عادل إمام يطلب إهدار دم زعيم القاعدة فى المغرب ويهاجم «حماس» وينتقد «القرضاوى» ..

**moudy88** · 02-02-2009 03:45 AM

من زمان وعادل الامام افلامه تسئ للدين
دائما بيطلع انه خمرجي وبتاع ستات وهناك سمه سائده في افلامه وهي السخريه من الدين والمتدينين بل ويتطاول على الائمه والشيوخ ولا يترك اي فرصه في اي برنامج الا ويسخر من الدين...بل انه قال في احد برامجه انه يفهم في امور الدين وقادر على الافتاء اكثر من اي عالم من علماء (اليومين دول) على حسب قوله

**Terrible_DaRsH** · 02-02-2009 04:09 AM

الغريبة بقي ..
بعد كل الاراء بتاعت الاعضاء دى ..
تلاقى الشيوخ متصورين مع الممثلين وبيتاقبلوا معاهم وبيلتقوا فى برامج مع بعض عاااادى جداا ولا كان فى شيء غريب بيحصل !!
شوفوا حسن يوسف ربنا هداه ازاى !!! وبقى واحد تانى خالص ..
و سهير رمزى !!!!!!!!!!!!!!!!!
وسهير البابلى ( ابلة عفت ) !!!!!
ولكن سهير البابلى طلعت فى ادوار دينية وده شيء عادى وقررت انها متطلعش الا فى ادوار دينية فقط.
ولكن سهير رمزى لسه بتمثل عادى جدا وبتطلع بالحجاب بس !!!
وشمس البارودى !!
ربنا يهدى الكل ويهدى عــادل امــام ..

**acer4000** · 02-02-2009 06:33 AM

انا مع عادل امام تماما
و فعلا نحن نعيش في زمن المسخ "عمارة يعقوبيان"
و من حق اي انسان انتقاد اي انسان طالما ينتقده بموضوعية ولا تفرق رجل دين من اي واحد عادي
لكن مجتمعاتنا المتأدلجة بالوراثة تصعق و تشل تماما امام الهالة الدينية المحيطة بالكهنة في اي ديانة و بالتالي اي رأي او انتقاد موجه لهم لا يقابل بموضوعية منذ البداية و تعلن الحرب على صاحب الرأي المخالف مهما كان رأيه

و بالتالي نتيجة طبيعية ان تجد يا عزيزي نفسك في منتدى القاعدة "على رأيك" !!!

**hamdy** · 02-02-2009 08:53 AM

المشاركة الأصلية كتبت بواسطة badry

يا أستاذ عزبي ‎إختلاف الآراء شيء متوقع في موضوع زي ده.........و كل الآراء تحترم........

و ده مش منتدى القاعدة ولا حاجة...............
ده منتدى مصري ....و مصري أوي كمان........عشان كده ‎الأغلبية رأيها زي منتا شايف ..........
ماهية دي المفاجأة فعلا بالنسبه لناس كتيرة و أولهم أهل الفن و السياسه !!!!!!

المصريين زمان ممكن كانو سذج و يهتفو لأي حد مشهور و وسيم و بيضحك.........
و كان أي حد لابس بدله يبقى بيه و أي واحده لابسه سواريه تبقى هانم..............
و أي حد يتكلم بالفصحي يبقى متعلم و متنور...........و أي حد بدقن يبقى مؤمن....

لكن بعد ما طلع مواليد الستينات و السبعينات و التمانينات.....و اتعلمو و بقى عندهم وجهة نظر...و ‎خصوصا في زمن الإعلام المفتوح......
المصريين بينتقدوا كل حاجة بحرية فكرية..... يا راجل دول بينتقدوا ‎شيخ الأزهر و المفتي....
بقو يشوفو الحاجات بصورتها الحقيقية ............ المدعي مدعي.......و الأراجوز إلي مسمي قلت الأدب فن....يبقى أراجوز و قليل الأدب كمان.......و المطربة إلي مصره على لبس ‎مغري و رقص....تبقى راقصه......

عشان كدة أنا لما بحط نفسي مكان عادل إمام بعذره.....واحد عاش طول عمره الناس تحبه في الهلس بتاعو.....
لحد ما السلطة ‎استغلته عشان يعمل أفلام ربع سياسية....عشان ينفس عن الناس.....و تبقى فيه ديمقراطية و كله تمام....لحد ما صدق نفسه ياعيني.....و إنضم للحزب الوطني....
يلقي بقى أحفاد و أولاد الجيل إلي كان شايفه قدوه محتقره ليه و لفنه....قصدي لهلسه......و كل مايقول حاجة الناس تهزأ فيه......ده حتى الممثلين رفضو مواقفه التعبانة دي ...
ما طبعا لازم يتجنن و يقول أي كلام.........ما هو الحياه بالنسبة له نكتة و قفش و جمهور بسقف في سينما درجه تالتة.......

الله ينور عليك

**mohamedeed** · 02-02-2009 09:14 AM

كنت بحبة لانه كان بيضحكني وبس وعلشان انا كنت مجرد طفل تفكيري محدود وكنت بقول ان الراجل ده لو مات انا مين هيضحكني؟!

