انا عندي مشكلتين فالسويفت 93

**aymoonoo** · 01-02-2009 09:34 AM

يا جماعه ياريت تساعدوني انا عندي مشكله فالعربيه اني لما اطلع فوق الميه تقريبا الديريكسيون مش بيبطل هز والعربيه فيها شوية هز بس الديريكسيون بيكون يهز بشده والموضوع ده بلاحظو مش دايمن فترات اه وفترات لا وعندي مشكله تانيه اني لما ابطل العربيه بتقعد تعمل زي بكبه وبعد كده بتعمل ببببببببببببشششش وبتبطل قالولي كهربه رحت عند المسكانيكي زبطهالي اكتر من مره وتكون تمام وبعدين ترجع وبرضو عندي حاجه انه العربيه هيا واقفه في مرات برضو مش دايمن لما اشغل انوار العربيه باليل تبدا تهز وكانها عايزه تبطل ودي مش بتحصل دايمن فترات
وانا عندي برضو مش عارف ليه لما العربيه تكون بارده لما اشغلها طول الوقت قبل متسخن الrpm بيعلى فوق الواحد ونص وفي فترات بيوصل لتنين وهيا واقفه بعد متسخن ادوس مره عالبنزين وهيا واقفه تلاقيه نزل وكل حاجه رجعت طبيعيه
ياريت تيفيدوني واسف عالإطاله

**samirayad** · 01-02-2009 11:00 AM

المشاركة الأصلية كتبت بواسطة aymoonoo

يا جماعه ياريت تساعدوني انا عندي مشكله فالعربيه اني لما اطلع فوق الميه تقريبا الديريكسيون مش بيبطل هز والعربيه فيها شوية هز بس الديريكسيون بيكون يهز بشده والموضوع ده بلاحظو مش دايمن فترات اه وفترات لا(الأول حترصص...ان مارحتش الهزه..يبقى فيه مشكله فى علبة الدركسيون) وعندي مشكله تانيه اني لما ابطل العربيه بتقعد تعمل زي بكبه وبعد كده بتعمل ببببببببببببشششش وبتبطل قالولي كهربه رحت عند المسكانيكي زبطهالي اكتر من مره وتكون تمام وبعدين ترجع(ياتعليقه من الكونتاكت...يافيه مشكله فى دورة بخ البنزين) وبرضو عندي حاجه انه العربيه هيا واقفه في مرات برضو مش دايمن لما اشغل انوار العربيه باليل تبدا تهز وكانها عايزه تبطل ودي مش بتحصل دايمن فترات(ده بيؤكد على أن العيب اللى قبله فى دورة بخ البنزين....مش فى الكونتاكت)
وانا عندي برضو مش عارف ليه لما العربيه تكون بارده لما اشغلها طول الوقت قبل متسخن الrpm بيعلى فوق الواحد ونص وفي فترات بيوصل لتنين وهيا واقفه بعد متسخن ادوس مره عالبنزين وهيا واقفه تلاقيه نزل وكل حاجه رجعت طبيعيه
ياريت تيفيدوني واسف عالإطاله

الموضوع الأخير ده شبه طبيعى....ولو كشفت على دائرة بخ البنزين معدل علو السرعه فى البدايه حيكون أفضل

**aymoonoo** · 01-02-2009 02:58 PM

شكرا على الرد السريع بس انا قرفتني فححوار انها بتقعد تبكبك وبعدين بتعمل بش وبطلع ريحه مش حلوه كل الي شافها قالي زيادة كهربه

**samirayad** · 01-02-2009 03:09 PM

المشاركة الأصلية كتبت بواسطة aymoonoo

شكرا على الرد السريع بس انا قرفتني فححوار انها بتقعد تبكبك وبعدين بتعمل بش وبطلع ريحه مش حلوه كل الي شافها قالي زيادة كهربه

عامة مش حتخسر حاجه لو قللت الكهرباء شويه وجرب.......بس كنت عاوز أسأل....مش برضه العربيه المحرك بتاعها نظام كربوراتير.....والاسبراتير ميكانيكى

**aymoonoo** · 01-02-2009 06:57 PM

نظام كربوراتير

**samirayad** · 01-02-2009 07:15 PM

المشاركة الأصلية كتبت بواسطة aymoonoo

نظام كربوراتير

طالما ...أنت حاولت كتير فى عملية الاسبراتير......يبقى مطلوب حاليا ضبط نسبة الهواء للوقود باعادة معايرة مسمار الهواء بتاع الكربوراتير....وبرضه ياريت تنظف بك السلانسيه