتجيبها استيراد.. و دي اللي ينفع معاها انك تشغله البارد معا لسخن اللي ف العربية اصلا.. و مش فاكر ايه تاني كده.. و في الحالة دي التكاليف هتبقي اقل شوية..

افضل اماكن تتعامل معاها ديافيا في كوبري القبة..
او مقار في مدينة نصر و المعادي..
شوف اللينك دي هتلاقي فيها عنوان ديافيا.. و ارقام تليفوناتهم..
http://www.nilemotors.net/Nile/showt...F%ED%E1&page=3

**ma7oo** · 02-02-2009 07:30 PM

الف شكر يا ahmad allawy على مساعدتك وردك عليا بس ياريت لو تعرف تكلفة الطريقة التانية اللى انت قلت عليها بالتقريب كده واحسن مكان اروحله بالزبط عشان المشوار هيبقى جامد شوية معلش انا هتقل عليك والف شكر على ردك

**Matrix_Reloaded** · 02-02-2009 10:41 PM

اطلع بورسعيد وهات كل حاجة (كباس+سربنتينة+كويل+مواسير)� �ستيراد تعملها 2300 ج الطريقة دى احسن التكييف البلدى ع العربية دى بيبقى زى قلته
ومش مهم حاتعمل انهى طريقة اهم حاجة الصنايعى اللى حايركب دى اهم حاجة

**Ahmad Allawy** · 03-02-2009 11:09 AM

المشاركة الأصلية كتبت بواسطة Matrix_Reloaded

اطلع بورسعيد وهات كل حاجة (كباس+سربنتينة+كويل+مواسير)� �ستيراد تعملها 2300 ج الطريقة دى احسن التكييف البلدى ع العربية دى بيبقى زى قلته
ومش مهم حاتعمل انهى طريقة اهم حاجة الصنايعى اللى حايركب دى اهم حاجة

هو انت كلامك صح في موضوع الصنايعي..
بس مش معاك في موضوع انه يجيبه كله استيراد.. ليه بقي..؟؟ عشان انت لو هتركب جديد.. هيبقي الكويل بس هو اللي استيراد.. الباقي كله جديد..

و للأخ صاحب الموضوع.. ممكن تكلم ديافيا.. و تسألهم.. و هما ممكن يعملوها عادي من غير مشاكل..