بس بعد ما كبرت وبديت افهم افلامة الساخرة من الدين والمليئة بالعري والالفاظ النابية والله كرهته
ده مفيش فيلم ليه الا لما يجيب واحد بلحية ويسخر منه ويمسكة جنزير ويطلعة حرامي
ولما كان في فيلم طيور الظلام واستهزي بالناس وهو بيدعي وقعد يقول كلام غير مفهوم وكانه يستهزابالدعاء
ربنا يهديه او يخلصنا منه لاننا تعبنا ومش ناقصين اراجوزات

**Mido80** · 02-02-2009 10:45 AM

غريبة جدا الردود الصاروخية لعادل امام علي موضوع اهدار دمة دة لاننا عمرنا ما بنشوفة يرد علي شائعات او اي شئ ولا عمرنا شفناة في برنامج تلفزيوني او حوار مفتوح ولا عمرنا شفناة بيستلم جوايز التكريم (رزق الهبل علي المجانين) اللي بيطلع واحد غيرة يتسلمها بدلا منة في المهرجانات (متحفظ الاخ). الغريب كمان انة بيتكلم علي الدكتور يوسف القرضاوي اللي لة ثقل جامد جدا في المحافل الدينية الدولية دة غير انة واخد لقب (العلامة القرضاوي) في دولة قطر ولة كلمة مسموعة عند الشيخ حمد. الفكرة ان عادل امام نظام حزب وطني (بيطبل ويزمر ورا الحكومة) وبيقدم الولاء والطاعة عشان الرضا التام. اية اللي يعرفة عادل امام عن مجاهدي حماس ولا عن القضية الفلسطينية اساساً. دة انسان غارق في ملذات الدنيا وشهوات الفلوس اللي ملهاش عدد. لو هو صحيح تمام كان يتغاضي عن الفتوي دي كلها ويطلع من جيبة مبلغ محترم يبرع بية لاخواننا في غزة بدل الافلام السافلة اللي شغال فيها ليل نهار. حسبي الله ونعم الوكيل

02-02-2009 11:36 AM

المشاركة الأصلية كتبت بواسطة EZABY

ايه الردود دي يا رجاله !!!
هو احنا في منتدي القاعده موتورز ولا ايه
ياناس ده عادل امام
فناااااااان كبير وانساااااااااااااااااااان اكبر
ومن حقه يقول رأيه في اي حد الا الانبياء

المشاركة الأصلية كتبت بواسطة acer4000

انا مع عادل امام تماما
و فعلا نحن نعيش في زمن المسخ "عمارة يعقوبيان"
و من حق اي انسان انتقاد اي انسان طالما ينتقده بموضوعية ولا تفرق رجل دين من اي واحد عادي

و بالتالي نتيجة طبيعية ان تجد يا عزيزي نفسك في منتدى القاعدة "على رأيك" !!!

منتدى القاعده ????!!
أولا أنا بعتبر دى إهانة وسخرية مباشرة , من المنتدى وأعضاءه ?!
ثانيا: بيتهيألى حضرتكم محتاجين تعرفوا أكتر عن شروط ومقومات و أسس النقد والناقد !

**Islam_galal** · 02-02-2009 12:40 PM

أنا بشارك برأي و ليس في جدل و بالتالي لن أعلق مرة أخري

عادل إمام هو أكبر مثل للرويبضة كما ذكر أحد الأعضاء عن حديث الرسول صلي الله عليه و سلم

و هو إنسان في رأيي الشخصي أساء أكثر مما أفاد بفارق كبير و يكفيه ليسكت أفلامه في فترة السبعينات و الثمانينات

و لا أعلم كيف أتته الجرأة لينتقد الشيخ القرضاوي، نعم الإسلام ليس فيه قدسيه إلا لله و رسوله و لكن ليس للعامه انتقاد مشايخ في حجم الشيخ القرضاوي ، الانتقاد يكون من علماء دين مثله و يكون في غرفات البحث العلمي أما عادل إمام هذا الإنسان الذي أكاد أجزم أنه لا يستطيع قراءة آيه قرآنيه قراءة صحيحه فأدعو له ربنا يهديه

هذا و كفي

**معتز** · 02-02-2009 12:55 PM

المشاركة الأصلية كتبت بواسطة ezaby

ايه الردود دي يا رجاله !!!
هو احنا في منتدي القاعده موتورز ولا ايه
.... عادل امام
...انساااااااااااااااااااا� �
ومن حقه يقول رأيه في اي حد الا الانبياء

+++++++++1

**aif** · 02-02-2009 01:33 PM

يعني ايه يقول رأيه ....
مش المفروض اللي يقول رأيه ده يقوله في حاجة هو بيفهم فيها ....
يعني واحد مدرس رسم مثلا ... ينتقد نظرية الفيمتو ثانية و يقول رأيه في احمد زويل .... وبعدين نقول انه من حقه ينتقد اي انسان الا الانبياء ....
ده راجل أراجوز .... ممكن يقول رأيه في فيفي عبده .... في نور الشريف ..... في الناس اللي في الوسط بتاعه ..... وفي المجال اللي سيادته بيشتغل فيه ....
لكن اللي ينتقد القرضاوي ... او احد الشيوخ او الفقهاء .... لازم يكون عالم دين .... مش أراجوز
وللعلم هناك من العلماء والفقهاء من اختلف مع القرضاوي .... ده في الآخر عالم مش نبي .... لكن للإختلاف أدب و أسلوب و أصول
لكن الأرجوزات .... يخلوهم في الطبل والزمر ويفتو فيه زي ما يحبو ...
انا مرة سمعت ليلى هانم علوى وهي بتفتي ... وبترد علي الناس اللي بيقولولها ان جسد المرأة عورة وحرام عليها تطلع تتعرى امام الكاميرات ويشوفها ملايين الناس .... سيادتها قالت ... الناس هما اللي مش فاهمين .... الحجاب ده كان أمر خاص لنساء النبي مش لكل الستات .....
بس خلاص