الموضوع: اسعار قطع غيار للانوس 30-1-2009

المشاركة الأصلية كتبت بواسطة kaboo4

السلام عليكم
اولا انا اليومين دول فكرت انى اظبط العربيه شويه
المهم الت احط اسعار الحجات الجديدة الى اشترتها لمنفعة العامه و خصوصا انى بلف جامد علشان احاول اوصل لاقل سعر و انضف نوعيه (الاصلى)
الحجات الى تم تغيرها
1- جوان غطاء التكيهات ب30 اصلى gm (تم تركيبه)
يوجد ب10 جنيهات كورى بردوا بس مش الاصلى
2-غطاء قربه ماء الاصلى ب45 بعلامه دايو gm
يوجد من اول 15
3- طقم فوانيس اماميه مركة ديبو ب230 تم تركيبه
يوجد ب80 جنيه الفانوس بس صينى
ثمن الاصلى فى التوكيل 450 و فى الوكاله 300
القدام واحد كان مدشمل من جوة و التانى سليم بس مصفر جامد
4- طقم لمض المانى nightbreaker
95 جنيه
5- جهاز انزار ولف ب160
و كان فيه ب150 بس انا حبيت اشترى من محل كبير علشان الضمان
6-شراء اكصدام بالصدادات الحديد كامل فبريكة بلون السيارة بالفوجات بتعتته (ملحوظة العربيه مجهزة لتركيب الفوجات )من اول دراع النور لدفيرة بتاعت العربيه الى وصله للاكصدام السعر 500 جنيه (طبعا دى انت و شطرتك )
بس الفوجات اصلا بتتباع الكورى الاصلى ب190
و الاكصدام من غير رش ب140
و الصدادت الحديد مش بتتباع و لو حتى بتتباع و الجديد كلوا على بعض ب950 ومش اصلى
دة كل الى تم شرائة فى الفترة الى فاتت و اى حاجة جديدة حجبها ححط اسعرها و لو حد عايز يعرف سعر حاجة يقولى و انا اقوله علشان انا سألت على حجات كتير

بعد الشكر
ياريت تقول مكان بيع قطع الغيار الأصلية..
لأنى سألت على جوان غطاء التاكيهات الأصلى ولم أجده فى أى مكان ومافيش غير التقليد (10 جنيه)
وكذلك غطاء القربة...
وشكرا

ممكن اعرف شكلها ايه الصدادات الحديد دى اللى فى الاكصدام لو فى صورة يبقى ليك الف شكر!!!

طيب في استفسار ضغير انا برده عاوز اعمل شويه تجديدات في العربيه من ضمنها الكبوت ياريت لو حد يعرف سعره يقولي (الجديد )وابقي شاكر ليكو

المشاركة الأصلية كتبت بواسطة kaboo4

السلام عليكم الحجات دى انا جايبها من واحد فى شارع
المرور فى الدقى مش بيبيع غير حجات دايو و هو توكيل للمرنو (المساعدين ) ادخل شارع المرور بالدقى و امشى فيه لغايت لما تلاقى محل كبير حاطط علامة الدايو بصراحة اسمه رايح من دماغى

المحل اسمه ابو الحسن تقريباًُ